هلا اخواني واخواتي ( وبالاخص الجامعيين منكم)
بغيت اطرح موضوع يخصنا كطلبة في جامعة السلطان قابوس

وهو عن الفصل الصيفي

بصراحة اعتقد انه في عدم انصاف للطلبة في موضوع الصيفي هذا ..

اللي اعرفه انه الصيفي يمنح للطالب المتأخر في خطته الدراسية وفيه استثناءات ثانية

بس ويش اللي يصير
في طلبة مو متأخرين بس يريدوا يخففوا من الضغط الدراسي عليهم( مثلا كلية الطب او التمريض) للفصل الجاي بس الجامعة ماتعطيهم لا عمادة شؤون الطلاب ولا عمادتهم بالكلية.. وفي طلاب يتعمدون يتأخروا وياخذوا ساعات قليلة عشان يدرسوا على راحتهم في الصيف ويلعبوا ويقضوا الوقت في النوم بينما هنالك طلبة لايتم منحهم صيفي ولهم رغبة في تخفيف الضغط الدراسي الواقع على عاتقهم-- وعندما نذهب الى العمادة يقولوا مافي كثير مدرسين ولا صفوف حق الصيفي لان المدرسين يروحون بلادهم كما يقولوا لنا اننا مو متأخرين لذلك لايحق لكم الصيفي..

اذا بتقولوا لي روح عند السوبر فايز او الكوردينيتر مالك اقول هي هي السالفة لاني اكتشفت السوبرفايز مايعرفون يساعدونك بشيء-- بس شياطيت يتكلموا ويلعيوا وينتقدوا بس ومعظمهم ماعندهم خبرة مناسبة في طرح حلول مناسبة,,

انا السوبر فايز مالي وحدة عراقية ولما اروح لها عشان مشكلة معينة تعطيني الف خيار وخيار وكلهن خيارات تريحها هي وانا لا وكأنها تقولي لي( مافيني بارض حقكم روحوا عني))

انتظر اراءكم

شكرا أخي الغالي ....

على فكرة هذي المشكلة كنا نلمسها حتى في كلية التربية بنزوى .... ما تقدر تفكر تخفف الضغط الدراسي إذا ما كنت متأخر ...

إلا إذا معك واسطة ...
والله إني كنت أعرف شخص ما متأخر ولا ساعة .. وآخر فصل كان عنده 7 ساعات بس ومنها 5 للتربية العملية يعني بقى ساعتين.....

الله المستعان ...

فعلا أخي ...هذا هو الي حاصل ...أنا الحمد لله حصلت صيفي لاني وايد متأخره بس في ناس مالهم حق في الصيفي وحصلوا لمجرد ان عندهم حاجة اسمها (واســـــــــــــــــــطه)

وانا شفت هالشيء بعيني ...كنت في أول اسبوع صيفي في مكتب عميد الكلية الفلانية ...وطبعا طوابير الطلبة والطالبات مسكره كل المكان المهم كلنا نبي ندخل والكل يبي يخلص اموره بأسرع ما يمكن ....بس للاسف من كثر المساكين الي يبون صيفي ومحد معبرنهم طلع نائب العميد وصرخ فيهم وقال مافي صيفي مافي مواد وجا يبي يسكر الباب إلا هنا جات المفاجأه!!
جات بنت شكلها بنت هوامير وقالت له بدون خجل وقدام الكل ان اختها سنه اولى ومو متأخرة بس تبي صيفي ...تصوروا ان دخلها من بد الكل ...وأشهد ان اختها خذت الصيفي وتدرس معي بمااااااااده


يا ناس حرام عليكم وذولا المساكين من معبرنهم!!!!

بس ما بيدنا شيء

شكرا وهج الإحساس ...
فعلا ما راح نرتقي دام الواسطة موجودة ... لأن القوي يصعد على أكتاف المساكين ...

