السلام عليكم ورحمة الله وبركاته ..

ها أنا اعود من جديد لعرض اليوم الثالث من يوميات شحطة ..
مع تمنياتي لكم بقضاء وقت ممتع ..

بسم الله ..

نهضت شحطة الصبح وراحت تريض الباص ...حصلت عويش وجلسن يسولفن علين جا الباص وراحن المدرسة ...
وصلن المدرسة وحضرن الحصة الاولى ..كانت عليهم ابله صبحه...
واثناء الشرح لاحظت عويش ان شحطة سرحانه وما منتبهة وكأنها غرقانه في عالم ثاني
.... وهذه ما من عوايدها ...بالعكس كانت أكثر وحدة تنتبه في الحصة وتشارك ...


عويش : هود هود ..الى أين وصلتم
شحطه ما ترد
عويش تعيد : اقول هود هود الى أين وصلتم ؟
شحطه ما ترد
عويش : القرعه تقرعش ..أنا اكلمش يالدهجه
شحطه منتزقه : هااااا مو هناك !!!!
عويش : حفيد جونو ضربنا وغرقنا وتو حنوه في القبر
شحطه : ياخي تكلمي عربي
عويش : في موه سرحانه ؟!
شحطة تتلعثم: ححححطيتي شششي في كتابي العععععربي ؟!
عويش : ولا حتى اعرف شكله
شحطه : يعني ما انتيه...خلاص عجب نسي
عويش : شورش واللهـــ كان بايه تتكلمي ترى ما حد قابضنش.. هوه تراني خبرتش

بعدين لفت راسها تتابع شرح ابلة صبحه ... وشحطه رجعت تفكر وتسرح مرة ثانيه
المهم الحصة الي بعدها كان عندهن امتحان عربي ...
كان واجد سهل بس شحطة ماحلت زين لانها انشغلت بالتفكير وتشتت ذهنها ...

بعد الامتحان راحن الفسحة وجرعن زين زين ورجعن حال الحصص ...

في الطلقة كان حديث أخر ...

عويش : اقول شحطه
شحطة : مو بايه ؟!
عويش : انتي تحبي ؟
شحطه :هيوا احب العب كورة مع خلفان وسعيد
عويش : مستوية ظريفه ... أقصد ناس بشر بنو أدم يا فالحه
شحطه : اهااا هيوا أحب خواني كلهم من العود حمدان علين الصغير سعيد
عويش : اللهـــ المستعان ....أقصد حد غير،، غير عن حيانش
شحطه : مثل من يعني ؟!
عويش : يعني انسان ما يخصكم مثلا ... يعني يكون يعجبش ..خلوق طيب ويروح يصلي ...حكيم مثلا ... ظريف
يحب يساعد ...وسيم ...وكذاك الى الخ
شحطه : وحدي مااعرف
عويش : دوري دوري شوفي وفكري يمكن حد
شحطه تفكر : امممممممممممممممم هيوا هيوا تذكرت حد
عويش : من من قولي بسرعه ؟!
شحطه : عمي مصبح ..جارنا الشايب من زمان ...
تعجبني سوالفه هو وزوجته واللهــ عليهم حركات ما كأنهم البر شيّاب :)
عويش : اقول شحطة ... روحي البيت تغدي أحسن ...شكلش جيعانه
شحطة: هي والله صح .... شاطرة اتاريش


ركبن الباص ... وصلن البيت تغدين ونامن ...
العصر ..جا سعيد أخو شحطه الصغير ودخل حجرة شحطة

سعيد : شحطة شحطة قومي نهضي
شحطة : مو هناك مو باغي؟
سعيد : مو من العشى اليوم؟
شحطة : خوز تجمل ...يوم أنهض يستوي خير
سعيد : علوه هي ...كيه انتي سمعي اقتراحي
شحطة : سوى قول
سعيد : ليش ما تسويلنا ( احمفول )
شحطه : موه موه باغي ... ؟!
سعيد : أقولش احمفول ...هذه اكلة وقاص في طبخ الفول ..يسوي الفول مع البيض والخيار فوق النار ويطلع مرة لذيذ

شحطه : أقول سعيد .. ما كأنك زودتها شويه ...اطلع برع واقفل الباب وراك.. وانا حنهض بعدين اسويلكم لوبيا حال العشى ...
سعيد يطلع وهو يتغرطم : اسمحلنا وقاص شحطة ما طاعت تسوي احمفول ..هالكتنا بالعدس واللوبيا

جا الليل وتعشوا باللوبيا ورمسوا على التلفزيون وبعدين دخلوا يناموا


انتهى اليوم الثالث من يوميات شحطة ..
لنا لقاء أخر بإن الله مع اليوم الرابع ..
أترككم برعاية الله وحفظه ..
أختكم زهور الماضي (orient)

: )

ننتظر الباقي

و مُـــتابِعيـــن ..

بنجرب الإحـــمفول ..

:p

نتبع الجزء الباقي

حلوه ..!
:)
في انتظار للجزء الرابع

هههههه ههههههههه

عاد ماأكلة أحمفول

ننتظر جديدك

keep going sis

its very enjoyble

هههههه
بالعافية ...نبض
شكرا على المتابعة الطيبة ...
بارك الله فيك :S_032:

نتبع الجزء الباقي

قريبا ان شاء الله
شكرا على المرور والمتابعة

حلوه ..!
:)
في انتظار للجزء الرابع

هلا والله اختي ..
مرورك الاحلى ..
تعالي كل يوم

هههههه ههههههههه

عاد ماأكلة أحمفول

ننتظر جديدك


أنا مالي شغل في الاكلة ..هذه أكلة وقاص ..:S_004:

ان شاء الله قريبا اليوم الرابع ...:)

أسعدني تواجدك


keep going sis

its very enjoyble


thanx sister :thumbsup:

هههههههههههههههههههههههه .. :S_003: :S_003:

مسيـــكيــــــــــــــــــــــــــــــن سعيد ..
فوااااااااااااااده فأحمفوووول .. :shiny:

ما منه .. من هالبرذووووووله شطفه .. :S_022: :bomb:

/

/

أي وااحد يبي الأحمفووول ..

يدش هنا .. :S_009: :S_005:

http://hesnoman.com/vb/showthread.php?t=10972

/

/


ويالله أبووووووي زهووووووور ,,
نبااا النهااااااااايه .. :smoke1:


ومشكووووووررره عالدعااااااااااااااااايه لطبختي .. :S_004:




ننتظرك فالجزء الرابع ..

:p هالموضوع ما فاتحيننه عشان دعاياتك وقاصووو ..

بس بنجربها .. :d

ههههههه