بسم الله الرحمن الرحيم حبيت انقل لكم هذي القصيدة لشاب يرثي فيها امه التي توفت في حادث سير مؤلم نتيجة السرعة الزائده والتهور وكان ولدها هو قائد السيارة مما ادى الي وفاة الام وبقاء الولد على قيد الحياة اسال الله العلى القدير ان يتغمد روحها للجنة وان يلهم ولدها وذويها الصبر يارب ان لله وان اليه راجعون واترككم مع هذي الابيات الحزينه.
=COMANDER=


يواسيني وانا الميت وحالي يجبر الدمعات**تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات**يجبروني عشان امشي ورجلي ما تمشيني
قتلت رعايتي بيدي قتلت الحب والرحمات**حرمت النفس من حقها وانا ابكيها وتبكيني
وكنه حلم قدامي يقيدني من الصرخات**ابي اصحى ولكني عجزت القى الي يصحيني
فداك القلب يايمه ومهما قلت من كلمات**صغيره في كبر حقك بس اتمنى تعذريني
نهبت الفرح من بيتي صحيح اني خسيس الذات**صحيح اني ولد طايش وكل ما أسمعه فيني
تجول عيونهم فيني تفصل مني قياسات**وتشيح وجوههم عني وكني غيرت ديني
يظنوا حزنهم اكبر وهم اصحاب هالمأساة**وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات**وصار الهم عكازي اباكيه ويباكيني
عطيتيني بدون حساب ولا سمعتك تقولي هات**وانا اشرب حيل من دمك ودمك ما يكفيني
يايمه ارجعي كافي ابجلس معك لو لحظات**واقبل ايدك ورجلك وافرش لك رمش عيني
يايمه ما تحملهم يقولوا فات ما قد مات**تعالي غيري هالقول واطيعك باقي سنيني
واترك عادة التدخين وانفذ ما تبي بسكات**واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات**ابيك انتي ولا غيرك على موتك تعزيني
وضميني وداويني مثل ما كانت الهقوات**ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات**انا مقوى ابكيك اذا انتي تبكيني
http://www.uae***.com/forums/clear.gif

يسلموووووووووووووووووووووو على القصيده
وتشكر عليها ....


مع تحياتي

يسلمك ربي يارب وتشكر على مرورك طيب تحياتي لك يا الغالي