الله يعينكم ..أنا وايد سمعت عن هالتظلم في جامعتكم...وهذا يختلف عن جامعة نزوى ...ماشين الصيفي واختياري لطالب...
بس الله راح يرجع لكم حقكم ....ان شاء الله

اشكر مداخلاتكم اخواني الاعزاء

بالفعل السالفة واسطة وتحييز واضحة وضوح الشمس

يعني اذا كانت علاقتك بموظفي العمادة او السوبر فايزر قوية تاكد انك راح تحصل صيفي بس المسكين اللي ماله حد معقوق على قارعة الطريق يغيب اذا تأخر او اذا كان عنده ضغط معين

واولاد الهوامير هذولا معطايين اكثر من اللازم في الجامعة او في مختلف الاماكن وخصوصا كليتي الاداب والتجارة..

يعني شووووفوا المواد اللي تطرحها كلية التجارة سنويا للصيفي تحصلوها بالهبل ؟؟ ليش ؟؟ لان معظم اللي يدرسون في كلية التجارة هم هوامير اولاد وبنات..
بينما الكليات الثانية تطرح مواد بشق الانفس ومقاعد محدودة جدا


في عندي زميل(وضعه الاجتماعي ميسور) ويدرس معاي في تخصلل اللغة الانجليزية تربية لا متاخر ولا شيء بس حب انه يقضي على الملل في الصيف ويدرس على الرحات راح وقدم حال الصيفي وعطوه طوالي بدون نقاش وانا كنت حاضر في مكتب منسقة شؤون الطلبة في الكلية وشفت بام عيني طالبة مسكينة ثانية كانت تريد صيفي قامت المنسقة وطلعت لها الف سبب وسبب عشان مافي حقها مقعد حق صيفي.... بصراحة دقني غم حتى زميلي لما شاف انه البنت مظلومة قال انا بتصرف.. البنت من دفعتنا وكانت تدرس معانا وبالفعل هي محتاجة هذا الفصل تدرس صيفي.. المهم روح زميلي وحذف الصيفي وقدرنا انوصل للبنت ونخبرها بضرورة الاسراع في التسجيل عوض عن الزميل وبالفعل راحت وسجلت وبحضوري انا وزميلي في مكتب المنسقة وها الرة ما قالت شيء ابدا ووافق على اعطاء الصيفي للبنت


يعني كله شغل واسطة .............. الى متى؟

شكرا أخي الرحيل ....

ننتظر رأي البقية في الموضوع .....

يعطيك العافية أخوي الرحيل
و أنا اقرأ طرحك كلي تأسي حساااااااااافة و الله فيني غصة من هالظلم

تناااقض:: أساتذة و إداريين المفروض يكونوا مخلصين بعملهم بس وييييييييين؟؟؟؟!!!!

الله يصبركم و يبعد عنكم الظالمين

أنا قلت يا أختي سراج ... بأن ما راح نرتقي إلا إذا عملنا بجد وإخلاص ....

أنا قلت يا أختي سراج ... بأن ما راح نرتقي إلا إذا عملنا بجد وإخلاص ....

المشكله ان على الرغم من الي يصير الطلاب ساكتيييييييييييين:S_022:


يا ناس تكلموا !!

طالبوا بحقوقكم الي تؤكل امام اعينكم!!:crazy:

يا وهج الإحساس .... أولا شكرا على مرورك في البرج ....



ثانيا ... حتى وتكلموا الطلاب ما راح يحصلو حقوقهم لأنهم ما يقدروا يقابلو إلا المسؤولين الظلمة والمسؤولين إلي ممكن يرجعو للطلبة حقوقهم ما عندهم خبر بإلي يصير....


فالله المستعان ....

