orient
05-07-2007, 09:54 PM
السلام عليكم ورحمة الله وبركاته ...
حان الموعد لعرض يوميات شحطة ...هذه اليوميات هي من تأليف زهور الماضي (orient)
بما أن الحلقة الأولى طويلة نوعا ما ...ماراح أكثر من المقدمات ...هي يوميات لفتاة يترواح عمرها بين الخامسة عشر والعشرين ...تمر هذه الفتاة بمواقف عديدة في يومياتها ...
أتركم برعاية الله واتمنى لكم الأستمتاع ...مع الحلقة الأولى ..
لقـــــــــائي الأولــــ
تخرج الصبح من بيتهم وشاله شنطة لونها برتقالي وازرق ووردي ومخططه بالأخضر ... هين سايرة؟!
اللهــ يسلمكم كانت سايرة حال المكان بو يريضوا فيه الباص مال المدرسة ..
وهناك حصّلت بنت لابسة ثياب مال مدرسة ..وفي نفس عمرها تقريبا...المهم خلونا في الحوار الي صار :
شحطة : السلام عليكم ...صباح الخير
عويش : وعليكم السلام ... صباح الورد والفل والريحان
وكل شي حلو مثل وجهش الحلو يا حلوة
شحطة تشوف على صوب ..الظاهر ان رد عويش ما عجبها
عويش تكمل كلامها : إحم إحم كأنش جديدة هنا ..أنا اول مرة اشوفش ؟!
شحطة: هي هي صح أول مرة تشوفيني ..أنا وحياني منتقلين هنا قبل اسبوع ..
عويش : اهااا زين زين ..انزين مو أسمش ؟
شحطة ترد بكل رقه : اسمي شوووشوو
عويش باستغراب : شوشو؟ يعني انتي اسمش شكيرا؟!
شحطة : ياللهـ بصباح خير ! مو ذي الخسوفيه ؟!
عويش : غبنا ! يعني ما سمش شكيرا كما هذيك بو ترقص ؟!
شحطة : هاعه هاعه ما اسمي كما هذيك بو ترقص ..
عويش : اممم صحيح اني خسفه ..تو عرفت ..انتي اسمش شرصه
شحطه معصبة : اللهـ يصبرش يا روح ...شرصه في عينش ان شاء الله ..
حبوه انا اسمي شحطة ..ش ح ط هــ فهمتي ؟!
عويش : هيه هيه فهمت شطفه ..اااااقصد شحطه ..
لا تلوميني يا اختي تراني اتدهدر يوم خميس يتأخر ..!
شحطه : من نوبه ذا خميس ؟!
عويش : هذا سايق باصنا .. هو شويه مخرف ..بس انتيه حتتعودي عليه ..حنوه البنات كلنا تعودنا عليه ..
شحطة : زين زين زين اقصد مراعي هههههااااااي
عويش : أشوفش اليوم مستظرفه عمرش
شحطة : وانتي اصلا هين شفتيني غير اليوم يا ....... ؟!
عويش : ههه اسمي عويش .. مدام حنوه في نفس المدرسة حنشوف بعضنا واجد ...
لكن اقول بو فيه الخير انا نسيت دفتري في البيت حروح اجيبه ..
واذا جاء الباص قولي حال خميس يريضني شوية أنا ما بتاخر ..
شحطة تقتبس من سيرة الحب: ولا يهمج يا عيوني
مر الوقت وجا الباص ..
شحطة تكلم السايق : لو تسمح يعني هو يعني ربيعتي نست حاجه ورجعت تجيبها ..
فلو يعني تنتظرها شويه يعني هي ما اتتاخر ..فهل هذا ممكن يعني ؟!
السائق : علوه هِي يو بنتي شكلش جديدة ...لكن سمعي ..
انا لا أشتغل مع ابوش ولا مع ابوها عسب انتظرها كل يوم ...
يالله ركبي كان اتروحي ..!
ركبت شحطة ووجهها يصغر شويه شويه ..لأنها ما كانت متوقعه هذاك الرد ..
المشهد الثاني يوم وصلت شحطه المدرسه ...
أول ما دخلت كانت تايهه ..وكأنها حد من المغيبين ...
لكن المفاجأة انها شافت عويش فوجهها ..
عويش معصبه : تعالي تعالي يالدهجه هنا ..تعالي أراويش دواتش ..!
شحطة منتزقه : بسم اللهـ علينا ..شويه شويه ..انتيه كيف جيتي ؟!
عويش : وانتي حالموه تسألي ..جيت على حمارتش العويقه ...
شحطة تضحك : هههههاااااي تنكت الاخت
عويش : حالموه ما قلتيله يريضني ؟!
شحطة : مو كيه هو يشتغل مع ابوي ولا مع ابوش ؟!
عويش : وبعدش تعرفي تقليديه ؟؟! بغيناش عون استويتي فرعون ..!
