اسم القصه : احبك لو بغيت انساك مقدر
اسم الكاتبه : حرمان

الجزء الاول ::

يالله آخر سنه ثانويه يا رب اني انجح وافتك اقول مهره دخيلج قومي حدري المطبخ وهاتي شي اطفحه بموت من اليوع .
مهره : والله جي انا بشكاارتج
شيخه : دخيلج .... فديتج يله
مهره : عيل بشرط
شيخه : يله قولي حتى هذي فيها شرط
مهره : ابغي اتابع مباره الريال بس لا تعلمي الوالده
شيخه : اوكي عاد شجعي عني وعنج هههههه
مهره : اوك
وطبعا الكل في البيت مرتبشين لانها فتره اجازه الا الثانويه واكيد في هاي الفتره كل العائله تسال عني خلصت امتحانات ولا.لا
بس على الرغم من انها فتره امتحانات إلا انه العايله كانت تتمشا و اناااا و ياااهم ومسويه حق المذاكره طاف خخ غصب عني لانه محد بيلس في البيت عندي واكيد ماخذه كتبي ويااي ...
اوووووف الحين امتحان الاحياء قبل الاخير يعني بفتك قريب كانت الوالده واختي لكبيره شمسه يرمسن في موضوع بس بصوت واطي وانا حذالهن عاد الفضول هالوالده شعندج ويا شميس
الوالده : خير يا بنتي خير
شيخه : عاد ابغي اعرف
الوالد : بس عاد سيري ذاكري
شيخه : اوكي الوالده علي تغبين
الوالده : سيري قولي حق مهره تروح ويا فهد السوبر ماركت عن تحشرنا باجر عيد ميلادهاا
شمسه : شو بعد ها عيد ميلادها والله احيد عمرهاا 15 مب سنه
الوالده : سيري ما تسمعي الهرن
شيخه : مهــــــــــــــره .. مهـــــــــــــــــره
مهره : انزين الحين يايه حشي ما يرزا علي
شيخه : تراني مب فاضيه اسوي كيكه اشتري جاهزه
مهره : عاد حقي مب فاضيه وحق ناس فااضيه
شيخه : منووو الناس
مهره : ابو زايد
شيخه : بس جب لاحد يسمعج ويصدق
مهره : اهاا يله توصيني بشي
شيخه : سلامتج ولا تخلي فهد يخترش ويخمس ادريبج خريش
مهره : هـــــههههه عاد بكيفي بفكره
شيخه : بسير اصلي ابرك
الوالده : شيخـــــــــــــه .... شيخــــــــه
شيخه : في هاي الوقت كنت اصلي وما رديت ع الوالده
الوالده : وينج......... شمسه قومي زقريها
شمسه : ان شاء الله الحين بتخبريهااا بالموضوع
الوالده : هيه للازم ام عادل تنتظر الرد
شمسه : امايا الحين فتره امتحانات ما يصير
الوالده : والله مب بكيفي للازم ارد ع الحرمه
طبعا خلصت مصليه العشا وبعدين حدرت صوب اامايا
شيخه : خير خير شو مستوي الكل يزقرني
الوالده : خير ان شاء الله
شمسه : خلاص صرتي حرمه والكل ينشد عنج
شيخه : انا في هالوقت قاعده افكر شو مستوي يا ربي وشاكه في خطااطيب الله يستر مب وقتهاا
الوالده : في حد ياي يخطبج
شيخه : ويهي احمر لا مستحيل الحين فتره امتحانات ومب وقتهااا انزين من
الوالده : عادل ولد عمج محمد
شمسه : انتي فكري
الوالده : الصراحه ياج ولد منصور الحوسني يخطبج بس ابوج شاور ولاد عمج وعادل مااا رخصج وقال يبااج وابوج واافق
شيخه : انزين عي انا مالي راي
الوالده : ابوج يعرف مصلحتج وهذي عادات وتقاليد
شيخه : عادل ما عليه كلام انا قلت ما اريد حد من العايله ابغي اتزوج من برع العايله
الوالده : بس عادل يحبج وهو احسن عن الغريب صلي على النبي وفكري
شمسه : عليه الصلاة والسلام و خلاص الولد يحبج شو بعد من برع العايله
شيخه : وانا الحين افكر متى عادل اصلا فكر فيني ولا حطني في باله وانا ولا مره حسيت انه يحبني
الوالده : شيخه شو بلاج ارمسي
شيخه : انتو قررتو وخلاص انا شو يخصني
سرت الحجر وانا خايفه و مستغربه وافكر في عادل . بس بعدين قلت بدرس ابرك لي وبطلت كتاب الاحياء بس للاسف ما ركزت وكل فكري ويا ولد عمي ..... وقلت معقول عمي محمد اجبر عادل على هالشي .. لانه عمي محمد واايد عصبي ويحب شي اسمه ترابط العايله... يا ربي ليكون عادل مجبور بس ما في شي اسمه في هالزمن زوااج غصب اووووووف بموت قهر ....
والعايله كلهاا صارت تعرف انه شيخه حق عادل وعادل حق شيخه واخوي فهد دري بسالفه متاخر شوي
فهد : اوكي شوااخ ليش خاشه عني السالف هوانا اخوج اخر من يعلم
شيخه : لا والله انا بروحي اليوم دريت
فهد : انزين شو رايج
شيخه : اصلا هم خلو فيهاا راي
فهد : عاد انتي تعرفين عاادات البدو وللازم البنت لولدعمها
شيخه : كل تتطور فينا الا هالشي
فهد : انزين شو يشكي عادل ريال والنعم فيه
شيخه : اوكي .انا ما احب اكون شرات اخوي طلال واخوي محمد وكيف متلعوزين مع امراض عيالهم والسبه زواج الاقراب تعرف الامراض الوراثيه في العايله السكري والضغط والانيميا وغيره وغيره شو ذنب عيالناااا
فهد : عاد اللي يسمعج يقول مصاب بالامراض خطيره اقول ليكون حد في بالج ياا الخايسه
شيخه : اكيد مسحيل فيها قص رقاااب اذا حبيت حد والله احس اني متضايجه حدي واحس انه عمي محمد هو اللي جابره
فهد : يا الغاليه انتي ليش ما تبين عادل ليكون بينكم شي من قبل
شيخه : لا والله الريال ما فيه شي بس اناا جي ماا احب عادل
فهد : على راحتج بس حطي في بالج انه ما في ريال مجبور ياخذ حرمه غصب عنه
شيخه : والله عند عمي محمد اتوقع كل شي
روحت الحجره و الفتره اللي كان للازم اذكر فيها حق امتحان الاحياء خلصت وباجر الامتحان وانا مول ما فكرت وعقلي في عالم ثاني والساعه 4 الفير اذاكر الوحده الاخيره من الاحياء وانا مب في مزاج يسمح لي اني اركز ومر الوقت والساعه 6 اتجهز وروحت المدرس انا عيوني خلاص بيسكرن ابغي ارقد
دخلت المدرسه و شفت ربيعتي رحوووم
رحمه : هلا شوااخ
شخيه : هلا والف غلا
رحمه : وااااي الاحياء سهل ان شاء الله عاد يكون الامتحان سهل
شيخه : فديتج يصير ادش وياج القاعه وتغششيني
رحمه : اوكي حياتي لو تطلبين عيوني فداج
رحمه : شو بلاج مب طبيعيه اليوم شو السالفه ليكون مريضه
شيخه : لا لا بس ما ذاكرت روحت صوب لبلاد في راس الخيمه
رحمه : حد يظهر فتره الامتحانات ؟؟؟
شيخه : هيه عايله حارب هع والله انه اهلي متفيجين
ودشيت الامتحان بس رحمه مب وياي لانه القاعات ع حسب الاحرف والامتحان طووويل ومشيت حالي في الاجوبه ولما خلص الوقت ظهرت سيده صوب مواقف السيارت عيسب رحووم ما تساللني عن الامتحان وتراجع الاجابات عندي وركبت السياره
شيخه : السلام عليكم
الوالد : وعليكم السلام .. هااا كيف الامتحان
شيخه : ما قدرت اتكلم احس اني مخنوقه .. الحمدلله زين حليت اللي عرفته
الوالد : ما عليج ادريبج قدهاااا
وطول الدرب ساكته ولما وصلنا البيت سيده روحت صوب الحجره وسكرت الباب ويلست ابكي ليش ما حليت زين ليش انا بذات في هاي الفتره يخطبوني والوم عمري ليش ما ذاكرت رقدت وما حسيتا لا بصوت حشره و ربشه