فعلا ... وفي امور كثيرة بالجامعه ما بس الصيفي الواسطه تلعب فيه دور كبير جدا بداية من البوابة الرئيسية وصولا الى سكنات الطالبات والتغاضي اللي يصير لحالات كثيره انتم في غنى عن معرفتها
والحقيقة ان الصيفي ما فيه انصاف بتاتا !! وإذا بدأت اخبركم عن الاشخاص اللي اعرفهم ويستحقوا صيفي لاستيفائهم الشروط ما بخلص!
الحمد الله وبطريقة انا نفسي ما فاهمتنها طلعلي صيفي وغيري من محتاج صيفي فعلا ما حد عطاه رأأأس!!
بس من يتكلم وسط هالمعمعه ؟؟؟؟؟؟؟

فعلا ... وفي امور كثيرة بالجامعه ما بس الصيفي الواسطه تلعب فيه دور كبير جدا بداية من البوابة الرئيسية وصولا الى سكنات الطالبات والتغاضي اللي يصير لحالات كثيره انتم في غنى عن معرفتها
والحقيقة ان الصيفي ما فيه انصاف بتاتا !! وإذا بدأت اخبركم عن الاشخاص اللي اعرفهم ويستحقوا صيفي لاستيفائهم الشروط ما بخلص!
الحمد الله وبطريقة انا نفسي ما فاهمتنها طلعلي صيفي وغيري من محتاج صيفي فعلا ما حد عطاه رأأأس!!
بس من يتكلم وسط هالمعمعه ؟؟؟؟؟؟؟


وعليكـم السلامـ أحبتـي ..
الصيفي ... مـأسـاة الطـالب ..

من ظفـر بهـ نـال مبتغـاه .. ومـن فشل .. عـاد يجـر أذيـال الهزيمـة ..


بالفعـل أصبحت الواسطـة تشكـل 90% من الجـامعة ..

والتي لا تجـلب سوى الظـلم وتشتتيت المجتمـع .. !!


وإن تكـلموا الطلبة وعـارضـوا .. ( من يسمعـهم في منظـورهـم هم مجرد طـلبة !!)


نقـ ـاش جمـيل أعجبني ..


واصـلوا النقـ ـاش ..


شكـراً لكـ أخـي الرحيل ..


تحيتي

مـلاكـ

شغاف القلب ..... والملاك الغريب .....

شكرا لكم .... فعلا الموضوع يحتاج اهتمام .... لأن الواسطة مشكلة اجتماعية كبيرة يجب الوقوف على أبعادها ...

بس انا من وجهة نظري ان لو تكلم الكل مو واحد ومرات مو مره اكيد في احد راح يلتفت لهاشيء ... لان ما ضاع حق من وراه مطالب .... والغلطه الكبيره ان احنا نتخوف....بس لو في ناس ما تخاف وتعرف كيف تطالب بحقوقها اكيد بيتحرك فيهم حاجه ........

ايش رأيكم اذا قلت لكم ان في بنات ومن مستحقات العلاوة لانهن من الضمان الاجتماعي..صار لهم سنه يطالبوا بريال واحد بس ومحد معبرنهم !!! حرام عليكم هذي حق لهم؟؟؟ بس يا حسره

اهلا احبائي اسمحولي على الغيبة عن الموضوع بس صديقي العزيز جرح مامقصر شايل الموضوع ..

اولا برد على اختي(نظر عيني) بخصوص كلامك يا اختي العزيزة انكم في جامعة نزوى تحصلوا صيفي بالمرة فالسبب لان جامعة نزوى جامعة اهلية(خاصة) يعني مادام الطالب يدفع فلوس يحق له ياخذ صيفي غصبا عن الكل (( المسالة بزنس في بنزس )

اختي وهج الاحساس: ردودك وتفاعلك مع الموضوع جدا مميز. بالنسبة لموضوع المطالبة والشكوى احنا بالفعل روحنا لعمادة كليتنا بالجامعة.. مجموعة مكونة من عشرة ذكور وخمس بنات عشان نشوف حد لها المهزلة في الصيفي... قابلتنا مسؤلة شؤون التسجيل( مافي داعي نذكرها) بوجه فاتر وحتى السلام عليكم ماردت عليها وطوالي( خير ويش عندكم؟؟) تكلمنا معاها لفترة مطولة وكل يفضي بدلوه وهي ولا كأنه صاير شيء قدامها.. بصراحة خرجت عن طوري انا وووحدة من الزميلات وقلنا بنوصلها لرئيس الجامعة شخصيا اذا ماحد منا حصل صيفي-- خمسة على الاقل من المجموعة كانوا محتاجين صيفي ضروري جدا جدا--- المنسقة قالت روحوا عند رئيس الجامعة واذا سوا لكم شيء يصير خير... حتى زميلتنا كانت تبكي والله ومحتاجة للصيفي ولكن الدموع ما اثرت في المنسقة وموقفها واحد... ولما صارحتها باني اعرف طلبة ماعليهم ضغط وماخذين صيفي كان ردها انها تقول اللي ما متأخر مايحق له صيفي وبس... طيب ليش الظلم؟؟ وهذولا اللي عليهم ضغط دراسي(كلية الطب والهندسة والعلوم وتخصصات اللغة الانجليزية) ويش يسوا عيل؟؟


وهج الاحساس: ومن متى كانت الجامعة تهتم باسر الضمان الاجتماعي... هذولا رواتعب الطلبة ويفكرون يسحبوها(علاوة 120 ريال) وسمعت انه راح يقام مجمع سكني ضخم السنوات القادمة عشان يسكن كل الطلاب بالجامعة وماتضطر تدفع لاي طالب...
هذولا البنات صاحبات الضمان الاجتماعي خليهم يوصلوا السالفة لرئيس الجامعة يمكن يسوي لهم شيء لانه والله حرررررررررررام يصير فيهم كذيه...



شغاف القلب: في وايد مواضيع غ7لط في غلط تحصل في الجامعة والكل يسكت ويتجلها خصوصا سوالف السكنات والواسطات اللي تخص البنات وياما سمعنا بنات يتشكوا من تصرفات معينة تصدر من افراد معيينين بالجامعة بس ماحد يتحرك ويوس شيء... هذا وحده يباله موضوع خاص للحديث عنه..

في موقف اغاضني في مرة من المرات:
كنت رايح السكن عشان اطلع مع اهلي المغرب متوجهين نحو السوق-- وانا جالس في المواقف في السيارة.. اطالع بوابة المجمع رقم خمسة.. في ثلاثة شبان(طلاب) جالسين يسولفوا على راحتهم مع حارس الامن والبنات يخرجن ويدخلن الى المجمع... ياخي اتقوا الله المكان يغص بالبنات يعني ماحبكت الا هناك تضربوا سوالف؟؟ والمصيبة ان حارس الامن متساهل وايد.. لما رحت اسال عن اهلي قابلني بنظرات حاقدة ويقولي روح منه هنيه هي بتجيك وحدها... ولما جيوا هذولاك الصيع الشباب تم يضرب معهم سوالف..ز ماعجبني الموقف ورحت له بعد ما رجعت انا واهلي من السوق, طلبت منه يعطيني اسمه بالكامل وقدامه وتم يصارخ فيني قلت له بتشوف دواك مع الادارة مو هنيه.. ولما رحت الادارة قالوا بنعاقبه بس ماشي منه الحالة بعدها هي هي..

يعني على ويش وعلى ويش بنسكت؟؟

الرحيل لك احترامي على متابعتك للموضوع ... وعلى ردودك الطيبة ....

بس انا الي انا اقصده ان توصل السالفه لرئيس الجامعه ......... مو بس الهيئات التدريسيه ......... وصدقوني رئيس الجامعه ما بيقصر وانا متأكده (عن تجربه) بس ما يروح له واحد او اثنين المسألة تحتاج ترابط ومو بس هذي كل الظلم الي صاير بالجامعه

من هالناحية معك حق اختي العزيزة وهج الاحساس

السالفة يبيلها ترابط قوي وزيارة لمكتب رئيس الجامعة بس الطلبة يتخوفون لا تفشل السالفة وترد على اعقابهم في الدرجات من قبل المدرسين او الجهات الادارية اذا قدموا شكوى.. كل واحد اساله او كل وحدة اسالها يرد علي ( مافيني بارض حق مشاكل واحسن نسكت ونشوف اخرتها) طيب ليش ؟؟

بالنسبة لرئيس الجامعة هو ما بيقصر بس سمعت والله اعلم انه في سالفة تحيز حتى في مكتب رئيس الجامعة.. يعني طالب يروح يشتكي يعطوه وعود بس-- اما اذا راحت طالبة على العين والراس

الله يعينكم.....