شحطة : تعرف تجيب امثال بعدها ..
اقول يالغاوية أنا ما عارفه هين صفي ولا عارفه شي
..مدرستكم كنها متاهه ...كل ماادخل مكان أشوف عمري كاني عاد داخلتنه ...!
عويش : هههه بتتعودي شطفه ..اقصد شحطة ...
تعالي معي نروح الادارة وانشوف هناك عاد صفش هين منقرع ...!
بعد فترة من الوقت ..
عويش : مبروك طلع صفش نفس صفي
شحطة : ابتلاء من ربنا .وان شاء الله لمن الصابرين
عويش ماعجبها الرد ...مسكت شحطة من يدها وسحبتها فوق الدرج رايحات الصف ..
بعد عناء طلعة الدرج ..وصريخ شحطة ...وصلن الصف .....
عويش : جيبي هذا الكرسي وذيك الطاوله وخليهن هناك في الاخر ...
ترى انا ماحد يجلس محيتي ...ومن يوم ورايح حنكون محيت بعض في اخر الصف ..!
شحطة تتغرطم : وهل من ابتلاء أخر يا ربي ..؟! ياربي ارحمني من مخلوقاتك الغريبة ويسر لي أمري ....!
عويش : مو تقولي ماه؟؟!
شحطة : ما شي ماشي ..أكلم عمري ...أقول صفكم بارد
عويش تزعق بقوة : تفو تفو فوق المكيف ..عن الحسد
الكل يضحك ....وتبدء عمليات التعارف بين البنات وشحطة وعويش ...
خلص اليوم بشكل سريع وبدون أية مشاكل..
رجعت شحطة البيت تعبانه ... مالها نفس للأكل ...
اخوانها في البيت كانوا مستغربين ..
لأن شحطة متعودة تتغدى مرتين ...واليوم راجعه .. وارمه كما المندازي ...
اخوها حمدان : شحطة مالش ما بايه غدى ؟؟!
شحطة : بعدين بعدين تو تعبانه ...يوم انهض حخبركم مو استوى معي في المدرسه ..
يوم جا الليل جلست مبيا خوانها ..
وخبرتهم كله بو استوالها من الصبح علين الظهر ...وخاصة سوالف عويش ....!
وخبرتهم عن بقية بنات الصف والجنون بو راقعهن ...
نلتقي في اليوم الثاني من يوميات شحطة ..
زهور الماضي (orient)
:S_004:
حان الموعد لعرض يوميات شحطة ...هذه اليوميات هي من تأليف زهور الماضي (orient)
بما أن الحلقة الأولى طويلة نوعا ما ...ماراح أكثر من المقدمات ...هي يوميات لفتاة يترواح عمرها بين الخامسة عشر والعشرين ...تمر هذه الفتاة بمواقف عديدة في يومياتها ...
أتركم برعاية الله واتمنى لكم الأستمتاع ...مع الحلقة الأولى ..
لقـــــــــائي الأولــــ
تخرج الصبح من بيتهم وشاله شنطة لونها برتقالي وازرق ووردي ومخططه بالأخضر ... هين سايرة؟!
اللهــ يسلمكم كانت سايرة حال المكان بو يريضوا فيه الباص مال المدرسة ..
وهناك حصّلت بنت لابسة ثياب مال مدرسة ..وفي نفس عمرها تقريبا...المهم خلونا في الحوار الي صار :
شحطة : السلام عليكم ...صباح الخير
عويش : وعليكم السلام ... صباح الورد والفل والريحان
وكل شي حلو مثل وجهش الحلو يا حلوة
شحطة تشوف على صوب ..الظاهر ان رد عويش ما عجبها
عويش تكمل كلامها : إحم إحم كأنش جديدة هنا ..أنا اول مرة اشوفش ؟!
شحطة: هي هي صح أول مرة تشوفيني ..أنا وحياني منتقلين هنا قبل اسبوع ..
عويش : اهااا زين زين ..انزين مو أسمش ؟
شحطة ترد بكل رقه : اسمي شوووشوو
عويش باستغراب : شوشو؟ يعني انتي اسمش شكيرا؟!
شحطة : ياللهـ بصباح خير ! مو ذي الخسوفيه ؟!
عويش : غبنا ! يعني ما سمش شكيرا كما هذيك بو ترقص ؟!
شحطة : هاعه هاعه ما اسمي كما هذيك بو ترقص ..
عويش : اممم صحيح اني خسفه ..تو عرفت ..انتي اسمش شرصه
شحطه معصبة : اللهـ يصبرش يا روح ...شرصه في عينش ان شاء الله ..
حبوه انا اسمي شحطة ..ش ح ط هــ فهمتي ؟!
عويش : هيه هيه فهمت شطفه ..اااااقصد شحطه ..
