كان فيه واحد " على نياته "






جرّب يستثمر أمواله !


وكان عنده ببغاء يتكلم ..


مشكلة الببغاء .. إنه كل ما شاف راعيه قال له : ياغبي .. وكل ماجاء يقول جاء الغبي ..واذا راح قال : راح الغبي ! ..


راعيه عصب عليه .. وقرر ياخذ الببغاء لمدرب الطيور علشان يعدّله ..


: يا مدرب الطيور ....


شف لك صرفة مع هذا الببغاء ...


كل ما شافني فشلني عند الناس " غبي ، غبي " !


أبيك تدربه زين وتعدّل كلامه ..


علشان يغيّر هالكلمات الي يرددها كل ما شافني


قال المدرب : ما عليك .. خلّه عندي كم يوم ..


ولما راح راعيه .. جاب المدرب " سطل " ماي حاااار...


وحطه قدامه ... وسأل الببغاء ..


: أنا مين ؟ !


قال الببغاء : أنت صديق الغبي ! ..


وينزله المدرب في الماي الحااار وبعدها يطلّعه .. ويسأله ...


: أنا مين ؟


قال : أنت صديق الغبي ..


وينزله في الماي مرة ثانية .. وبعدها يطلعه ...


: أنا مين ؟


.. وعلى هالحال .. حتى تربى الببغاء وتسنّع ..


أخيرا .... قال له المدرب ...


: أنا مين ؟ !


قال الببغاء : أنت صديق أذكى واحد في العالم ..


ويوم جا راعي الببغاء .. قال المدرب : تفضل اسأله ..


قال راعي الببغاء .. : أنا مين ؟!


قال الببغاء : أنت مين ؟! وهذا سؤال !! ... أنت الذكي ....


إلا أنت أذكى واحد عرفته في حياتي !


قال له راعيه : .. طيّب ..


وإذا لعبت بفلوسي على كيفي ؟!


قال الببغاء : .. هذي فلوسك .. من عرق جبينك ..


تسوي فيها اللي تبي ..


قال : طيّب .. إذا دخّلت فلوسي في " المحافظ " ؟ !


قال الببغاء : ممتاز .. حركة استثمارية في غاية الذكاء ....


ومن أذكى واحد في العالم ..


: طيّب ... وإذا دخلت فلوسي " بالعقارات " ؟ ..


: طبيعي .. تنويع استثماري ... من أذكى واحد في العالم !


: طيّب ... وإذا دخلت فلوسي " بسوق الأوراق " ؟ ..


: ذكاء خارق ... وماشي مع الحكمة اللي تقول " لا تحط البيض


في سلة واحدة " ... فعلا أذكى واحد في العالم !



: ... طيّب .. وإذا دعمت نادي ريال مدريد؟؟!!


قال الببغاء : يا عمي هاااات الماي ! .....


قايلّك هذا أغبى واحد في العالم ماصدقتني !!

ههههههههههههههههههه

هههههههههههههههههههههههههه وايد حلوة يسلموووووووووووو نضحك ع الصبح شي جميل

هههههههههه معناته البغباء يشجع برشلونة ..