الله يعين الجميع

شكلي الصيف القادم راح اخذ صيفي وراح اتعمد اتاخر هذا الفصل-- اريد اشوف لوين بتوصل معاهم هذولا في العمادة ويا انا ويا هم

لا تجازف ........... تراهم ما يرتاحوو غير لما يذلوا الواحد

معاك حق اختي وهج بس انا متأخر متأخر اصلا بكم ساعة والفصل الصيفي جاي على الطريق الظاهر
عاد الحين في هالسنة بروح اتلقى التوبيخ والعتاب كالعادة من الكوردينيتور مالي عشان موضوع تأخري-- الله يغربل بليسها يارب-- اقولك بسوي فيها اطرشاطرش واخليها تعق الكلام اوانا ساكت وبعدين اطلع من مكتبها كالعادة خخخخخخخخ

أعرفك رحيلووووه ....
ما تيوز عن سوالفك ...


طنشها أحسن لك ..

خخخخخخخخخخخخخخخخ

ترا هذا اللي ناوي اسويه لاني اكتشفت انه ماكو فايدة من عوار الراس والنقاش السلبي
خخخخخخخخخخخخخخخخخخخخ

جاينك يالقورديناتور خخخخخخخخخخخخخخخخ ههههههههههاي

ههههههههه


شد حيلك لا يغلبك ....

قصدك لاتغلبك لانها انثى يالدب وفي ريعان الشباب هههههههههههاي

خلاص اطلقت عليها لقب جديد( القرد نيتور ) هههههههههههههه
قوية شكلي بنطرد من الجامعة قريبا

القرد نيتور ؟؟؟؟

خخخخخخخخخخخ

حاول تتعبها من الأسئلة والمراجعات ...

لو إنه ما منك فايدة
هههههههههههههههههه

من هو اللي يتعبها؟؟ اصلا انا بالسيف ادله مكتبها ولا احيده وين داير الا من اسال الموظفين في الديبارتمنت هههههههههههههههه

صحيح مامني فايدة بس مطفر بهم واااااااااااااااااااااااااااااااااااااي ههههه

رجعنا مرة ثانية لسوالف الصيفي في الجامعة

سمعت اشاعة مدري صج ولا لا..

اونة يقولوا انه مافي صيفي لكافة طلاب وطالبات الجامعة هالسنة يعني الصيفي القادم فشنك في فشنك لانه الجامعة تريد تسوي اصلاحات وغيره

والله اعلم

اذا صج الكلام بنتورط من الخاطر

غريبــــــــــــــــــــــــــــه!!! عسى تكون إشاعه وبس ولا بجد بنتورط

الله يستر شباب ,,, بصراحة إذا صحيح في طلبة كثيرين بيتورطوا والله يعينكم ,,,

صح كلامكم نتورط
لكن حلو تكون اجازة طووووووويلة
بالتوفيق للجميع

بس يا درة الإيمان ما بتنفع الإجازو إذا كان السالفة فيها تأخير مواد بدون فايدة ..... عالعموم نتمنى تكون إشاعة مثل ما يقول الرحيل الساحر ,,,,,

ياااااااااااااااااااااااااارب تكون اشاعة ولا رحنا فيها خرطي-- خصوصا انا محتاج صيفي هههههههه وبشدة

طمنا أول بأول صديقي ,,,,, وإن شاء الله أمورك بتكون في السليم ,,,,