شهد : خالوه خالوه فتحي الباب
شيخه : هلا هلا شهوده
شهد : انتي ليش الحين رااقده
شيخه : تعبانه ... شخبارج وشخبار اهل ام غافه
شهد : بخير
مهره : شواخ امايا تقولج قومي يايه فاخره
شيخه : الحين بحدر
حاسه راسي بينفجر اوف واايد رقدت صليت المغرب ورحت الصاله
شيخه : السلام عليكم
فاخره : هلا هلا شخبارج ويا الامتحانات
شيخه : الحمدلله
فاخره : مبرووووك
شيخه : على شو مبروك
فاخره : سمعت انج محيره حق عدوول
شيخه : اهاااا وانا بعد سمعت
فاخره : بس عاد خلاص كبرتي وبتعرسي
شيخه : الحين استاذن بروح اذاكر
شمسه : شو عليج يا العروس
شيخه : هههه مب حلوه كلمة عروس علي انجلش
فاخره : ربي يوفقج
شيخه : امين
روحت الحجره وحسيت بشعور غريب يعني معقول خلاص انا من نصيب عادل اخ لو كنت احلم بس للاسف هذا واقع
وانا ما عندي أي شي ضد عادل بس احس انه غريبه كيف شخص يحب من فتره وماا يحسسني باي شي والحين في هالوقت تتصل ميثه بنت عمي راشد
ميثه : السلام عليكم
شيخه : وعليكم السلام
ميثه : شخبارج بنت العم ؟؟
شيخه : يسرج حالي ومن يدااج ؟؟
ميثه : الحمدلله مشتااااقين
شيخه : وانا بعد مشتاقه لج و للهواء بوظبي
ميثه : اوف خلاص خلاص دووج
شيخه :: هااااا منووو يباني
عفراء : السلام عليج يا الغاليه
شيخه : وعليج السلام
شيخه : شو هالحشره شو بلاكن تتضارب
عفراء : هلا هلا شواخ وياج عفراء
شيخه : هلا والله
عفراء : هااا بغيت انشدج عن اللي سمعته صدق
شيخه : وشو سمعتي
عفراء + ميثه : عـــــــــــــــــــــــادل
شيخه : شو بلاه عادل
عفراء : علينا جب عن الاستهبال
شيخه : مهره تبغي ترمسكن انا مب فاضيه وراي امتحان
مهره : السلام عليكم
عفراء : وعليج السلام
مهره : شخباركوو
عفراء : بخير ونعمه ... وين اختج تراها مول ما عندها مذهب شقا سوتلي طاف
مهره : تراهااا تكره حد ييب طاري عادل
عفراء : اهااا
مهره : اوكي شخبار عمي اكيد مستانس الوحده يايبه بطوله الدوري
عفراء : والله مستانس فديته
مهره : فديت الوحده
عفراء : وع عاد الواحد يشجع الجزيره العين مب الوحده
مهره : جب عن هاي الرمسه الخايسه عن الوحده
عفراء : بنات عمي حارب ماشي عندكن مذهب مره بخبر امكن
مهره : ادري خخخخ عطيني ارمس ميثه ابرك
عفراء : ما عليج يا الخايسه ميثه دووج مهره
ميثه : هالوووووو
مهره : هلا بحياتي فديتج
ميثه : واي بعدين بصدق روحي
مهره : تراها قردنه
ميثه : ها جي سوالفج يا السباله
مهره : بغيت تين صوبنا
ميثه : والله يا ريت بس الوالده تعرفيهاا معنده
مهره : حاولي فيها باجر اخوي ابو شوق بي صوبنا ويا حرمته هاي الخايسه عفرووه
ميثه : واي حرام عليج عاد اختي مب خايسه
مهره : عيل شله تسب الوحده
ميثه : والله ما تدري عن الوحده ولا ما كانت سبتهااا
مهره : اتشاوري وردي علي خبر
ميثه : ان شاء الله
مهره : مع السلامه الفاتوره 1000
ميثه : هههههه تفدااج
مهره : مع السلامه
ميثه : بايات
شيخه :خلاص خلصتي هذربه مع الشله الكريمه
مهره : واااي وناااسه بس عفراء ما خذه في خاطرهاا عليج
شيخه : ما يهمني
انا استعد لامتحان الانجلش وانااا طمه ما اداني هاي الماده بس الله يستر
الساعه 1.ونص نشيت وروحت صوب الصاله خواني شالين المكان من التشجيع يلعب الريال تلعب وحتى مهره وسطهم
شيخه : عااشووو منوووو فاااايز
مهره وفهد وغانم : خوزي خوزي نحنا فايزين
شيخه : عدال عدال انزين وانااا بعد مع الفريق الملكي بشجع ويااكم فديت رؤوال
فهد : لا روحي ذاكري
شيخه : عاد اللي يسمعك يقول انا فاهمه شي في العنجريزي
غانم : يعني انا شراتج
شيخه : لا انا شراتك
دش اخوي لكبير وطبعا محد يقدر يرمس جدامه لانه شراره متحركه خخخخ
طلال : شو هالحشره عندكم
فهد : مباره الريال
طلال : وكل البيت مع الريال
غانم : اكيد وحتى العنصر النسائي
طلال : وانا شوف مهره رازه ويهاااا اوكي بخليكم تشجعون برااحه
شيخه : وانا بعد استاذن بروح اناام
غانم : يله مهره ويااا شيخه على الحجره
مهره : انت جب ما يخصك السهره على حساب الريال خخخ
روحت الحجره وبطلت للاب ويالسه اطالع صور رحلة جبل حفيت ويااا عمي محمد ابو عادل والرحله كانت مسخره وقعدت اكبر على صور عادل وبعدين دشيت المسن ارمس ربعيتي

شكرا خيتي على القصة

عورتني عيوني وانا اقراء ..ههههههه

وبعدين احلى شيئ انه من مشجعي ريال مدريد ..هههههه

يسلمووو

تسلمي خيتي ع القصة

تـــــــــــــابع : الجزء الاول
ربيعتي (( الروح دايم اللي محبوب مشتاقه )) : هلا شوااخ وينج يا الدبه
شيخه ((احبك لو بغيت انساك مقدر )) : هلا هلا عااد اللي يسمعج دبه يقول صااكه 200 مب كني 52 ههههههههه
ربيعتي (( الروح دايم اللي محبوب مشتاقه )) : هـــــــع هـــــــــــع هيه والله شخبارج ؟؟
شيخه ((احبك لو بغيت انساك مقدر )) : الحمدلله تمام
ربيعتي (( الروح دايم اللي محبوب مشتاقه )) : هاااا كيف المذاكره
شيخه ((احبك لو بغيت انساك مقدر )): تدرين انه يوم مفتوح خخخ يوم يكون انجليزي كنه يوم رااحه
ربيعتي (( الروح دايم اللي محبوب مشتاقه )) : هيه واله واناا بعد يله اخر يوم الله يستر
شيخه ((احبك لو بغيت انساك مقدر )): هههههههههههههه بنبدع
ربيعتي (( الروح دايم اللي محبوب مشتاقه )) : وربي بنشتااق حق السوالف والحشره في المدرسه
شيخه ((احبك لو بغيت انساك مقدر )): لا تذكريني آآآآآآآخ اقولج صح خبري اخوج يتاخر عيسب نيلس في المدرسه شوي نودع بعض
ربيعتي (( الروح دايم اللي محبوب مشتاقه )) : هااا اوكي خلاص بخبر ابو عسكور
شيخه ((احبك لو بغيت انساك مقدر )): شخباره ؟؟؟
ربيعتي (( الروح دايم اللي محبوب مشتاقه )) : يسلم عليج ههههه الحمدلله تمام البارحه روحت امي واختي موزه يخطبوله من صوب الفجيره
شيخه ((احبك لو بغيت انساك مقدر )): الله يتمم اللي فيه الخير
شيخه ((احبك لو بغيت انساك مقدر )): رحوووووووووووووووووم
ربيعتي (( الروح دايم اللي محبوب مشتاقه )) : لبيه
شيخه ((احبك لو بغيت انساك مقدر )): لبيتي حاايه
ربيعتي (( الروح دايم اللي محبوب مشتاقه )) : ويااج
شيخه ((احبك لو بغيت انساك مقدر )): آآآآآآآآآآآمين
شيخه ((احبك لو بغيت انساك مقدر )): اناااا محيره لولد عمي
ربيعتي (( الروح دايم اللي محبوب مشتاقه )) : شــــــــــــــــــــــو متى كيف ؟.؟.
