تصدق كنت في طاريك وأتكلم عن غيابك ،،،،،،،، وربي جيت في وقتك .. كأنك كنت تسمعني
أقول اهلين ,, لا والله مية اهلا وسهلابك،،،،، تفضل اجلط بصدري وبعثرني ولملمني
حبيبي جيت في وقتك ,, دعيت وربنا جابك،،،، اخيرا شفتك اقبالي بعد مالبعد تعبني
:love:تصدق ،،كنت بغيابك كثر مااشتاق اغتابك،،،،،،، اقول انك بليا احساس ،، يحلالك تعذبني

كلمات جميلة عزيزتي..
دمتِ,,

تصدق..كنتْ في طاريك وأتكلم عن غيابك
وربي جيت في وقتك.. كأنك كنتْ تسمعني



أقول آهلين..لا والله مية أهلا وسهلا بك
تفضل اقلط بصدري وبعثرني ولملمني



حبيبي جيت في وقتك..دعيت.. وربنا جابك
اخيراً.. شفتك قبالي بعد ما البعد تعبني



تصدق.. كنت بغيابك كثر ما اشتاق اغتابك
اقول انك بليا احساس ..يحلالك تعذبني



ليا أتذكرت كلماتك.. مزاحك.. قسوة عْتابك
تاخذني تعابيرك ولا ادري وين تاخذني



ليا تذكرت لمساتك..حنانك..طيشك..ألعابك
خيول الشوق تصهل بي وتجمح بي وتنهكني




كثر ما اشتاق لحضانك.. أقوم أتلمس ثيابك
اشم بها شذا عطرك.. واحضنها وتحضنّي




اقلّب دفتر أشعارك.. ألاقي الشعر يزهى بك
وكل بيتٍ من أبياتك أحسك..كاتبه عنّي



وخاويت الحزن والهم واتعذبت بسبابك
حياتي مالها معنى بدونك يا متوّهني



طوال أيامي أتحراك.. وعيوني على بابك
على هالحال تلقاني .. على بالي بتذكرني




اخيرا جيت يا عمري ..دعيت وربنا جابك
وربي جيت في وقتك كأنك كنت تسمعني

كثر ما اشتاق لحضانك.. أقوم أتلمس ثيابك
اشم بها شذا عطرك.. واحضنها وتحضنّي

اقلّب دفتر أشعارك.. ألاقي الشعر يزهى بك
وكل بيتٍ من أبياتك أحسك..كاتبه عنّي
،،
هلا و الله بشاعرتنا الراقية
((فتونة ))

أعجبتني بشدة // حُبٌ متدفق
و سيلُ ذكريات !!!
صح الله نبضك مدد بلا عدد

كُن بخير،،

هلا ولد النصاري
شي حلو انك حافظ الجصيدة بالكامل أنا حاولت اتذكرها بس ما كنت متأكة من الكلمات

هذي القيدة على ما اذكر للشاعر البحريني محسن الحمري
شكرا لكلمات الرلقية

للشاعر البحريني محسن الحمري ايوا صحيح

تحياتي لك