السلام عليكم ورحمة الله وبركاته
حبيت أطرح موضوع أزمة المياه في المنطقة الداخلية وبالأخص نزوى
ما سبب جفاف هذه المياه ؟
من أواخر شهر مارس ونحن نعاني من انقطاع المياه حتى ماء الحكومة ما شي الا فترات قليلة وبالصعب نحصل في البداية كنا نحصل تنكر ومن 25/6لم نحصل على تنكر والسبب لأن الآبار جافات والكل مغلوقات الا بئر واحد مفتوح وزحمة مستوية فأرجوا المساعدة

والله حالتكم مستعصيه الله يعينكم

مادري شي بخصوص الموضوع بما اني لست من نفس المنطقة

اتمنى من اللي عنده علم بالموضوع يرد عليج

دمتِ بود

للاسف هذا ما يعانيه سكان مدينة نزوى ( أزمة جفاف الابار) ..
سمعت بالأمر أكثر من مرة فأحد معارفي يقطن هناك ..
ولكن لا توجد لدي اي معلومة او فكرة عن الحلول الواجب القيام بها وتنفيذها ..
ومتى وكيف ..

الحمدلله والصلاة والسلام على رسول الله وعلى آله وصحبه أجمعين
فعلا هذي مشكله تعاني منها بعض محافظات وولايات السلطنة من نقص كبير في المياه .. وهذي كلها نتيجة قلة الأمطار وكلها تعتبر عوامل طبيعية والشي الاهم كثرة الأستهلاك للمياة هذي وعدم استخدامها بشكل الصحيح صراحة يعني ... وثاني شي يجب على الدولة معالجة الأمر في أسرع وقت ممكن لانه صراحة الحالة هذي تعتبر كارثة ويوم عن يوم تزيد ترى اليوم نسمعها في نزوى بكرة في ولاية ثانية وهذا الحاصل اصلا ... الشي الاهم الى انا مستغرب منه وراح اتكلم بصراحة معضمـ مياه الامطار الي تنزل للسلطنة كلها للبحر كمياة كبيرة بصراحة تهدر كلها للبحر بدون فايدة يعني بالله عليكم لو استغلو كمياة الامطار هذي ووفروها في سدود ومخازن كان شي جفاف او نقص في المياه صراحة امر غريب يعني المفروض من دولة ان تعمل سدود للمياة هذي وان تقوم بتخزينها للمستقبل .. والشي الغريب انهم حاليأ يقومون بعمل وتوسيع مجاري الأودية بدون عمل سدود للمياة هذي ؟؟؟؟؟ وطبعا كلها تهدر الى البحر مثل ما اشرت سابقأ ... مثلا عندنا في محافظة ظفار مياه عين رزات وغيرها من العيون نصها للبــــــــحر وتشاهدها بعينك صراحة حرام والله مياه صالحة للشرب تهدر بطرق هذي المفروض ان تستغل المياة هذي ومدها للولايات المحتاجه للمياه هذي وماشي اسمه صعب اذا عملو خطة لمد المياه من محافظة ظفار الي الولايات الثانية سوى محافظة ظفار او غيرها دام فيه فائض للمياه ....و يجب ان تستغل المياه بشكل صحيح لانها ثروة وطنية وواجب عليهم المحافظة عليها ويجب على الدولة التصرف فورأ وفي اسرع وقت ممكن وأن تقوم الدولة بربط الولايات والمحافظات ببعضها لبعض بلمياه حتى ولو راح يكلفها الكثير لانها فعلا كارثة واكيد هناك حلول كثيرة واساليب كثيرة ... ويجب ان تكون هناك خطة فورية ويتم تنفيذها .
أشكرك اخوي smart_life على الموضوع المهم ..و نسأل الله تعالى أن يرحم عباده وأن يغثنا غيث خير وبركه ربك كـــــــــــريمـــــــــ

شكرا على اهتمامكم بالموضوع
بصراحة ايش نسوي
مع انا احنا معتمدين على مياه الأمطارلكن الله كريم