أضحك وتبكي حالتي لامن نطقت
وابكي وتضحك حالتي لامن بكيت


واخنق صخايا مهجتي لا من شهقت
واتغيب عني دنيتي لا من وعيت


وانسى بشاير فرحتي واذكر الوقت
ياوقت حلمك ماوحا حلمك وجيت


واظمى وتروى شربتي لا من شرقت
واهرب وترجعلي الدروب اللي مشيت


تمرح بعوقي هالليالي لا زعقت
والصبح يغضب لو انا ليلة رضيت


وحدي بحالاتي وفيها قد غرقت
والعب بوناتي اذا مره لهيت


تجمد ملامح صورتي واناعرقت
واتثور روحي لو بها لحظه هديت


لا ما صدقني هالزمن وانا صدقت
وان جيت طايع بالصبر ياكم شقيت


( ياطارق الخافق ترفق لا طرقت
أزعجت همّي وش من همومي بغيت..؟)


أرّّقت نبضي لا أنا كلّي ارقت
وينام فيني كل شي(ن) به سليت


يانابش الهوجاس مني ما زهقت.؟ّ!
مليت أنا مني من أول مابديت


طبطب على جرحي ويكفي ماسرقت
( للموت راحة وانتظرها لو دريت )

نقل موفق اخي ..
تشكر

اشكر لكي هذا المرور اختي حوراء الظاهرة
دمتي

يعطيك ربي العافيه أخي ميت حزن
ع القصيده القمه ف الروعه
يسلموووووووو

الله يعافيك
نبض المشاعر
بارك الله فيك
دمت