شيخه ((احبك لو بغيت انساك مقدر )): من اسبوع تقريبا
ربيعتي (( الروح دايم اللي محبوب مشتاقه )) : والله وانا اخر من يعلم ياا حظي
شيخه ((احبك ل ربيعتي بغيت انساك مقدر )): كنت محتاااره ومتردده وماااباااه
ربيعتي (( الروح دايم اللي محبوب مشتاقه )) : ليش
شيخه ((احبك لو بغيت انساك مقدر )): لانه مااا احبه ولا افكر فيه
ربيعتي (( الروح دايم اللي محبوب مشتاقه )) : اهااااا
شيخه ((احبك ل ربيعتي بغيت انساك مقدر )): اوووف والله قهر اتصدقين حتى ماا شااورني
ربيعتي (( الروح دايم اللي محبوب مشتاقه )) : ليش عااد غريبه للازم يشااورج ؟؟؟
شيخه ((احبك ل ربيعتي بغيت انساك مقدر )): عونه ولد عمي وهم يدرون بمصلحتي
ربيعتي (( الروح دايم اللي محبوب مشتاقه )) : انزين شو اسمه
شيخه ((احبك ل ربيعتي بغيت انساك مقدر )): عــــــــــــــــــادل
ربيعتي (( الروح دايم اللي محبوب مشتاقه )) : خخ شخباره وكيف شكله منوا حلى انتي ولا هووو
شيخه ((احبك ل ربيعتي بغيت انساك مقدر )): هههههههه وانااا شو دراني عن اخباره اماااا من ناحيه الجمال هووو غااوي واناا بعد غااويه يعني محد احسن عن حد
ربيعتي (( الروح دايم اللي محبوب مشتاقه )) : خخخخ وانتي بعدج مغروره ومحد احلى عنج ياا الخاايسه
شيخه ((احبك ل ربيعتي بغيت انساك مقدر )): لا اصلا كلي توووواضع
ربيعتي (( الروح دايم اللي محبوب مشتاقه )) : كل شي وااضح
شيخه ((احبك ل ربيعتي بغيت انساك مقدر )): اوكي غلاي الحين اخليج
ربيعتي (( الروح دايم اللي محبوب مشتاقه )) : اوك نلتفي بااجر
شيخه ((احبك ل ربيعتي بغيت انساك مقدر )): بااااااااااااااايااااااااااااات بااااااااااااي
ربيعتي (( الروح دايم اللي محبوب مشتاقه )) : باي
وغفيت ونشيت على صوت الوالده
الوالده : شواااخ يله قومي اخر امتحان لا يفوتج
شيخه : انزين الحين بس شوي
الوالده : وابوي عليج قومي سرعه
شيخه : خلاص قمت
روحت المدرسه ويلست مع ربيعاتي عقب الامتحان اللي بدعت فيه وحليت كل الورقه ههه عاد صح ولا غلط المهم حليت
ويلسناا نودع بعض ورحناا نشوف احلى المااكن اللي قضينااا فيهن لحظاات حلوه ومره
ثلاجات الماي اللي كنا نستهبل عليهااا ونرش بعض ونغسل فيهاا هــــــــــــــــــع يعني 3× 1 حشاا شامبو مب ثلاجه وفي الحر كناا نتسبح ما نشرب منهاا من كثر الحر كنااا نغسل ويوهناا وراسنا والله اياام ماا تنساا المهم وعقب الذكريات روحنا صوب حجرة المديره كنا نتمصخر عليهاا وعلى الضيوف اللي يون المدرسه خخخخ وربي لحظاات حلوه وعقب حجرة المعلمات اللي 24 ساعه عندهن بسبب وبدون سبب بس نحب نسوالف ونتفلسف واايد المكااان
وسااعتين من لحوااطه في نواحي المدرسه ودعنا بعض وكل وحده روحت بيتهاااا .....
وبعد تقريبا شهر طلعت النتائج والحمدلله نجحت وكانت نسبتي 80,3 بس للاسف ما دشيت الجامعه ولا معهد بسبب الاهل ............
الوالده + الوالد : هااا شيخه بشري عن النسبه
شيخه : الحمدلله 80,3
الوالده + الوالد : الحمدلله ياارب
الوالده : هاا شوااخ وين حابه تدرسين
الوالد : اقول ام طلال ابغااا ارمسج في الحجره
الوالده : شو بلاك ياا بو طلال
الوالد : تعالي وبس
الوالده : يله شواخ خبري اختج فاخره وشمسه عن النسبه حشرني اليوم من كثر ما يسألن
شيخه : ان شاء الله اماايا
وفي اللحظه قعدت ادز مسجات حق خواتي وربيعاتي وبنات عمي والحمدلله كنت فرحانه واخيرا بروووح الجامعه
مهره : اشوفج فرحانه شعندج ليكون بتكملي درسات عليا في برطانيا
شيخه : عن الهذربه الزايده المهم خلصت وفتكيت
مهره : مـــــــــبرؤؤؤؤك عقبال الدكتوراء عيل
شيخه : مب منج ياااا الهيسه مني اناا اللي ارد عليج يهال ما ينعطون ويه
مهره : بروح وياااا عمي راااشد صوب ميثه وعفراء
شيخه : قولي والله عيل انا بعد من زمان ما سرت بوظبي
مهره : يله يله انتي مكانج البيت
الوالده: شيخه شيخه
شيخه : نعم امااياااا
الوالده : تعالي ابغي ارمسج
شيخه : ان شاء االله
الوالده : شيخه ابوج رافض انج تكملين دراستج
شيخه : ليش
الوالده : والله يقول استرلج لو تيلسن في البيت
شيخه : ان شاء الله اللي تشوفوه مناسب
روحت الحجره ويلست افكر ليش شو السبب اللي يخلي الوالد يتخذ هذا القرار والسبب يرجع انه اختي شمسه لما خلصت الثانويه خطبهاااا ولد خالتي وهي وااافقت خطبهاااا وبعد تقريبا 8 شهور تزوجوا بس كانت تبغي تكمل دراستها بس الوالد رفض وعيسب جي يبغي يعدل بينا ونفس ما رفض لشمسه لازم يرفض اني اكمل
وانا الصراحه يعجبني الوالد لانه يعدل في محبته علينااا كلنااا وانا في النهايه تفهمت الوضع وتاقلمت مع الجو بس احس بنوع من الفراغ لانه صارت حياتي كله تلفزيون واخمس في النت على المنتديات وضليت على هاي الحاله
والحين ابغي ارمسكم عن عادل .......
طبعا عادل شاب عمره 20 سنه يحب شي اسمه كرة القدم يلعب في نادي ...... اماراتي بس يشارك في بعض المباريات بحكم صغر سنه ومركزه في حراسة المرمى وهو بعض الاحيان يكون عصبي ومرات هادئ و خجول يعني مزاجي ...
المهم الحين الصيف و الكل اجازه و العايله محتشره تبغي تروح دبي وابوي اتفق مع عمي محمد ابو عادل إنا بنروح ويااا بعض ..عمي وافق واستعديناااا
مهره : شواخ الحين كم يوم بنيلس في دبي وشو اشل من الكنادير
شيخه : يا بوج ماا ادري وشلي اللي تبيه
مهره : شو رايج نشل جينز عيسب نفتر في شواطي
شيخه : لا لا انتي تبغي تفضحيناااا منقود منقود
مهره : انزين تراني بلبس عبايه فوقها
شيخه : انتي شليه وانا بعلم الوالده
مهره : اسميج بدويه
شيخه : بدويه و عيوز و أي شي المهم الجينز لا لا
والمهم بعد ما تنزعنا انا ومهره تقريبا الساعه 2 فليل روحنااا نرقد لانه ورانا درب ...
فهد : مهره قومي مهره رقدتي
شيخه : اووووف الحين انت ليش ياي هاي الحزه ازعجتني
فهد : اووو نسيت انه الكونتيسااا رااقده
مهره : شو شو بلاك
فهد : توني ذكرت ابغيج تكويلي كندوره
مهره : روح وياااا سميحه
فهد : سميحه ما تعرف تكوي اخاف تحرق الكندوره
شيخه : اووف فكوني من صدعتكم اظهروووا ابغي ارقد بدون صوت او نفس
مهره : والله الكونتيسااا البدويه تتأمر
فهد : الكندوره ابغي اشوفهااا في الحجره
مهره : حاظر بابا ما في شغل تاني
فهد : لا لا سمحيه مااا في تااخير
مهره : هاازر بابا ههههههههههه صدق صرتلك سميحه
فهد : عفيه على اللي تسمع الرمسه
والساعه 6 الصبح استنفار في البيت
الوالد : يله قومووو يله اخرتونااا
بعد الحشره وكل مرتبش ظهرناا من البيت الساعه 7 ونص
الوالد : الحين ابغي اعرف ليش مب متجهزين من البارح احلى الصبح
الوالده : والله يلست اسوي القهوة والشاي
الوالد : كل مره نفس العذر
الوالده : استهدي بالله ما صار شي وكل تاخيره فيااا خيراااا
الوالد : غانم صب ماي
غانم : ان شاء الله
الوالد : الحين البنات وياا سميحه روحن مع فهد؟؟
غانم : هيه .... تفضل الماي
الوالد : يزاك الله خير
وطبعااا انااا رااكبه ويااا راعي الاستاندر اللي فول ستروكر
فهد وهو من النوع الخرشه ويانا ست الحسن سميحه بشكاارتنااا اندونسيه وهي وفهد دووم ضرابه خخخخخ
مهره : اقول ابو حارب حط محيد حمد
شيخه : لا حط صلاح بوخاطر يقرأ قرآن ابرك
فهد : مهره عاد من الصبح اغاني
مهره : انزين المهم ابغي اسمع المسجل بدل سوالفكم صح سميحه
سميحه : ما يعرف
مهره : يزاج الله خير على الاجابه
شيخه : مهره غناتي صبيلي شاي لانه الوالد ماا خلاني اتريق
مهره : وليش ما تقولين حق سميحه
شيخه : لاني اخاافهااا تحترق وحليلهاااا ما تهون
فهد : هههههههههه الله يخسج ياا شوااخ انتي ورمسج
مهره : عيل انا اهون عليج
شيخه : ما تهوني الغلا بس المهم ابغي شاااي سرعه
مهره : عنااد ليش فهد يضحك ماا بصب
شيخه : وانت ليش تضحك ؟؟؟؟
فهد : خلاص الحين لما حطيت قران رمستن سكتن وفكني
شيخه : سميحه صبي جاي
سمحيه : ما يقدر الدله بعيد
فهد : ههههههههههه عيل ليش ما ترمسين مخلياااا البنات يتكاافخن
شيخه و مهره : ههههههههههه الله يخس بليسهاااا
وبعد ساعه ونص وصلنااا قرب المحطه اللي بنبركن السيارت عيسب نركب الميترووو
و انتظرنا نص ساعه لحد ما عمي محمد وعائلته الكريمه توصل
وتويهنا ونشدنا عن لعلوم و روحناا
وعاااد عادل مستوي زلمه لابس تي شيرت اسود على جنز ونظارات شمسيه اووف خطير
ام عادل : السلام عليكم
الوالده : وعليكم السلام
ام عادل : شخباركم ..... اسمحلولنااا اخرناكم
الوالده : الحمدلله تمام دامج بخير .. ومسموحه ما صار شي
الوالده : هلا طيف شخبارج ؟
طيف : الحمدلله تمام
لطيفه : هلا خالتي شحالج ؟
الوالده : هلا والله بالغاليه الحمدلله بخير ونعمه
ام عادل : هلا مهره شخبارج ؟
مهره : ههه الحمدلله تمام
ام عادل : ان شاء الله دووم وانتي بعدج تضحكين لما حد يرمسج
الوالده : هههههه ما شاء الله دوم مبتسمه
ام عادل : هلا شيخه شو اخبارج ؟
شيخه : الحمدلله تمام
ام عادل : وكيف النتيجه ؟؟
شيخه : والله زينه الحمدلله
ام عادل : الحمدلله
شيخه : اقول لطيفه شخبارج شو كيف ليش ما تحدرين المنتدي هـــــــ ع مشاركاتي 1.866 وان شاء الله قريب بوصل 2000
لطيفه : ههههه والله ما يخلصني اشاارك في مواضيع تاافه ما تستاهل اشارك فيهااا
شيخه : ههههه والله انج عجيبه
واسمع ابوي في هاي الحزه يقول بنركب الميتروو وروحناا والريايل والشباب جداام والحريم ونحناا البنات اخر شي ههه لابسين كعب ما يرزاااا نمشي بسرعه بس اكيد عيون عادل تقولناا بسرعه امشن بس اناا احب اطفربه وامشي ع راحتي وبنات عمي لطيفه وطيف واختي مهره عندي وامشيهن على الرحاات هـــــ ع ما اعرف ليش اغااايضه
المهم دخلنا داخل وخذينا النول ( بطاقات عيسب نركب الميترو )
ودخلنا روحنااا ننتظر والكل فرحان هههه اول مره نشوف ميترو بعد الضحك وسوالف الشواب اللي تضحك وصلنا عند باب الميتور وطبعاا كان في واايد اجانب و بعض الجنسيات الاسيويه ونحن الوحيد مواطنين دخلنا والحريم يلسن والريايل وكلنا يم بعض وما رضيناا نروح مكان الحريم نبغي نسمع سوالف الريايل هههههههه والله مصخره
وانا ابغي اركب الميترو وانا وااقفه احلى خليت سميحه تيلس مكاني هههه عيسب اوقف
الوالد : شيخه امسكي عدل بارك الله فيج
شيخه : ان شاءالله
عادل : في مكان واايد فااضي
المكان واايد حشره والحريم يسولف وصوت الميترو سويت روحي مااا اسمعه ههههه مزاجي اطفربه حد قاله يحبني
شيخه : طيف شخبارج ؟؟
عادل في هاي الحزه معصب لاني اناا وااقفه في واايد شباب اجاانب بس حلوين هههههه يذكروني بشاب ايطاليا هع
طيف : الحمدلله . اذا تبغين تيلسن تعالي وانااا بوقف
شيخه : لا لا افااا ما يصير انااا مرتااحه واايد
الوالده : مهره . اتصل ابختج شمسه عيسب ارمسهاااا من الميترووو
شيخه : هههه اسميج خقاقه
ام عادل : خلي امج تخق
مهره : دووج ...
الوالده : هااتي ......
