هذة قصيدة رائعة جدا للشاعر فهد السعدي خاصة بمنتحبنا الوطني حبيت اجيبها لكم وتتمتعوا بكلماتها



القمة – فهد السعدي




وصفـر كأن الحلـم راحـــل .. مدري الهــم متمادي

تجي بلادي .. تذكرني بعزمي وصوت(ن) ينادي



قليلة القمة فحقـك غـــلاك اكبـــر من القمة
رفعت جباهنا عــــز وجباهـ(ن) تنحني لك عز






كــذا السلطان ربّــانا نلبّس للمجد عمّه
نغوص لكل طموح بحور لو يطغى عليها الغرز




نحبك وش يجي حب الرضيع لدفئ حضن أمه؟!
نحبك كثرما غطى الخفوق وجيتله ثم فزّ




ياأحمر ياأبيض فـأخضر ياخنجر ياشذىهمة
يا باقة كل الأسماء العظيمة الشامخة يا الرمز




رجال رجال من خط العرين لـركله البسمة
رجال(ن) رزّة رماح الهزيمة فكل خصم(ن) رزّ






كبرنا كبر الانجاز وعزفنا للمجد رتمه

فرزنا كل أوراق البطولة ويا حلاه الفرز



عمان .... وما بعـد كلمـة عمـــان بفمّهم كلمه
من أول ماغدى لكأس الخليج وحاملينه لغز






وش اكبر من شرف للمستديرة بس بالذمة

سوى هالمنتخب او هالشبك منهو يهزه هزّ



عظيمة حيل هالفرحه تبعثر شعب وتلمه
تجي لعشاقك البلسم ولحسادك تجيهم وخـز




قليلة القمة فحقك غـــلاك اكبر من القمة
رفعت جباهنا عز وجباهـ(ن) تنحني لك عز






دمتم سالمين اخواني

السلام عليكم ورحمة من الله وبركاته

كلمات رائعة صاغها مبدعنا فهد السعدي في حب الوطن

كل الشكر لك أخي ابو نواف على الموضوع

كلمات رائعة ابدع في نسقها المتميز سعد الفهدي

تشكرات ابو نواف عالنقل بس عندي سؤال هيه هذي نفسها يالي طلعوها فالكأس من كم يوم؟؟؟؟؟

كلمات جميلة فعلا ..

وفعلا زدجالية اتوقع هي نفسها الي عرضت
ف قناة الدوري والكاس وانا بعد سمعتها اكثر من مرة
وانا اتابع القناة .. حتى الصور كانت مؤثرة بصراحة ..

كل الشكر لك اخوي ع المبادرة بعرض القصيدة لنا ف البرج ..

باركك الرحمن ..

كل الشكر لكم اخواني ع المرور

فعلا هي نفسها اللي تطلع في قناة الدوري وقناة الثانية لتلفزيون سلطنة عمان