السلام عليكم ورحمة الله وبركاته

انا عضوة يديدة فالمنتدى وحبيت اشاركم في اخر ماخطه قلمي المتواضع وان شاء الله تعجبكم القصيدة


متى يجي ياصاحبي يوم والاقيك
واطفي نار شوقن ساكنة الوجدان
تعبت من كثر مااتخيلك معي احاكيك
افضفض لك وانا من طبعي الكتمان
تعال وشوفني ياصاحبي الله يخيلك
وشوفني من بعدك كيف صرت ضميان
تعبت اترجى المسافة بس عشان اجيك
واروي من نبرة صوتك خافقي العطشان
تعبت من كثر ماباسمك اناديك
اتخيل كل هالناس وجهك الفتان
تعبت اكسر مسافات الوله واحتريك
وتعبت اعزي في بعدك قلبي الولهان
حتى الطيور اتخيل انها تجيك
توصلك سلامي من بلادي عمان



ان شاء الله تعجبكم....

تذكر دائما ً

ان احساسك صادق

قرأت انفاسك قبل قصيدتك

فكنتي رائعه


فقط تابعي مشوارك

وسنقف بجانبك

الشعر مدينه جميله

يسكنها الأفياء

شفافيه واضحه في النص

يوجد به نواقص ولكنه جميل

ولا احد مكتمل الا

" الله سبحانه وتعالى "

تقبلي مروري


" عامر الحوسني "

توقيعي


تعال عايدني قبل زحمة الناس
والا مثل كل عام خله يولي
والله تعبت اكتب على كل قرطاس
اني احبك يا بعد كل من لي

اشكرك على مرورك الحلووووووو ولي الفخر ان شاعر في مستواااك يرد او يعلق ع قصيدة خطها قلمي المتواااضع ....





تحياتي:
لوعة البعد

لوعه البعد
بوركتِ هذا الابداع
في انتظار مزيدك

احساس هواجس رائعه لوعة البعد

بوركتي

الف الف شكر على الكلمات الجميله
ومن صفحتك اشكر استاذي الشاعر عامر الحوسني على مروره المعطر في مواضيع اخواني واخواتي الاعضاء
اتمنى للجميع التوفيق

الف الف شكر على الكلمات الجميله

حياك الله وهلا بيج
وجميل كلماتج ..نورتينا ...

السلام عليكم أنا عضوة جديدة لا اعرف كيفية اضافة مشاركات ممكن تدلوني مالي خبرة بالمشاركة في النوادي
مشكورين