وامي وام عادل يرمسن اختي شمسه انااا كنت اشوف عادل بس من دون محد يحس رووعه
لطيفه : العيوز دخليج تعالي مكاني ابغي اوقف
شيخه : والله انج كسرتي خاطري يله تعالي بس لاطحين
طيف : حق ناس وناس
لطيفه : ههههه البنت تحبني اكثر
شيخه : لا لا طيووف زعلانه من العيوز؟؟
سرت ويلست عند طيف وكنت مقابل عادل ويلست ارمسهااا
وهي فديتهااا تضحك بصوت عالي شوي
ام عادل : شيخه وطيف بتنزلن هني؟؟
شيخه وطيف : يا سلام احلى شي
ام عادل : وابوي عليكن صخن شوي
مهره : سميحه كيف المترو زين ؟
سميحه : وهي تهز راسهااا وتضحك زين زين
شيخه : سميحه في بلاد في ميترو سيمسيم هذاا
سميحه : لا ما في
لطيفه : شيخه شوفي شوفي ^^
شيخه : شو منو اشوف ؟؟؟
لطيفه : هذااك اللي لابس ازرق
شيخه : اوف عجيب الصراحه احلى من هيرتك روشن
لطيفه : ههههههههههه
مهره : لا لا شوفن اللي لابس القميص الابيض
شيخه ولطيفه : هههههه هذا ريلج ههه شيبه مخرف شراتج
مهره و طيف : ههههههه
طيف : الصراحه ما عندكن ذوق شوف اللي لابس اسود على الجينز كشخه
شيخه لطيفه : منوووو وينه أي صوب يالس
مهره : عرفته الصراحه كشخه
لطيفه : اهااااا هيه والله فديته
شيخه : الحين شو فيكن تتفدن الريال ابغي اتفداااه وينه
طيف : اكوه يالس يم اخوج فهد
شيخه : امممممم اهاااا
لطيفه : يله تفديه .....
مهره : ماا اسمعج عدل تفديه بصوت عالي
طيف : اتحدااج
شيخه : يله ... عونه تتحدين انتي ما تعرفين انه محد يتحداني
مهره : ههههههه تذكرت لما فريتي من الدريشه الجالكسي ولله كان خطاري فيه
شيخه : هههههه والله انا ما احب حد يتحداني
لطيفه : عنيده .. احيدج تموتين في الجالكسي كيف تفريه ههههه
طيف : اتحدااج تقولن فديته نحنا وناازلين اوكي
شيخه : الحين انتي يا الياهل تتحديني
طيف : ابغي اسمعج الحين نحنا ونازلين
لازم بسرعه ننزل الحين الحريم والريايل نزلوا والشباب
ونحنا البنات وعادل واخوي غانم وراناااا وطيف ولطيف ومهره ينتظرن التحدي
وانااا امشي قلت فديته ^^ لزووم التحدي
كلهن ضحكن بصوت عالي وانااا ويهي احمر من الفشله
غانم : شيخه شو بلاج . شو فديته
شيخه : ما يخصك
غانم : ليش معصبه بس سؤال
كااان حذاله عادل واناا ما عارفه شو اقول
شيخه : لطيفه لحظه شوي
مشيت يم الشله هاااا شو راايكن مره ثانيه لا تتحدن
طيف : والله انج مب سهله
مهره : اناا ادريبهاااا كم مره تحديتهاااا بس تسوي كل شي
لطيفه : بخبر عادل لا يتحدااج
شيخه : بس عاد كله تسوالفن عني شو راايكن في الميترو
مهره : انزين الحين نزلناا هنيه وبعدين وين بنسير
شيخه : الحين بنروح الطابق اللي تحت وبنركب الميترو بس اللي يودينا من وين ركبنااا و بنروح الباركنات
لطيفه : وانتي شو عرفج
شيخه : تراني مب اول مره اركب الميترو مروحه ويا اخوي فهد و غانم
لطيفه : اهااا والله توني دريت
شيخه : ما احبيت اغايضلج
وما وقفنااا سوالف ركبنا الميترو بس للاسف روحنااا صوب مكان الحريم وكلنا يلسناااا
ونزلنااا وكلنااا نضحك على الحريم ههههههه يذكرن زمان لمااا كااانن الحريم في لمطيه و لحمير هههههه وربي سوالفهن حلوه
ميشناا وكان عمي محمد يقنع الوالد انه يباات عندهم
في بوظبي
واناا اقول لا لا ان شاء الله نرد البيت
الوالد : ان شاء الله بعد صلاة العصر بنروح بنشتل وبروح بوظبي
عمي محمد : على خير
تقريبا الحين الساعه 12وربع روحنا نصلي صلاة الظهر
ونحنا نركب السيارات لطيف وطيف شواخ و مهره اركبن ويااناااا
عمي عادل بنات كلكن اركبن عندنا وخلن الشباب رواحهم
روحت اخذ جنطتي من سيارة فهد خذيتهااا بس قعدت ادور نظارتي واخوي فهد يله بسرعه شو تدورين
شيخه : خلاص خلاص ماشي
روحناا وخلينا سميحه تركب وياا الوالد
وصلنا المسيد و دخلنا و صليناا وتريحناااا وعقب ظهرنااا نركب السيارات
ابوي وعمي بعدهم في المسيد ما اعرف ليش يتاخرون في الميسد
اخوي غانم بطل السياره لامايا وسميحه وظهر عادل يتخقق يبطل سيارة عمي ركبنا وهوو ركب ويانا جدام عيسب يشغل السياره والمكيف لانه حر وعقب يتفلسف على امه لما كانت في الميترو
عادل : هاا امايا شخبارج عقب الميترو ؟
ام عادل : الحمدلله تمام
عادل : هاا بنات كيف الميترو ؟؟
لطيفه : الصراحه واايد اجانب
طيف : ترااا مسواااي حقهم
عادل : امايا لما عمي حارب يون صوبنا ابغي امشي البنات صوب بوظبي
ام عادل : أي بنات
عادل : البنات و عيال عمي والكل يعني
لطيفه و طيف : اهاااااااا البنات
وانااا ويهي احمر ما اروم ارمس ما فيني صوت وهوو يناظرني ويرمس ويااا طيف اوووف قلبي يدق بسرعه
وفتح الباب عمي محمد
عمي محمد : هااا عادل تبغي توصل الحريم
عادل : يااريت اقصد لا لا بس كنت اشغل السياره
عمي محمد : الله يخس بليسك
عادل : يله الحين برووح
عمي محمد : الولد شكله مشتاق
ام عادل : البنت تستحي... اقولك وين بتغدونااا
طيف : احلى شي من الكنتاكي
عمي محمد : ههه لا لا بروح نااخذ مندي
شيخه : بصوت واطي.. اقولج لطيفه
لطيفه : هاا شو بلاج
شيخه : ونحنا راادين ابغي اركب ويا ابوي
لطيفه : ليش
شيخه : والله احس شكلي مب حلوو
لطيفه : اقول بس عن الهذربه بتركبين عندنا ولا بخبر ابوي
شيخه : لا فديتج استحي سكتي بركب عندكم
وقفنا عند مطعم وطلبنا مندي دياي ولحم وروحنا صوب منتزه
الوالد : يله خذووو السماط و الغدااا وتعالو صوب الظله
فهد : الحين يله شباب نزلو الاغراض
علي ولد عمي محمد : اووف ليش البنات ما ينزلن شي
فهد : مهره تعالي شلي الماي
مهره : اوف بس انااا
فهد : خلي طيف تساعدج انا استحي اقولهااا شلي
مهره : بنات تعالن سرعه شلن وياي
طيف : هاا شو اخذ
غانم : خذي البارد وخلاص روحي يلسي
طيف : اسهل شي بس يبتو بيبسي
غانم : كل شي
لطيفه واناا : يالله شمس وشوو نشل
فهد : تعالن نزلن الرطب والقهوه
لطيفه انا بشلهن الروحي
شيخه : وانااا
فهد : امممم أي شي يناااسب وزنج ياا العيوز
شيخه : ههههه عطني باخذ لحصير
عادل : لا بياخذه علي
شيخه : خلاص بروح عيل
عادل : تعالي يودي
شيخه : شو هذاااا
عادل : شطه من الدكان اللي في الحاره
فهد : هههههههه الله يخس بليسك
شيخه : هههه احلى شي
نزلنا الاغراض و رتبنا السفره هههه الريايل في صوب والحريم في صوب وتغدينااا الصراحه احلى غداا
ويلسانااا نسولف ونضحك لحد الساعه 3 وعقب تمشينا عيسب نهضم هههه ولعبنااا كورة قدم بس كلهاا ضحك
وعقب نشوف الشباب يغيرون ملابسهم يبغون يلعبون كوره
قلت للبنات ابغي اشوفهم وهم يلعبون
لطيفه : لا ابغي اروح المريحانه
طيف و مهره : لا لا ما نبغي نبغي نضحك على الشباب
لطيفه : على راحتكن
روحنا ويلسنا في لحصير حذال الشواب........و الحريم يتقهون ويسولفن
ونحنا نتفلسف من بنشجع اكيد عادل حارس بس الحين بيلعبوا اثنين ضد اثنين يعني العب مفتوح على الاخر
وانا اطالع عادل واقول صدق غبيه منهوو ما يبغي هذاااا
الزين كله
وبدت لمباره وكلهاا فوضه.. اخوي غانم شوي متين وشكله يضحك وهو يطلب الكوره من علي
وانااا يله علي عطااا غانم
لطيفه : عادل عادل لا تخلااا علي يسجل عليك
مهره : المباره كلهااا فوضااا
طيف : فهد غشاش يمسك الكوره
شيخه : هههههههههه شو مباره وديه ولا خيريه
فهد : لا مباره نهائيه في الليغا
عادل : هذي لمباره للبنات خخخ
فهد : ههههه صح بس للبنات الحلواات
شيخه : اكيد نحناااا
فهد وعادل : لا طبعاا
طيف : اناا برويكم يااا المااسخين
عادل : سكتن نبغي نلعب
طيف : الله واللعب مااسخ
علي : انزين ليش طالعنااا
الوالده : شيخه شيخه
شيخه : نعم اماياا شو بغيتي
الوالده : روحي طلعي حبوبي من الجنطه في السياره
وخذي معج سميحه تبغي شي من كيستهااا
شيخه : يله سميحه بسرعه
روحت صوب السيارات شوي مسافه.... مشيت وخذيت الدواء وعقب انتظرت سميحه تخلص
ردينااا وشافني وااحد تاافه ولحقني وهو يقول عطيني ويه شو بلاج تراني ما باكلج انتي ياا الغاويه
وانا خايفه ومسويه طااف وكنت ما اريده يقرب من وين يالسين وما عارفه شو اسوي و لويت صوبه و شفته
هههههههههه كان اخوي طلال دوامه قريب من المنتزه وياااا شويه يريح ويااناااا وربي انه خوفني واناا ما ميزت صوته صدق اني عيوز
عاد هووو يضحك على ويقولي
طلال : عونه ما عطيتني ويه
شيخه : والله اناا مب أي حد رمسني سويتله سالفه
طلال : هههههه الله يعين اللي يفكر يغازلج صدق بنت حاارب ودمج حاار
وصلنااا صوب امايا و طلال سلم على الكل وهو يضحك على و يقولي اخبرهم وانا مستحيه واقول لا لا
طبعا انا وايد استحي من اخوي طلال ما اعرف ليش
المهم ابوي وعمي روحو صوب المسيد كان في المنتزه نفسه
مسيد صغير و عقب الشباب بيرحوا غيرو ملابسهم وسوالفوا ولما سمعنا الآذان قمنا وصلينا
والساعه 4.45 خلصنا شالين كل اغراضنا وكل حد فينا ركب السيارات واخوي طلال روح دوامه وانا طبعا راكبه ويا عمي محمد
وصلنا البيت تقريبا الساعه 6 المغرب والسبه كثرة الزحمه
وكثر ما نوقف في السوبر ماركت عيسب طيف تبغي آيسكريم يهال على فكره ترا عمرهاا 15 سنه مثل عمر مهره ولطيفه من عمري
وقفنا الواحه عيسب ناكل شي ههههه وعيسب جي تاخرناااا
وصلنا بيت عمي وخلاص تعبانه وعيوني حمرات فيني راااقاد
شيخه : لطيفه سرعه ابغي ارقد تعالي وياي صوب الحجره
لطيفه : لحضه بس ابغي اروح المطبخ
شيخه : تراني برقد في أي مكان
لطيفه : ههههههه خلاص روحي بروحج الحجره الشباب محد روحووو
يبوااا عشااا
مهره : شو العشاا
ام عادل : بنات تعالن صوب الحوي
لطيفه و شيخه : ان شاء الله
لطيفه : مهره عشاج اليوم على حسابي من الكنتاكي
شيخه : لا لا انا اليوم عازمه طيف
مهره : على كيفكن ... ليكون بعد على حسابكن
طيف : آآآخ راسي يعوني من الكذب
لطيفه : بنات روحن الحوي يلسن الحين بودي الشاي
شيخه : انا بسير احط راسي شوي وعقب بي عندكن
روحت حجرة لطيفه وطيف ورقدت من الساعه 6 ونص لحد 9
ما حسيت غير سميحه تقولي: قومي عشااا
قمت و صليت وحدرت صوب الحوي فششله الكل يالس وانا الحين
بخطف من جدام الكل يعني للازم اسلم اوووف استحي عادل يالس ويااهم
شيخه : السسلام عليكم
الكل : وعليكم السلام
يلست حذال امايا والكل يطالعني هههههه بنلوبي كروز وانا ما اعرف
المهم لويت صوب البنات و هزبتهن ليش ما قومتني من الرقاد
لطيفه : حرام كان شكلج يكسر الخاطر وانتي راقده
مهره : انتي ما تحبي حد يقومج
شيخه : هذاك في البيت يا الذكيه ما احب حد يقومني لكن هنيه بيت العرب
طيف : لا لا هذا بيتج عقب كم سنه
مهره : هههههههههههه
شيخه : بس جب جب
تعشينااااا و رمسنا لحد الساعه 10 وعقب الكل سار يرقد الا اناااا توني ناشه من الرقاد ما فيني رقااد
البنات دش الحجره و امايا روحت ترقد في حجرة الضيوف
وانااا يالسه في الصاله مشغله للاب و يالسه ابطل الايميلات
دخل اخوي فهد و عادل وهم دووم ويااا بعض سوالفهم حلوه
يلسواا عندي
فهد : ليش يالسه بروحج
شيخه : كل البنات رقدن واناا توني ناشه من الرقاد
عادل : عكس الناس
شيخه : ماااا رديت عليه
فهد : عادل شو رايك باجر الصبح نروح نتمشااا صوب بوظبي
شيخه : بس بروحكم ولا كلنا
عادل : ان شاء الله الصبح بس الشباب و العصر للحريم عن حشرتهن
فهد : ياخي ما تلاحظ الحريم لزقه
عادل : صدقك اسميهن طفره
شيخه : عدال عدال من زينكم عااد
عادل و فهد : ههههههه
عادل :يالله من رخصتكم بسير ارقد عسيب تمشية بااجر
فهد : واناا بسير ارقد
عادل : ههههه على فكره ترااا واايد اشبااح في البيت سيري رقدي ابركلج
شيخه : ماا اخااف
فهد : ههههههههه انتي تخافي من ضلج
شيخه : هههههه روحوووواا عن يفوتكم الحلم
عادل : ههههههههههه
فهد : يالله ..
قعدت بروحي في الصاله لحد الساعه 2 وعقب مليت من النت ومن التلفزيون ودخلت ارقد
الصبح الساعه 9 البنات يسوالف من الصبح في الحجره واناا ما اقدر ارقد في ازعااج قمت روحن الصاله كمل سوالف ابغي ارقد
مهره : انزين لا تقومين الساعه 12
شيخه : سكري الباب و بندي الليت سرعه
طيف : تراااا الهريس مب حلو الساعه 12 هههههه
شيخه : ابغي ارقد اووووووووووف
وما قدرت ارقد الا االساعه 10 سااعه كامله احاول ارقد المهم نشيت الساعه 11
حدرت صوب المطبخ الحريم يطبخن
شيخه : السلام عليكم
ام عادل واماايااا : وعليكم السلام
ام عادل : تعالي هنيه تريقي
شيخه : لا بس ابغي شااي
الوالده : خليهااا ترااهاا ما تحب تتريق غير الساعه 12 او 1
ام عادل : عيل هااي شرات عادل و علي
شيخه : وراثه في العائله
ام عادل : هههههه لما تخلصي سيري ميلس الحريم هناك ربعيت لطيفه
شيخه : في هالوقت منو يزور حد
ام عادل : والله ما ادري فيهن
الوالده : البنات يظهرن ويسوالفن مب شراتج
شيخه : ما احب اكون نفس البنات
ام عادل : والله شيخه احسن منهن
روحت اتعدل واحط كحل وشويه عطر عيسب اشوف البنت اللي يايه
حدرت الميلس واشوف بنت وايد حلوه وشكلهاا كشخه
شيخه : السلام عليكم
البنات وعليكم السلام
توايهت انا والبنت و لطيفه عرفتنا على بعض
لطيفه : اقول شيخه هاي ربيعتي اسمهاا عليا من ايام المدرسه
شيخه : هلا والله شحالج .؟؟
عليا : الحمد لله تمام.. ومن يداااج؟؟
شيخه : الحمد الله بخير
طيف : شوااخ شو بلاج من الصبح تنااازعي
شيخه : ابغي اعرف ما تشوفين حد رااقد ليش السوالف حشااا مصريه
مهره : هههههههه عيب جدااام البنت تتكافخن
لطيفه : اقولج عليا تذكرين لمااا كنااا نلعب في الثلاجه اللي جداام الباب
عليا : هههههه دوووم امايا تنازعني لما اوصل البيت
لطيفه : اخبركم مره وحده نزلنا من الباص وقفنا عند الثلاجه ونرش بعض
وخطف علينااا عاادل وهوو يقلد صوب ابوي وانااا ميته من الخوف
علياا : ههههههه انااا خلاص بغيت ابكي بس عقب اخوج ضحك عليناا
لطيفه : هيه والله ... عاد عادل مفتشل منج هو حسباله طيف اللي تلعب ويااي
علياا : انا اروحي مفتشله منه
شيخه : وانتن ليش تلعبن بالماااي
مهره : عااد منووو يرمس عن اللعب بالماي بس بس نسيتي في المدرسه شو تسون انتي وربيعااتج
شيخه : هههههه بسج فضاايح اناا كنت صغيره
علياا : ههههههه وربي سوالفكن حلوه
طيف : عيل امس فااتج روحناا دبي وطول الرحله ونحن مطيحين سوالف
عليااا : الله لا يفرق بينكن
لطيفه : آمين
شيخه : الصراحه اليلسه وياكن ما تنمل اناا بقوم عنكن
طيف : قااعدين وين بتسيري
شيخه : بروح الحجره
طيف : على راحتج
عليااا : اتشرفت بعرفتج
شيخه : واناا بعد
عليا : ان شاء الله نلتقي مره ثانيه
شيخه : ان شاء الله
وعقب روحت صوب الحجره وانااا افكر ليكون عادل يحبهااا ليكون هم يحبو بعض وانااا خربت عليهم اووف ...............
المهم دووم فيني شك ما اعرف ليش يمكن عندنا في الخليج او بعض العوائل المحافضه ما عندنا انه الشاب يحب بنت عمه ويسوالف معهااا
ويتبادلو الرسائل او أي وسيائله حتى يعبر عن حبهم يعني باختصار
ما يقدر يعبر عن حبه الا اذا مخطوبين او متزوجين............... ما قبل نادر ما يصير ........
اما علاقتي في عادل مجر انه هو محير علي يعني ( مجوزه لولد عمي واذا حد تقدملي نخبره انه ولد عمي يريدني ) وما في أي شي ثاني بينا ^^
المهم يعني كل شي بينا الكلام بمجرد النظرات
وعقب تغديناااا و بعد صلاة العصر ان شاء الله الشباب بيودونا نتمشا في بوظبي .........
شيخه : اقول لطيفه
لطيفه : شو تبين
شيخه : ليش ما نقول لشباب يودونا الكاسر و عقب نبغي نسير المارينا
طيف : هههههه والله انج تحلمين
لطيفه : اقول شوااخ حمدي ربج اذا ودونااا الخالديه
شيخه : ههههههههههه ليش عاد
لطيفه : والله عادل يقول عونه ما عنده بنات يسيرن المولات و الكسار
طيف : ترا كله شباب و مغازل
مهره : لو اخوي فهد والله يودينا
شيخه : ترا الشباب بيكونو معاناا ليش معقدينهاااا يعني والله ما فيهاا شي
لطيفه : بسكن هذربه ابغي اخذ قيلوله
طيف : آخ وانا بعد ناشه الساعه 9 مب شرات بعض الناس
شيخه : آآووووف الطلعه بتكون مب شي
مهره : خلاص بس من الرمسه عن الرحله انتي انتظري وعقب احكمي
شيخه : انا بروح اطالع ام بي سي في اسبوع نامن على راحتكن
حدرت الصاله وكانت الوالده اتاابع .......
الوالده : تعالي شواخ
شيخه : شو شو في
الوالده : شوفي في لاعب توفا في السودان وعقب هذا الولد انتحر
شيخه : اهاا تقصدين ايداهور
الوالده : حرام شوفي امه شقى تبكي
شيخه : هيه والله
ام عادل : شو ام طلال ما تبغين ترقدين
الوالده : لا مافيني رقاد ابغي اطالع هذا البرنامج
ام عادل : على راحتج وانتي شيخه ؟
شيخه : لا انا ما ارقد الظهر
ام عادل : عيل اخليكن وان شاء الله عقب صلاة العصر بحدر عندكن
الوالده : ان شاء الله
.............. وتابعنا البرنامج وامايا تبكي على القصص وخلص البرنامج الساعه 4 العصر وروحت حجرة البنات واشوفهن راقدات وقلت حرام اشوفهن رااقدات هـــــــــــــــ ع
شيخه : حووووووووووو قومن يا الدياي
طيف : شو بلاج تنتقمين يا الكونتيسا
شيخه : يله قومن الحين بيآذن
لطيفه : عيل لما ما آذن شله تزاعقي
شيخه : يا الله قوووووووومن
مهره : ظهري و سكري الباب وراج
شيخه : ههههه من كنهااا مقولتي الشهيره
طيف : جميع الحقوق مسروقه
شيخه : لطووووووووف قومي تراني اشوفج
الوالده : بنات قومن شيخه هاتي الكحل اللي عندج
شيخه : ان شاء الله
وقامن البنات صلن العصر و تعدلن
عمي محمد : يالله وينكم
ام عادل : هاا شو بلاك تزاعق ترانا نسمع
عمي محمد : انا و اخوي حارب و علي و غانم بسير صوب جزيرة السعديات و انتن بتروحن ويا فهد و عادل
ام عادل : انزين ولا تنسى روح عزا ابو فيصل
عمي محمد : هيه صح ذكرت ان شاء الله يالله من رخصتج
غانم : هلا خالتي
ام عادل : هلا غنوم شحالك ؟
غانم : الحمدلله ما شكي باس
ام عادل : الحمدلله ... ها شو بغيت امك ؟.
غانم : لا ابغي شيخه
ام عادل : سير ازقرهااا هناك صوب حجرة البنات
غانم : شيخه شيخه
شيخه : هااا شو تبغي مني
غانم : بسم الله شو ها الويه
شيخه : هههههه الحين بحط كحال انت شو تبغي ؟
غانم : ابوي يقولج خذي الكندوره وكويها الحين نبغي نسير جزيره السعديات
شيخه : والله كل شي اناا روح عني ويهي خلي سمحيه
غانم : والله كيفج اناا قلتلج
شيخه : اوووف انزين خوز بسير حجرة البشكاره اكوي
غانم : ما شاء الله انتي الخدامه الثالثه في ها البيت
شيخه : عن الفلسفه
غانم : ســــــــرعه
روحت اكوي و طبعا بكل رقه ههه هذا اللي اقدر عليه و عقب لما خلصت عطيت سميحه الكندوره عيسب توديهاا عند ابوي
وظهرت بسرعه عيسب اتعدل طشونه و الكل البنات مخلصات والحريم في الحوي ينتظرني ابوي و عمي و باجي الاولاد راحوو
وانا لابسة عبايتي و تعدلت على السريع و ظهرت و الكل الحريم راكبات السياره بس غريبه محد اخوي فهد شعنه ما اعرف روحت صوب سيارة عمي و كان عادل فيهاا والحريم وبطلت الباب والكل يناظر صوبي و انا اعتذر عن التاخير ...
شيخه : سوري تاخرت عليكم عيل وين فهد
الوالده : فهد سار وياا ابوج وعمج
شيخه : اهااا
واناا راكبه سمعت عادل يقول ما ألومج ما تعرفين قيمة الوقت
وانااا حزتهاا ما اعرف شو اسوي الكلام اللي سمعته كبير واايد
شو يقصد بطلت باب السياره وقلت ما بسير
ام عادل : شيخه بارك الله فيج شو بلاج ؟
الوالده : شيخه ركبي و عن الدلع
شيخه : بس اناا ماأبي اسير ومن غصب
سكرت باب السياره بقوه و سرت داخل واناا معصبه اتصلت فيني لطيفه
لطيفه : شيخه تعالي سرعه ننتظرج
شيخه : والله العظيم ما اسير
لطيفه : حرام عليج
شيخه : والله ما سمعتي رمست اخوج
لطيفه : انزين طوفيهاا وتعالي دخيلج
شيخه : لو سمحتي لطيفه ما ابغي اسير
لطيفه : على راحتج
يلست اتذكر كلام عادل شو يقصد (ما ألومج ما تعرفين قيمة الوقت )) وهو كيف يرمس من دون ما يعرف ليش انا تاخرت صدق انه مزاجي وربي اني عصبت عليه ومحد في البيت والحين تقريبا الساعه 6و ثلث المغرب
اتصلت باختي فاخره .......
شيخه : السلام عليكم
فاخره : وعليكم السلام
فاخره : هااا كيف يناااا على بالج يا القاطعه
شيخه : والله انتي لكبيره لازم انتي تسالي عني ههههه
فاخره : شحالج دبووه ؟
شيخه : الحمدلله تمام
فاخره : ها شو اخبار اهل بوظبي
شيخه : يسلمو عليج
فاخره : الله يسلمهم
فاخره : سو يالسه تسوي
شيخه : والله ماشي توني ببطلع للاب وذكرتج
فاخره : والله وفيج الخير
شيخه : هههههه اهااا جي ابااج دووم تمدحين فيني
فاخره : خقااقه بعد
شيخه : من حقي اخق
فاخره : شخبار عادل
شيخه : اوف لا تطري
فاخره : ليش عاد
شيخه : خقاق و شايف روحه
فاخره : ما شاء الله نفس الطبايع
شيخه : حرام عليج اناا مب شايف روحي
فاخره : وين مهره ما سمع حشره ويااج
شيخه : هههههه انا يالسه الروحي
شيخه : شخبار اهل العين
فاخره الحمدلله تمام
فاخره : يله حبوبه ابغي اشوف هاي البزا شو تبي
شيخه : شو اخبارهاا شهودهااا وخليهاا تتبزاا شرات خالتهااا
فاخره : وانا اقول على منوو طالعه
شيخه : على خالتهااا طبعاا ........يالله مع السلامه
فاخره : يالله سلمي على الكل
شيخه : يبلغ ان شاء الله
وعقبهااا حسيت بضيجه و ظهرت الحوي ويلست اشوف سميحه و فاطمه وهن يسقن النخل
و عقب يلست اتفلسف عليهن وسوالفهن تضحك وربي اني ستانسه رغم الحرقه اللي فيني
سالتهن عن بلادهن و كيف اهلهن و واجواء العيد ههههههه تراني فاضيه
وعن الانديه اللي يشجعنهن بي للاسف ما يحب الرياضه
وعقبها دشيت اصلي المغرب و لما خلصت اسمع الفون يرن
شيخه : السلام عليكم
ميثه : وعليكم السلام
شيخه : والله زين يوم ذكرتيني
ميثه : بس بس انتي القاطعه حد قالج اني منتج دنماركي
شيخه : هههههه فديتج والله لقصور منج
ميثه : هههههه ما شاء الله مني لقصور شخبارج ؟
شيخه : الحمدلله تمام ..... الصراحه اول مره تتصلي في وقت مناسب
ميثه : يا الخايسه يعني كنت قبل اتصل فيج وانتي في اجتماع
شيخه : لا لا افاا عليج
ميثه : شخباركم ؟؟ ........... شخبار مهره
شيخه : الحمدلله
ميثه : وين روحتووو
شيخه : روحناا دبي و ركبنا الميتروو
ميثه : أهى أهى حظكم
شيخه : وانتوو روحتوا سويحان
ميثه : لا ما سرنا امايا شوي تعبانه
شيخه : سلامتهااا ما تشوف شر
ميثه : الله يسلمج
ميثه : اقول شوااخ عطيني مهره طشونه ابغي اطفربهاااا
شيخه : هي الحين محد طالعه
ميثه : وين سايره
شيخه : طالعه ........اقول ميثه عقب برمسج باااااااااااي
ميثه : اوكي مع السلامه
الصراحه ما عرفت شو اقول لهااا المهم عقب ربع ساعه ردن الحريم
و يلسنا في الصاله و خبرني وين سارن ........
طيف : الصراحه الروحه من دوونج ما تسوا
شيخه : ادري ادري
ام عادل : هيه ما تسواا
شيخه : انزين وين سرتوااا
ام عادل : روحنا مركز زايد ليش نحن نروم نروح مكان ثاني
شيخه : شو مركز زايد ؟؟؟ ليش عاد تعدمن الاماكن
الوالده : شيخه تعالي شوفي هذي الثوب محلاه
مهره : تراني انا اختره
شيخه : والله انه كشخه اماايا هذا حق البنات عطينه ايااهاا
الوالده : ليش انا عيوز
مهره : هههههه لا لا بعدج شباب ومن عمري بعد
ام عادل : الله يقطع سوالفكن
لطيفه : منووو يبغي شوكليت
شيخه : اممم انااااا
لطيفه : لا هذا مضر بصحة العيايز
طيف : عطيني
مهره : لطوف عن هذا الحركات عطينااا
المهم عقب الحشره بعد الرده من السوق روحت ارمس امايا انه خلاص نبغي نرد البيت بس الوالده عصبة عيسب الموقف اللي صار وقالت لازم
ما انزل بهذيك الطريقه وانه يبغون يروح ويا عمي راشد المهم امايا رمست الوالد واقنعه بالرده والحمدلله قال انه باجر الصبح رادين
المهم ما شفت عادل ابدااا من بعد اللي صار .......
والحمدلله الساعه 10 الصبح اترخصنا من عند عمي محمد وردينا العين والحين تقريبا مراكثر عن ثلاث شهور وانا احاول اتجنب عااادل
لما يزورنااا ما اظهر عيسب يثمن كلامه ........

وهذي نهاية الجزء الاول :

شــــــــــــــــــــــكرا اختي عالقصه ..لو انها طويله شوي

شكرا خيتي على القصة ...

يسلمووووووووو...