لا تلوميني يا اختي تراني اتدهدر يوم خميس يتأخر ..!
شحطه : من نوبه ذا خميس ؟!
عويش : هذا سايق باصنا .. هو شويه مخرف ..بس انتيه حتتعودي عليه ..حنوه البنات كلنا تعودنا عليه ..
شحطة : زين زين زين اقصد مراعي هههههااااااي
عويش : أشوفش اليوم مستظرفه عمرش
شحطة : وانتي اصلا هين شفتيني غير اليوم يا ....... ؟!
عويش : ههه اسمي عويش .. مدام حنوه في نفس المدرسة حنشوف بعضنا واجد ...
لكن اقول بو فيه الخير انا نسيت دفتري في البيت حروح اجيبه ..
واذا جاء الباص قولي حال خميس يريضني شوية أنا ما بتاخر ..
شحطة تقتبس من سيرة الحب: ولا يهمج يا عيوني
مر الوقت وجا الباص ..
شحطة تكلم السايق : لو تسمح يعني هو يعني ربيعتي نست حاجه ورجعت تجيبها ..
فلو يعني تنتظرها شويه يعني هي ما اتتاخر ..فهل هذا ممكن يعني ؟!
السائق : علوه هِي يو بنتي شكلش جديدة ...لكن سمعي ..
انا لا أشتغل مع ابوش ولا مع ابوها عسب انتظرها كل يوم ...
يالله ركبي كان اتروحي ..!
ركبت شحطة ووجهها يصغر شويه شويه ..لأنها ما كانت متوقعه هذاك الرد ..
المشهد الثاني يوم وصلت شحطه المدرسه ...
أول ما دخلت كانت تايهه ..وكأنها حد من المغيبين ...
لكن المفاجأة انها شافت عويش فوجهها ..
عويش معصبه : تعالي تعالي يالدهجه هنا ..تعالي أراويش دواتش ..!
شحطة منتزقه : بسم اللهـ علينا ..شويه شويه ..انتيه كيف جيتي ؟!
عويش : وانتي حالموه تسألي ..جيت على حمارتش العويقه ...
شحطة تضحك : هههههاااااي تنكت الاخت
عويش : حالموه ما قلتيله يريضني ؟!
شحطة : مو كيه هو يشتغل مع ابوي ولا مع ابوش ؟!
عويش : وبعدش تعرفي تقليديه ؟؟! بغيناش عون استويتي فرعون ..!
شحطة : تعرف تجيب امثال بعدها ..
اقول يالغاوية أنا ما عارفه هين صفي ولا عارفه شي
..مدرستكم كنها متاهه ...كل ماادخل مكان أشوف عمري كاني عاد داخلتنه ...!
عويش : هههه بتتعودي شطفه ..اقصد شحطة ...
تعالي معي نروح الادارة وانشوف هناك عاد صفش هين منقرع ...!
بعد فترة من الوقت ..
عويش : مبروك طلع صفش نفس صفي
شحطة : ابتلاء من ربنا .وان شاء الله لمن الصابرين
عويش ماعجبها الرد ...مسكت شحطة من يدها وسحبتها فوق الدرج رايحات الصف ..
بعد عناء طلعة الدرج ..وصريخ شحطة ...وصلن الصف .....
عويش : جيبي هذا الكرسي وذيك الطاوله وخليهن هناك في الاخر ...
ترى انا ماحد يجلس محيتي ...ومن يوم ورايح حنكون محيت بعض في اخر الصف ..!
شحطة تتغرطم : وهل من ابتلاء أخر يا ربي ..؟! ياربي ارحمني من مخلوقاتك الغريبة ويسر لي أمري ....!
عويش : مو تقولي ماه؟؟!
شحطة : ما شي ماشي ..أكلم عمري ...أقول صفكم بارد
عويش تزعق بقوة : تفو تفو فوق المكيف ..عن الحسد
الكل يضحك ....وتبدء عمليات التعارف بين البنات وشحطة وعويش ...
خلص اليوم بشكل سريع وبدون أية مشاكل..
رجعت شحطة البيت تعبانه ... مالها نفس للأكل ...
اخوانها في البيت كانوا مستغربين ..
لأن شحطة متعودة تتغدى مرتين ...واليوم راجعه .. وارمه كما المندازي ...
اخوها حمدان : شحطة مالش ما بايه غدى ؟؟!
شحطة : بعدين بعدين تو تعبانه ...يوم انهض حخبركم مو استوى معي في المدرسه ..
يوم جا الليل جلست مبيا خوانها ..
وخبرتهم كله بو استوالها من الصبح علين الظهر ...وخاصة سوالف عويش ....!
وخبرتهم عن بقية بنات الصف والجنون بو راقعهن ...
نلتقي في اليوم الثاني من يوميات شحطة ..
زهور الماضي (orient)
:S_004: