http://utenti.lycos.it/aser1424/up/up/Untitled-2.psd.gif

هلا وغلا بكل من أطل علينا ونور الموضوع بمشاركته وحضوره الراقي ..يا هلا ومرحب …
الموضوع عبارة عن مواقف صارت لأعضاء المنتدى خلال مسيرة حياتهم ومازالت على ذاكرتهم …مواقف ظريفة مضحكة محرجة جميلة لطيفة حلوة …هذه المواقف راح تكون حصرية على منتديات حصن عمان ….المطلوب من كل عضو يدش الموضوع يكتب لنا موقف صادفه في حياته ….
لتسهيل الامر وعلشان ماحد يقول والله ما اتذكر …راح أسهل لكم الموضوع ..
على سبيل المثال ..موقف صارلك بالمدرسة .كرمت أثناء الطابور ولما رحت تستلم الهدية تعرقلت بنص الطريق قدام الطلبة وصار وجهك يتلئلئ بألوان الطيف من شدة الاحراج …
مثال أخر …كنت مسافر خارج السلطنة وصادفت عصابة سرقوك وخلوك مصفر ولا بيسة في جيبك لا أكل ولا فندق ولا حاجة أبد ..حتى لغة هذيك الدولة ماتعرفها ….
مثال غيره ..كنت رايح الدوام عندك اجتماع مهم ..متأخر وعلى عجلة من أمرك خايف عن يخصمولك معاشك …وقفت عليك السيارة قبل لا توصل الدوام …اضطريت تفحصها بنفسك ..فتسبحت دشداشتك بالايل ..لووووول لاتوجد أخرى بديلة !!!!
وهكذا …أتمنى يكون في تفاعل وحماس بالموضوع ..علشان نقدر نضحك ونستانس مع بعض بصورة حلوة ..




أختكم
زهور الماضي
لا للمنقول

طيب بما اني طرحت الموضوع فراح أبدء أنا

مرة كان عندنا امتحان بالصف عبارة عن فقرة أو فقرة وعليها كم سؤال حلوين !!
المهم كنت جالسة أحل الاسئلة ووصلت عند أخر سؤال كان سؤال اختاري الاجابة الصحيحة !!!
متى ولد الكاتب ...
الاجابة الي أنا اخترتها كانت ( أ ) بعد وفاة والده
زميلتي تقولي زهور اجابتك غلط اختاري الاجابة الثانية قبل وفاة والده ..
وصار بيني وبينها جدال أثناء الامتحان أنا اقول بعد وهي تقول قبل وكل وحدة فينا تعطي أدلتها !!!
المدرسة لاحظت وجود نقاش ساخن في أخر الصف لما عرفت السالفة الي بينا وسبب الجدال ..ضحكت من قلبها !!
قالت انتو الحين في امتحان مايصير تتناقشوا
لكن الاجابة الصحيحة هي الاختيار الثالث ( لم يذكر بالنص )


نكسر الخاطر صح؟؟؟؟
بس الحمد لله ماحاسبونا على الجدال

ههههههههه
زين ما رحتوا فيها.... معلمتكم طيبه

عاد ما امتحان تناقشي بعد زين ما قمتي صفعتيها خخخ...بس حلوه منك :)


مره في الجامعه جالسه امشي وانا وربيعتي .. وكان عند الممر في اشجار وفي ماي وطين جت قالت لي خلا نقحم نروح صوب ثاني تو هي الدهجه جايه تقحم وسكعت رجولها في الطيييييين وتلعوزت الحرمه وصارت حالتها حاااااااااااله وانا ما توقفت عن الضحك لانها كانت تقول هأأأأأ كيف انا امشي كذاك في الجامعه فضيحه والمهم قلت لها خلا الحمام غسليها ولين ما وصلنا الحمام وااااايد بنات يعلقن عليها ...غسلتها الحرمه والمهم عاد انا ما قصرت جلست اصور رجولها وخطوات كيف تغسلها ... وكل ما اشوفها اذكرها بها الموقف ...ولا تو مو وازنها تقحم ....حركات صراحه جنونيه...
بس بصراحه فاااااااااتكم شكل النعال وكلها طين والشعب كله يطالعها وانا ميته من الضحك ...

هلا والله بفتاة صحم منورة أختي بإطلالتك الحلوة !!!
الحمد لله جات على خير !!
ان شاء الله يكون حضورك القادم بموقف حلو !!!


هلا بنظر عيني !!
مشكورة أختي على التواجد الحلو !!
موقف حلو ...ولا بعد تضحكي عليها مسيكنة !!
على الاقل لو تخيلتي نفسك مكانها يمكنة غيرتي رايك ما صورتي !!

مرة لما كنت ثالث اعدادي اتفقت مع بنات الصف نسوي حفلة ونجيب أكل من البيت ..لانها أخر سنة لنا في ذيك المدرسة ..رحنا الادارة أوين نستأذن (مثاليين) لكنهم ما وافقوا ...لكن نوبة نحن عطينهم الاذن الصمة !!!! قلنا بنجيب الاكل ونروح نسوي الحفلة في الملعب ورا المدرسة ..ماحد بيلاحظ!!!

البنات كانن مترددات ..لكن أوين أنا القائدة أقولهن عادي عادي بناكل ونستانس وماحد بيشوفنا ..تراه يوم واحد بالعمر !!!
يوم حان الوقت صفينا الاكل (طبعا أشهى وألذ المأكولات) وجلسنا نسولف نضحك ونصور صور تذكارية وبصراحة استوت ربشة عودة !!!
وحدة من المرشدات العمانيات الحاسدات راحت تبلغ !!!!
عاد نحن ما وعينا الا والادارة فوق راسنا ....لووووووووووول مفاجأة
بعض البنات تيبسن مكانهن من الخوف !!!
والبعض قام يبكي !!!
أنا وشلتي خذيناها شردة ..بو يشوفنا يقول سباق جري !!!

مسكونا في اليوم الثاني وعطونا تعهد بسبب مخالفة القوانين
..والله بو يسمع يقال قاتلين حد !!

موضــوع حمـــاسي

بس تو المخ متسكـر _^ ((ح ـياتي كــلها مقالب وفضايح خخخ ))

من أتذكر مـوقف ولا يهمكـ بنشخبطة هنــا ع ـشان تضحكوا _^ هيه

شكرا زهور موضوع رائع بصراحة أحب المواقف المضحكة

بصراحة عندي مواقف بس ما أحب أضحك على نفسي بس بقولكم موقف
هههههههههههههه

لما كنت في المرحلة الأعدادية كنا أثناء الطابور فمديرة المدرسة كانت عصبية وبنخاف منها

فكان نشيد السلام السلطاني وكنت أستكاود أقول النشيد في الطابور وكان الطالبات يرددن النشيد

وأنا ساكته بس اتفرج ومادريت غير المديرة واقفه جنبي ومادريت غير وأنا ازعق معاهم حتى

ماعرفت اش أقول هههههه والله حاله.

هههههههههههه

اوكي انا بخبركم عن موقف محرج مو يضحك ( اللي يضحك بضربه بالخيزرانه عند الرقم 5) اتفقنا..:)
العام الماضي كنت مشتركه بجماعه الرحلات انزين ..وكنا رايحين مصنع الصابون بالصناعيه في صحار ونحن وراجعين قررت معلمتنا نمر المحلات الجديده نشترى شوي اكل ( جوعانين لاه) ...انزين لما بغيت انزل من الباص ما اشوف نفسي الا وطايحه تحت في الشارع ( كله بسبب الجوتي ) ومو بس كذي مشيت والبنطلون متوسخ بالقار تبع الشارع ههههه وضحكن عليي البنات وانا من الفشله ضحكت على نفسي لوووووووووووول :fruits_cherry:

هلا والله بأخواتي الغاليات ...
ماشاء الله وجود متميز ...
الملاك الغريب ..بانتظار مواقفك ومقالبك الحلوة ..لاتتأخري علينا
شذر الفيحاء ...موقف محرج والله... بس تستاهلي ..
فتاة صحم ..خخخخخخخخ لا تخافي مابضحك ههههههه بس شوية

أستاهل يا زهوووووووووور مشكوره

عندي موقف ثاني وما بخبرك خلاص:S_004:

أستاهل يا زهوووووووووور مشكوره

عندي موقف ثاني وما بخبرك خلاص:S_004:

غبنا البنت زعلت ..:shutup:
وابوي الشمية ..لاتزعلي :sadwalk:

(وابوي كما موه اراضيها تو مو أقول مو أعدل :crazy: )





هيه صح ..هاعة هاعة

لا لا ..أختي انتِ فاهمة المسألة خطأ (حاولي حلها من جديد (س أس سبعة)) :S_004:

يعني أنا اقصد ..انه أنه أنه هو يعني ..وابوي تغرزت :crazy:
هين عاد تو نحن ..:idiot_alam:
هيوا صح ..

خلاص خلاص صبري شوية سمعيني ..:essen:

يعني نحن يوم تصير لنا نفس الحركة الى صارت لش ..
يعطونا محاضرة طويلة عريضة (ماشي ثياب قياسها خخ)
عن الوطنية وحب الوطن وأهمية النشيد السلطاني ..:S_022:
وانتي تستاهلي انهم مايعاقبوش ..انا كذا اقصد :thumbsup:

ياليت تكوني فهمتيني ترى الدنيا ماتسوى يا خويتي !!:idiot_alam:


يالله عاد بانتظار مواقفك الحلوة ...لاتحرمينا يالطيبة :thumbup1:

مواقف حلوووه .. بصراحه انا اقراها وميته من الضحك

وتذكرة موقف صارلي في عرس اختي . كنت انا وأختي الثانية طالعين نبحث عن محل لتسجيل الاغاني وحذف الموسيقى الي فيها... المهم وصلنا للمحل بس كان المحل جنبه محل حلويات .. وطلبت أختي مني انزل اسأل صاحب المحل اذا ممكن يسجلوا لنا أو لا ؟؟ ..المسكينة انا نزلت وبلاشعور توجهة لمحل الحلويات وفتحت الباب ولما دخلت بطلت عيني وأختي تضرب الهرن - بي بي بي .. الخ - وصاحب المحل مستغرب .. كل هذا صار في وقت واحد .. شو تتوقعوا ردت فعلي .. طلعت وانا ميته ضحك على نفسي . وطبعا ما قدرت ادخل المحل الثاني..

مواقف حلوووه .. بصراحه انا اقراها وميته من الضحك

وتذكرة موقف صارلي في عرس اختي . كنت انا وأختي الثانية طالعين نبحث عن محل لتسجيل الاغاني وحذف الموسيقى الي فيها... المهم وصلنا للمحل بس كان المحل جنبه محل حلويات .. وطلبت أختي مني انزل اسأل صاحب المحل اذا ممكن يسجلوا لنا أو لا ؟؟ ..المسكينة انا نزلت وبلاشعور توجهة لمحل الحلويات وفتحت الباب ولما دخلت بطلت عيني وأختي تضرب الهرن - بي بي بي .. الخ - وصاحب المحل مستغرب .. كل هذا صار في وقت واحد .. شو تتوقعوا ردت فعلي .. طلعت وانا ميته ضحك على نفسي . وطبعا ما قدرت ادخل المحل الثاني..


هههههههه
هذا كله بسبب الحلاوة ،، ما قدرتي تقاومي يا الدبه :S_004:
لووووووول

هههههههههههههههه

من المواقف المحرجة الي يوم صارت

اليوم كان عندنا امتحان فيزياء
طبعا انا مامذاكرة كما العالم بعكس ربيعتي زهور الماضي هايسة الكتاب زين زين
المهم الامتحان كان كله أسئلة اختياري حتى المسائل مسويات على نمط اختاري
يوم جيت الابلة توزع الاوراق قمت أنا حليته في ثلاث دقايق لان حل الاجابات كان عندي من قبل

بس والله عيني دمعت يوم أشوف زهور الماضي تهيس مبيول ذيك الاله من قانون حال قانون :sadwalk:

وحدة من بنات الصف كانت باغية أله حاسبة ،،مسكينة الابلة جات عندي تحسبني خلصت مستعملة ألتي
ولكنها وللأسف لم تجد لدي أله ..يالا الهول:nono:

تقولي شقفه كيف حليتي بدون أله ××× قلتلها يا تصيب ياتخيب ،،،العباقرة لايحتاجون الالات انما العقول وماتفعله ...الهامي يرشدني الى طريقي ..:)

في النهاية طلعت بعض الاسئلة مغيرات اجاباتهن مانفس بو عندي :shutup:
بس ها أغلبيتهن صح ،،
لكن زهوررره بو تهيس ضربتهن الخمس << زين ماقمت أغششها
بعدها جلست تضحك علي تقولي فرق بين بو يذاكر وبو يلعب :S_004:

مواقف حلوووه .. بصراحه انا اقراها وميته من الضحك

وتذكرة موقف صارلي في عرس اختي . كنت انا وأختي الثانية طالعين نبحث عن محل لتسجيل الاغاني وحذف الموسيقى الي فيها... المهم وصلنا للمحل بس كان المحل جنبه محل حلويات .. وطلبت أختي مني انزل اسأل صاحب المحل اذا ممكن يسجلوا لنا أو لا ؟؟ ..المسكينة انا نزلت وبلاشعور توجهة لمحل الحلويات وفتحت الباب ولما دخلت بطلت عيني وأختي تضرب الهرن - بي بي بي .. الخ - وصاحب المحل مستغرب .. كل هذا صار في وقت واحد .. شو تتوقعوا ردت فعلي .. طلعت وانا ميته ضحك على نفسي . وطبعا ما قدرت ادخل المحل الثاني..

هههههههههههههه
للحلويات سحر خاص
أهم شي
كيف كان العرس؟؟

هههههههههههههههه

واجد يضحكش

من المواقف المحرجة الي يوم صارت

اليوم كان عندنا امتحان فيزياء

سبحان الله ماحد سألش :S_022:

طبعا انا مامذاكرة كما العالم بعكس ربيعتي زهور الماضي هايسة الكتاب زين زين
كالعادة ماتتغيري صاحب الطبع مو نقول عنه
المهم الامتحان كان كله أسئلة اختياري حتى المسائل مسويات على نمط اختاري
علشان تشغلي مخش يا حلوة :essen:
يوم جيت الابلة توزع الاوراق قمت أنا حليته في ثلاث دقايق لان حل الاجابات كان عندي من قبل
هيوا تراش حرامية ..شايفتنش قبل الامتحان وكشختش شبرين

بس والله عيني دمعت يوم أشوف زهور الماضي تهيس مبيول ذيك الاله من قانون حال قانون :sadwalk:

الحمد لله والشكر أحسن من غيري

وحدة من بنات الصف كانت باغية أله حاسبة ،،مسكينة الابلة جات عندي تحسبني خلصت مستعملة ألتي

خخخخ انتي في حياتش مااستخدمتي أله ..دايمة تتسلفي مالي
ولكنها وللأسف لم تجد لدي أله ..يالا الهول:nono:
أحلى هنا العربية مانروم

تقولي شقفه كيف حليتي بدون أله ××× قلتلها يا تصيب ياتخيب ،،،العباقرة لايحتاجون الالات انما العقول وماتفعله ...الهامي يرشدني الى طريقي ..:)

مو عاد شكلش مايضحك وانتي تردي عليها ..أيقال زلازل ...متربكة البنية من الرهبة ..لكن دواتش علشان ماتعيدها

في النهاية طلعت بعض الاسئلة مغيرات اجاباتهن مانفس بو عندي :shutup:
أدب حلش وياليتش تتوبي
بس ها أغلبيتهن صح ،،
لكن زهوررره بو تهيس ضربتهن الخمس << زين ماقمت أغششها
مامحتاجة حبيبتي ..أنا ضربت الخمس وانتي ضربتي الاربع ..لكن أبع من خمسة واجد زين حال وحدة مامذاكرة ولا انتي مو تقولي
بعدها جلست تضحك علي تقولي فرق بين بو يذاكر وبو يلعب :S_004:

لازم أضحك عليش ومن يوم يفوت ذيك اللحظة


أقول دووووبة لاترجعي هنا مرة ثانية مانبغى نقرا سوالفش
ترى مامن حلاتهن الا كما وجهش

ايه دووووبه
كيف حالش ؟

غبنا البنت زعلت ..:shutup:
وابوي الشمية ..لاتزعلي :sadwalk:

(وابوي كما موه اراضيها تو مو أقول مو أعدل :crazy: )





هيه صح ..هاعة هاعة

لا لا ..أختي انتِ فاهمة المسألة خطأ (حاولي حلها من جديد (س أس سبعة)) :S_004:

يعني أنا اقصد ..انه أنه أنه هو يعني ..وابوي تغرزت :crazy:
هين عاد تو نحن ..:idiot_alam:
هيوا صح ..

خلاص خلاص صبري شوية سمعيني ..:essen:

يعني نحن يوم تصير لنا نفس الحركة الى صارت لش ..
يعطونا محاضرة طويلة عريضة (ماشي ثياب قياسها خخ)
عن الوطنية وحب الوطن وأهمية النشيد السلطاني ..:S_022:
وانتي تستاهلي انهم مايعاقبوش ..انا كذا اقصد :thumbsup:

ياليت تكوني فهمتيني ترى الدنيا ماتسوى يا خويتي !!:idiot_alam:


يالله عاد بانتظار مواقفك الحلوة ...لاتحرمينا يالطيبة :thumbup1:

انزين سماح هالمرة:S_004:

تعالي بخبرك موقف بس بعيد عن الدراسة عاد لما كبرنا

هههههه

ياطويلة العمر كنت مسويه جمعية وكان هذاك الشهر حالي وأنا ما مصدقه نفسي

قلت بروح أجيبها أنا عن ما اواحي ما أتصلت برئيسة الجمعية قلت على طريقي بالمرة

وأنا عند البيت لأبسه نعال لونها أسود قلت لالا بغيرها بايه اتفشر بنعال الثانية ولونها رصاصي

بس مانزلت النعال الأسود بس خبرت أختي تجيب الثانية ورحت اجيب الجمعية منتزقة:S_004:

المهم وصلنا ونزلت ولبست نعال بسرعة بسرعة وما شفت عليها وضربت الجرس

وطلع رجال زوج الحرمة وقلت موجودة فلانة قال لا ويشوف منزل رأسه فقلت شكرا" سلم عليها

وأنا طالعة عند الباب الرئيسي غير أشوف أخواتي يضحكن كثير ههههههههه

وقفت مكاني أشوف عليهم وهم يضحكوا ويأشروا على رجولي ولما شفت نعال وحدة رصاصي والثانية

أسود وماضحكت على نفسي ونفس الوقت أستحيت

ههههههههههههههههه

وعقبالك يازهور ماتسويها

ههههههههههههه

هههههههههههههههه
ومالازم تقولي عقبالك يا زهور الماضي

أخبركم سر لاه لكنه شوية فضيحة

هذي دووووبه هذيك اليوم جايه بيتنا ونسيانه تلبس وطية
يوم شفتها جلست أضحك عليها قلتلها هين وطيتش
ومسكينة هذيك السيعة انتبهت انها مالابسة

عاد يوم بغت ترجع عطيتها الوطية الزنوبة علشان ماترجع حافيه

هههههههههههههههه
ومالازم تقولي عقبالك يا زهور الماضي

أخبركم سر لاه لكنه شوية فضيحة

هذي دووووبه هذيك اليوم جايه بيتنا ونسيانه تلبس وطية
يوم شفتها جلست أضحك عليها قلتلها هين وطيتش
ومسكينة هذيك السيعة انتبهت انها مالابسة

عاد يوم بغت ترجع عطيتها الوطية الزنوبة علشان ماترجع حافيه

ههههههههههه

الله يازهووووووور هذي سوالفك حتى نعال تنسيها

أحسن زنووبه عن ماشئ

شكرا شقفه ع سر

هههههههههههههه
للحلويات سحر خاص
أهم شي
كيف كان العرس؟؟


أكيد فيه أحد يقدر يقاوم الحلويات ..!!

كان حلو .. من زمااان .. والحين عندها عيال ,,, وصرت خاله :)

ههههههههههههههه

ماشاء الله تفاعل جميل منكن اخواتي
مواقف حلوة وظريفة


بس ماتلاحظن أن ولا عضو لحد الحين شاركنا؟؟؟
كل الي شارك عضوات بس؟؟

من تو غاااااااااااااااااااااااااادي

شي سالفة مستوية حالنا أنا وشقفه يوم كنا أول ثانوي

انا ترى ماكنت أحب الدراسة ذاك الزود وخاصة يوم أتذكر اني لازم انهض من الفجر عسب اروح المدرسة ...المهم كنت دايما أغيب يوم الاربعاء عن المدرسة وأضربها اجازة في كل اسبوع ثلاثة ايام ...
تعرفوا مو كنت أسوي ؟؟؟
كنت أنهض مال السيعة تسعة أو تسعة ونص وأسير المركز الصحي بو حيتنا أتعير عليهم أونة مريضة ...علين يعطوني اجازة مرضية ...وبعدين ارجع البيت وأدقها نومة على كيف كيفي ...هذيك الايام كنت واجد شاطرة في تمثيل ..حتى بنات الصف يلقبني أمينة جميل اذا تعرفنها خخخخ عاد تو اعتزلنا الفن

المهم شقفه كانت دايما تغار مني أوين ليش أنا أغيب كل اربعاء وهي مشتقية تداوم ؟؟؟ ومرات تقول أوين الصف ماحلو من دوني وكل مرة تقول عذر ..في النهاية طلعت الانسة باتني اشلها بيولي كل اربعاء حال المركز الصحي ..نغيب مع بعض ونتعير مع بعض حال الدخاتره بو هناك ...

جلست تحن وتحن وتحن وتحن فوق راسي علين وافقت وطبعا هناك كانن شروط ..من ضمنهن انها ماتضحك وتفضحنا ..وتسمع كل الكلام بو أقوله حلها ..هي على طول وافقت ماصدقت عمرها ...





يتبـــــــــــع ،،

ههههههههههههاي

مواقف حلوووه

ننتظر الباقي زهور علشان نضحك هع هع

ولا عاد سالفتي انا عاد ما سالفه ،، مرررره تضحك ،، صارت لي في المنتدى ،،خخخ ،، زهورة الدبة تعرفها وصمتوووه البطة الوردية تعرفها :s_004: بخبركم بعدين

نكمل السالفة ..هي طويلة واجد بس أنا اختصرتها لان فيها واجد فضايح


انزين بعدة عدة أيام جا يوم الاربعاء ونحن على نفس الاتفاق ..الصبح قلت حال شقفة يااما تدخلي السنتر قبلي وانا الحقش أو العكس علشان ماحد يشك نخليها كأنها صدفة ..هي في البداية كانت مطيعة مرة ...:thumbup1:
دخلت عند هذاك مال الاستقبال والملفات مااعرف موه يسموه ...هي دخلت وراي على طول ..المصيبة اني دايما أروح بدون كرت أصلا انا مامسوية :crazy: ..المهم هو كان دايما يقول أخر مرة أدخلك بدون بطاقة ومرة ثانية جيبي معاش صورة علشان نسويلك بطاقة بطاقة جديدة وانا أقول انزين أن شاء الله المرة الجاية ..الشي الي فاجئني انه شفقة نفس حالتي ماعندها بطاقة ..واستوت المنازعة :S_022: :S_022: هنالك ..هو معصب يقول روحن جيبن صور ودفعن ريال وميتين ...لكن من ؟ ...ومهم في النهاية مسكين دخلنا ...

عطونا رقمين وجلسنا ننتظر الدور ..لان الشخص بو يسويلي واسطة ماكان مداوم ..
يوم جا دوري قالت شقفه أنا ادخل معش ترى دوري بعد دورك ..قلتلها انزين خلا ....:idiot_alam:

تخليوو من طلع الدكتور ؟؟؟؟؟

هههههههه كانت نفس الدكتورة الهندية الي معالجتني في الاسبوع الي قبله ..هي تتذكرني وحافظة شكلي ...عاد السالفة الحلوة استوت أن لما تسألني سؤال واجاوبها ..تقول شقفه مي تو ..وعلى كل شي تقول مي تو ..أوين هي كماي في كل شي :thumbup1: :thumbup1: ...عجب من يصدق أن عندنا نفس المرض :schmoll: ؟؟؟ ولا المصيبة العودة انها تضحك كل ساعة مارامت تضبط عمرها ..أخر شي شقفه حال حال الدكتورة (الشيمة كان فيش شيمة عطينا ذيك الورقة وخلينا نروح ننطبج) :shutup: :shutup:
الدكتورة كانت تعرف عربي شوية شوية ..قالتلها ..انته بنيه مافي زين ورقة ورقة ورقة ..انته مافي مريض ...انته مايرد يروح مدرسة ..انا اعطي انته ورقة أخر مرة ....مرة ثانية مافي يجي هنيه زين ...:S_022:
قالت شقفة زين زين حبوه ...عطينه هنيتين وحدة حلي ووحدة حال هذي ...:essen:

خذينا الاوراق وكيس الادول ورجعنا البيت ..بس حلفت بعدها مااشل شقفة معاي مرة ثانية ..داهية فضحتنا ...

يالله بنات هين مواقفكن ترى أنا غاسلة يديني من الشباب ماحد علين تو دخل

انا بخبركم سويته في بنت معايي في السكن

اللي معايي في الغرفة

هي عندها نورس

وانا عندي حياك

هي طلعت تراني كل يوم مطفشتبها البنت

مامخلتنها على حالها
هي خلت تلفونها وطلعت قلت انا بروح اغير
اسمي في تلفونها الى عمان موبايل
المهم غيرت
دخلت البنت وانا رسلت لها
لقد ربحت بسيارة من عمان موبايل
وطبعا المرسل يكون عمان موبايل اللي هي نورنور
وهي ماتشوفوها كيف ماتت من الفرحة
وعادت تخطط شو تسوي بالسيارة؟؟ وكيف تخبر ابوها؟؟
وكذا؟؟ وانا طحت تحت من الضحك عليها
وهي تصيح وفرحانه من الفرحة
والغبية هي نورس وانا ضاحكة عليها
وعاد قبل عن تخبر ابوها
انا قلت مازين هي تروح تخبره وهو ماشي منه
وعاد لما خبرتها
فاش الضرب فيني والركض عند نورنور ماولد حد
ههههههههههههههههههههه
وعاد انا وايد اسوي لها مقالب

بخبركم بعدين

وفقتم

هههههههههه

عاد ما مقلب
المسكينه راحت فيها
تستاهلي الضرب هههههههههههه

وعاد نتظر مقلبك الثانيه

أحم أحم ....بشاؤك وياكم الحين اشووف محد يشارك من الشباب معرف لية مستحين ..

المهم هذه سالفة صارة قبل سنة كنا نغشش واحد يدرس دراسة حره ... وكان وياه امتحان رياضيات

طبعا هذا الشخص مايعرف المصفوفة وغيرها .... ونحن جالسين نغششة بالرسائل والاتصالات
وفي مسئلة كبيره قلت انا وصاحبي مايخلص نطرشها بمسج.. قلنا راح نتصل ... واتصلنا في صديقنا

ونقولة اعمل قوس وهوه ماقصر كتب قوس بالورقة وقلنا لة 1 + 8 ن سكر القوس

هوه كذا كتب في ورقة الامتحان

أفتح قوس واحد زايد ثمانية نون اسكر القوس

والغم انة راح يغشش الشياب الي هناك بالقاعة ....والكل نقل نفس الاجابة ....

وطلع فرحان بانة حل الاجابة وقال كيف حل وحصلنا واحد من نفس القاعة يضحك علية يقوولة شو هذيك المسئلة ... قالة شوفيها قالة ....لازم تعمل حركات موب تكتبهم ....ههههههههههههه

تخيلو كاتب قوس بدل مايسوي (

هههههههههههههههههههههههههههههههههههههههههههههههههه ههههههههههههههههههههههه


وبعدين انا جلست اشووف فوووق راسة تعرفو شو حصلت ؟؟؟







































































































سمهم يأشر على راسة مكتوب علية

































































انت غبي غبي غبي




























ههههههه ولي رجعة لكم

وان شاء الله تعجبكم قصة هذا صاحب

هههههههههههه
المسكين ...


ههههههههه

نتظر جديدك سلطانوووه

نور نور
مقلب حلو ..بجرب اروح اسويه

عليش حركان صراحة تضحك ..
مشكورة على المشاركة وبانتظار سوالفك الثانية





سلطانووه الدلوع ..
مساكين مال الدراسة الحرة ...
ههههههههههههه أوين راح يكتب قوس
ههههههههههههه مسكين والله يمكن يعتبروها صح


بانظار عودتك اخوي

المعلم قصير شو ذنب الطلاب؟؟؟؟


هذا عنوان قصة اليوم .... كح كح كان يامكان في مدرسة .... تعليم الاساسي بنين

وحدثت هذه القصة لنا ونحن بالصف ألاول ثانووي ...يعني قبل 3 سنوات :)

معنا معلم قصير يعني ماقصير كثير بس نحن عمالقة اطول منه ....المهم هذا المعلم يعلم رياضيات

والله يجيزة كل خير ويوفقة دنيا واخره ....وتبدا القصة جبو معاكم ديو وجالكسي عشان القصة تبدا

شو نحن بسنما او بالمنتدى <<<كح كح>>> ونبدا القصة

جاء المدير يقوول لنا في طالب جديد بيدرس وياكم وياويلكم تخلونة يعصب او يجي يشتكي منكم هذا ضيف معاكم ...ونحن نقوولة على العين وعلى راس وانت امر بس هذ ضيفنا وراح نكرمة ....

ومن هذا الكلام ....وبدأت الحصة الاولى وماجاء الطالب الجديد وجات الحصة الثانية ونفس الشي ماجاء.... الطالب وقلنا هذا اول يوم لة وبدا يغيب عيل هذا بندخلة شلتنا .....وجات الحصة الثالثة

وطبعا نحن مانعرف شكل الطالب الجديد ونشووف واحد قصير دخل الصف وعبالنا الطالب الجديد

ورحنا نركض لة ونسلم علية ونقولة اخبارك وانت من وين واولها غياب ونضربة على اساس المزاح

وومانشووف غير هذا الطالب معصب ويشوف علينا بس خايف منا نحن اكثر منه وكلنا نضحك علية ونمزح وياه وهوه ساكت...ونقوول غريبة يقولو بيجينا معلم رياضيات جديد وبعده الى الحين ماجاء..

خلنيا نعمل جلسة اليوم ونرحب بضيفنا ...ومسكين طالب الجديد ماقدر يتكلم كل واحد يسئلة مليون سؤال...ونحن بالخلف ندق ونغني...والي يرقص ومامصدقين انا بحصة فاضية ..وراحت نص الحصة

وطالب الجديد ماتكلم ولا شي ....ونسحبة معنا نقوولة تعال غني وارقص هذا اول يوم لك ويانا

وبعدها صرخ الطالب الجديد وكانه باقي شوي ويصيح يقووووووووووول








انا استاذ الرياضيات الجديد ...انا استاذ الرياضيات الجديد....انا استاذ الرياضيات الجديد



ونحن انصدمنا نقوول هذا استاذ اقصر منا ونحن نقول هذا الطالب الجديد والاستاذ من العصبية راح يخبر المدير علينا وجاء المدير يقوول شوفيكم على الاستاذ الجديد من اولها مسخره علية

نحن نقوول شو ذنبنا اذا الاستاذ قصير وماخبرنا من البداية انه معلم رياضيات الجديد ....

ومسكين المعلم زعل وراح بيتهم هذاك اليوم ....ونحن بعدنا مستغربين ...

وجاء اليوم الثاني ونحن جالين قدام الصف ننتظر المعلم نبي نعتذر عنة وتعرفو زحمة بين الحصحص

نص طلاب يطلعون برا ...ونحن جالسين ننتظر ونقوول وين هذا اليوم لايزعل علينا ومايجي المدرسة

ومانشووف الباب صف انغلق وكان بالصف 5 طلاب بس جالسين داخل الصف والباقين برا نخمس ونشرب ماي وفوضة ...

وجينا نشووف من سكر الباب نشووف الاستاذ الجديد يقوول روحو جيبو وروقة من المدير عشان ندخل


ونحن استغربنا كيف دخل هذا ومن وين جاء ماشفناه ....طلع هوه جاي من بينا هوه اقصر منا
وماشفناه من زحمة ومسكين جلس يعاني كذا اول اسبوع ماننتبه لة ...وكل الطلاب اذا يشووفونة يفكرونة طالب جديد ويقفو يسئلونة من وين انت ويقولهم انه معلم ويهربون عنه .....

وبعد كذا قلنا عاد ماصارت كذا نحن بروح نعتذر لة ورحنا لة ومسكين كان عنده حصة احتياط بصفوف اول اعدادي ...

ورحنا ندور كل صفوف ماحصلناه وبالاخر حصلناه جالس في طاولت طالب ماداوم اليوم ...وهوه جالس مكانة ....


وبالاخر رحنا علمنا لة جائزة ودرع وساعة وقدمناها لة بالطابور قدام الطلاب وبكذا فرح ونسى كل شي

وبكذا انتهت قصة المعلم القصير وبعد ماعرفناه .....جلنا نمزح وياه وهوه يساعدنا كثير بالدرجات

وصرنا اصحاب ونطلع مرات مع بعض لان هوه مايعرف الوادي الكبير كثير .. وانتظر رائيكم علي

القصة ...بجد يوم اتذكر الموقف نجلس نضحك علية ..بس بجد مو منا نحن شودرانا فيه كح كح

هههههههه
قصص رائعة سلطانوووووووه

يحليله والله مايستاهل بس الطلبة دووووووم عفاريت

والله يعافيك سلطانووووووه

شكرا اختي شذر على المرور ... مسكين المعلم فديتة والله بس شو ذنبنا؟؟

اخوي سلطانووووووووة
صج إنك مشاكس حرام عليكم ولا هذي سالفة تسووها بالاستاذ
كسر خاطري استاذكم وهو ساكت وصابر لا يهش ولا ينش
تسلم وننتظر المزيد من ذكريات ايام الدراسة والمشاغبة

بالتوفيق دائما
أختك : دلع

هلا اختي دلع شو ذنبنا دام هوه قصير وما تكلم من البداية؟؟؟

والجديد قريبا ....

سلطانووووه انت المفروض تسمي نفسك
سلطانووو المشاغب مب الدلووووع
خخخخخخخخخخخخخخخخ

هههههههههههههههههه
سلطااااانوووه عاد ماسالفة صراحة ...
عمالقة وعليكم سوالف حماسية ....

الحمد لله انه مااستقال ...ولا انتوا من يقدر يستحملكم؟؟



تواصل معنا بجديدك دائما

هههههههههههههههههه
سلطااااانوووه عاد ماسالفة صراحة ...
عمالقة وعليكم سوالف حماسية ....

الحمد لله انه مااستقال ...ولا انتوا من يقدر يستحملكم؟؟



تواصل معنا بجديدك دائما

ههههههههههههههههه

شو ذنبنا نحن ؟؟؟

انااعتبر من وسطاء القامة بالصف وطولي 174سم :S_004:

يعني في اطول مني واقصر واحد طوولة 169


المسكين المعلم كان بينتحر ...بس الله ستر ...

والجديد قريبا مع الكونجرس العماني :thumbsup:

حركااااااااااااات سلطانوة مب شوية

هية اخوي راعي الموستانج نحن نعتبر ثاني اسوء دفعة تخرجت من هذه المدرسة بسبب الفوضة


وبمتياز بعد .... والمدير يبصم لنا بالعشرين مو بالعشره :s_004:


نحن الكونجرس العماني ماشوية

اليوم بقول قصتنا مع ضيووف من الوزاره ....رفعتا ضغط المدير والوكيل والاخصائي

السالفة هية قال لنا المدير بالطابور أن راح تجيـ لجنة من المديريه .. وراح تجلس معنا أسبوع كامل

تشوف المدرسة والنظام الجديد ومعرف ايش ..المهم قال خلوكم ريلكس وحلوين وراح نعطيكم يوم اجازه

اذا جلستو عدل وبدون مشاكل ...وعاد جاء المدير صفنا يعرف انا اخس صف بالفووضة بس اشطر صف من بين الصفووف الثانوية ...ويعرف انا شياطين ... وجاء يقوول يا اولادي خلوكم حلوين

طيبين ...وجاء واحد يرد علية حلوين طيبين ونحبكم...والمدير مطوع ويقوول شو هذا الكلام...

المهم عرف من صاحب الصوت وشالة وياه الغرفة يهدد ويتوعد... ويقوولة بسجنك ..وطبعا نحن معنا

سجن بالمدرسة مخفي عن الزوار ...و السجن خاص حق الفوضوين .. وهوه منعزل وبعيد شوي عن الصفووف وقريب من مكتب المدير.. والسجن عباره عن مخزن فية طاولات وكراسي ...ويسجنون الفوضوين واصحاب السوابق (( الفصل والهواشة و ضرب المعلمين )) وطبعا المدير كان يحب صدام

واعتقد اخذ من حكمة وطبعة شوي ههههههههه.... المهم قبل ماتجي لجنة بيوم قال المدير لنا كل الصفوف لازم تنظف وترتب وتزين وراح يعطينا اول حصة عسب كل طلاب ينظفون صفوفهم ... ونحن ماقصرنا

شمرنا عن سواعدنا ... وجبنا ماي وصابون وحطيناه بالصف ورحنا نسرق الوسخ من الصفوف الثانية

ونحطة بالصف معنا ههههههه حسد ...وطبعا الغبار والاوساخ ومع الماي وصابون منظر جميل كثير

وخلصت الحصة الاولى وكل الطلاب راحو صفوفهم ونحن جالسين نلعب بالماي ونرش بعض عبالنا جالسين ع الشاطيء ...وجاء المعلم وشاف الصف وسخ وقال نظفو قلنا لة استاذ روح اخذ لك بريك اليوم
ومافي دراسة ماراح نخلص هذا الصف الحين شووف كيف صاير ...والاستاذ قال اوكي وراح ..

وكل طلاب الصف راحو الكفتيريا بالمدرسة وجلسنا ناكل ومرتاحين حتى خلصت الحصة الثانية وجاءت الثالثة ...ونحن مطلعين كل الطاولات بالممر ...وطبعا صفنا بالطابق الثاني مواجهة غرفة المدير ...

طلع المدير الحصة الثالثة من مكتبة وشاف الفووضة فووق وطرش معلم يشووف الوضع ماحصل احد

وكل طلاب رايحين بريك ههههههه من التعب مساكين اشتغلنا كثير جلسنا نسرق غبار وسخ ...

وبعدها شافنا المدير جاين من الكفتيريا على راحتنا ونسولف ونضحك ..وكانة ماصاير شي ...وجاء يقولنا ليش مانظفنا الصف قلنا لة استاذ ... نحن غسلنا الصف بالماي وصابون بس الوسخ علق بالماي وماقدرنا نشيلة ..عشان كذا بنغسل الصف من جديد ...وعصب المدير وجاء معنا وشاف الصف وعصب وقال الحين نظفو الصف معاكم هذه الحصة بس...قلنا لة ولو من عيونا ...المدير راح تحت يجهز حق الضيوف وياخذ لفة على الفصول الثانية 0...ونحن جبنا ماي وجلسنا نلعب من جديد ..ووجاء الوكيل وشافنا نلعب وعصب وشاف الصف وسخ ..وقالنا بروح وبجي واذا ماحصلت الصف نظيف ياويلكم
بفصل الصف كامل قلنا اووه ها المطلوب ..ومحد نظف الصف جلسنا امام الصف نلعب ونضحك وندق بالطاولات ونعمل جلسة والمدير والوكيل عصبو والمعلمين جو معصبين يقولو شو هذه المسخره والفوضة ... وجاء المدير وشاف الصف مثل ماكان وشاف المخمات بالارض ومكسورات شوي ..

وعصب وقال انتو مافيكم خير ومعرف ايش وكلام فاضي .......تم حذف الكلام من الرقابة ههههههه

وجاء مسكين المدير و الوكيل و ينظفون الصف ... كح كح نحن vipمانظف ابد ..وجلسنا نضحك عليهم

والمعلمين مستغربين يقولو انتو تخلو المدير والوكيل ينظفون صفكم ...مش معقولة والله ...قلنا لهم تعالو شوفو ....وجلسنا عن صف نقوول حق الكل تبون تشوفون المدير والوكيل ينفظون ادفعو فلوس ... ونضحك...وعصب المدير هوه و الوكيل ...وبعد مانظفو الصف قالو لنا تعالو المكتب ...ورحنا لهم

ونحن فرحانين نقوول خلاص جاء الفصل وراح نرتاح من اللجنة الي راح تجي ....

وقال لنا المدير اللجنة راح تجي ومانقدر نعطيكم فصل ...بس راح نعطيكم تنبيهات ..ونحن نقوول لا نبي فصل نحن غلطنا ومعرف ايش قال المدير شو المدرسة حق اهلكم ونحن مانعرف هههههههههه

مسكين معصب ونشووف قروون المدير والوكيل طلعو ومعصبين حدهم عاد .... المهم عدا هذا اليوم على خير ... ورحنا الصف الحصة الخامسة طبعا كل من الفسحة الى الحصة الخامسة مع المديريعيطنا محاظره ونوقع تنبيهات ...


وجاء اليوم الموعود...وجات اللجنة ..والمدير خايف ويدعو يقوول يارب انهم ايروحون صف هذيلا الشياطين... وطبعا اللجنة قالت بنروح نشووف احسن صف بالثانوية 3 ثانوي يعني ....

وجات اللجنة حق صفنا ... وشافت المفاجئة الكبرى ........................ تدرون شو هية؟؟؟




















































































شافت اللجنةانا عاملين الصف نفس نظام الكليات يعني كل الطاولات جنب بعض وكل الصفوف بالعرض
يعني طاولات بالعرض من بداية الصف الى نهاية محد يقدر يروح للخلف ...

اول صف بالعرض فية حوالي 9 طاولات وبعدين 8 وبعدين 6 وبعدين 5 وبعدين 4 واخر شي

3 انا و2 من اصحابي

كذا تشكيلة الصف الي مافهم خخخخخخخخخخخخ

***********
(**********)
(*******)
(******)
(***)
(**)

وعاملين بالخلف لوحة او ((صحيفة حائط )) وراسمين عليها ... جمجمة وعليها عظام كانة شعار قارصنة 0... وكاتبين عليها الكونجرس العماني ... والصف طبعا علية زينة ومرتب

وجات لجلنة تقول لنا شو هذا الشعار ... والمدير عصب يقوول خلاص رحنا فيها ....

قلنا لهم هذا شعار يدل على التحدي بينا وبين الصفوف الثانية ونحن عملنا هذا الشعار ..لانا افضل صف

ومحد يقدر علينا ....كح كح ....

ورضت اللجنة واقتنعت بالسالفة وعدى الاسبوع على خير ...وجاء الاسبوع الثاني يوم السبت الحصة الاولى جاء المدير لنا يقوول حذفنا التنبيهات الي عليكم ...وو راح نعطيكم رحلة من المدرسة ...

ويوم الاربعاء راح تكون اجازه حق المدرسة بالكامل ...ونحن اخترنا رحلتنا يوم الثلاثاء ....


وبكذا رفعنا ضغط المدير و الوكيل ... وخليناهم يينظفوون صفنا.... ويعطونا رحلة بعد ....

وانتهت هذه القصة ومع قصة جديده من يوميات الكونجرس العماني


وان شاء الله تعجبكم هذه القصة



قريبا قصة السجن :S_004:

هههههههههههههههه

عاد ما سوالف عليكم سلطانووووووه

طلعتوا ما هينين ........خخخ

سوالفك حلوة ..منور الموضوع بكتاباتك اللطيفة ..
كل يوم تعال واكتب لنا عن شقاوتكم ...


وياليت بقية الاعضاء يقتدوا فيك ويكتبوا مواقف صارت لهم ...


تواصل حلو منك ..
لا تحرمنا من جديدك ..

هههههههههههههههه

عاد ما سوالف عليكم سلطانووووووه

طلعتوا ما هينين ........خخخ

خخخخخخخخخخخخخ

خلونا نتهنا بالمدرسة ..ذكريات حلووه ياليت نقدر نعمل كذا بالكلية :sadwalk:

خخخخخخخخخخخخخخ

سلطااانووه والله انكم مجنـ ن !!

زين انكم تخرجتوا

اكييد افتكوا منكم

خخخخخ

لكن صدقك والله الربشه ما تستوي الا ف المدرسه

اما ف الكليه كرووب !!

:(

الا ليت ايام المدرسة تعود يوما .. لاخبرها بما فعلت الكليه !!

:(

هههههههه
الله يغربل بليسك سلطانووووووووووه

عاد ماربشة نعم

اليوووم جايبلكم وقــــــــــاصووووه موقف جديد ..



أيام الدراسة .. أيام ثاني ثانوي تقريبا ..
طبعا روي الثانوية .. ما أعتقد محد ما يعرفها .. وما يعرف الفوووضة فيها توصل لوين ..


المهم ..
الله يسلمكووووم ويطول عماااركم .. كان فيه جدار (( يتهاود )) يعني (( إدفرني وأطيح ))

من كثر ما ينقحم فوووقه من الرغووود .. يعني أي نهسه أو حاجه .. بيطيح الجداااار بكبره ..
وطبعا يوووم من الأيام جالسين الشله بررررع .. بعد ما تريقنا .. كانت الحصة الثالثة حصة إنجليزي .. ههه .. وكنا أول ما نسمع حصة إنجليزي .. على طوووول بووووووووووووووووووع ..
برررررررررررررررع .. تحلصلوا في صفنا 6 طلاب بالكثير بالكثير 10 أو 12 .. ما يزدووا ..

المهم .. جاي ربيعنا وكان هذا بحار .. وعندهم بيكب لاند كروزر .. نسميه (( أبو شنب )) ..
المهم جاء ربيعنا ووقف .. وجلس يسولف معنا .. ونحن نسولف طش واااحد .. وقال :
شباب .. هذا الجدار جالس يتهاود .. مووووو الحل ؟؟؟

وطش إبليس الشله .. قال :
ما شيء غير نطيحة ..
وقال واحد : لكن كيف نطيحه ؟؟؟


هاااااااااااااااااااااااااااه .. عاااد هنيه طش وقـــــــــــاصووووه ..
تراه وقاااصووه يسكت يسكت .. وينطق مره وحده بمشاكله ..
قال :
أفأأأأ .. البيكب (( أبو شنب )) موجود ونتوا جالسين تقولوا كيف نطيحه ... ؟؟؟

ههههههههههههههههههههههه .. ما صدقوا الشعب ..
دقووووا البيكب سلف .. وريــــوس عالجدار .. شوي شوي .. شوي شوي .. ألين وصل الجدار .. ووقف ..
وراح وااحد من الشله يشوف الأوضاع فالإدارة .. ورجع وقال : أوكي .. يالله نفذوووا ..

هههههههههههههههه .. ورجع البيكب ريـــوس .. وما وحااااااا يلحق الجدار ,,

يا عيني .. ويطـيـــــــــــــــــــــــــــــــــــــــــــــ ــــــــــــــــــــــح ذااااااااااك الجداااااااااااار ..

لكن والله عااد ما صوووت سوى ..
((بووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووووووووووووووووووووووووووفففففففففف فففففففففففففففففففففففففف ))

هززز المدرسة هززززززززززز .. تقول زلزال .. وستوت خبصة .. وطلعوا كل الطلبة ..

ههههههههههههههههه .. الشعب فالفصحة بس تعااااال وطلع دااااااااااااااايركت ..

هذاك اليووووم خسر المقصف .. هههههههههههههههههههه .. كل الشعب تريق كيما ودااال وبراتا .. محد إشرتى من المدرسة ..

مووووووووووووووو هالحاااااااااااااااااله ..

ههههههههههههههههههههههههه والله ما أنسى هذاك اليوووووم ..

المدير آخر شيء قال :
قــــــــــــــاق قـــــــــــــاق منكم .. كان جدار وطيحتوووه .. ما أقووووووول شيء .. !!!!


وهذي السالفة معررررووووفه
سإلوا أي وااحد من مدرسة روي وبيخبركم .. وحتى إنتشرت السالفة .. وحتى بعض الطلاب جلسوا ينشررر صور الجدار بالإيميل ..

عالعمووووم .. من يوووم ما صارت هالسالفة ..

جابوووووا واااحد من وزارة التربية والتعليم .. تابع لقسم التحقيقات والتحريات .. وجلس فالمدرسة شهر أظني وااااا شهرين .. ما أتذكر .. المهم الحبيب أووونه باغي يضبط المدرسة ..

هههههههههههههههههههههه .. جلس شهرين ,, وصرخ وشل قشاااااره ورجع الوزارة بكرامتة ..


والله أسميهم مجانين إلي يداومووون في مدرسة روي الثانوية ..



___________________________________

إنتظروا جديدي .. سالفة (( الدراجة )) وقبل صلاة العيد بـــ 7 ساعات .. :thumbsup:

سوالفك حلوة ..منور الموضوع بكتاباتك اللطيفة ..
كل يوم تعال واكتب لنا عن شقاوتكم ...


وياليت بقية الاعضاء يقتدوا فيك ويكتبوا مواقف صارت لهم ...


تواصل حلو منك ..
لا تحرمنا من جديدك ..

شكرا خيتو ع الاطراء ...


وان شاء الله الكل راح يكتب .....ما اعتقد بان فينا طالب او طالبة كانو هادين هههه

خخخخخخخخخخخخخخ

سلطااانووه والله انكم مجنـ ن !!

ماجبتي شي جديد :S_004:

زين انكم تخرجتوا

زين والله وبعد دخلنا كليات :nono:

اكييد افتكوا منكم
لا بالعكس ااذا يشوفونا بالطريق يسلمو علينا ونص المعلمين معاي بالماسنجر :shutup:

خخخخخ

لكن صدقك والله الربشه ما تستوي الا ف المدرسه

اما ف الكليه كرووب !!

:(

الا ليت ايام المدرسة تعود يوما .. لاخبرها بما فعلت الكليه !!

:(

صح ضرسك :S_004: وشكرا ع المرور

هههههههه
الله يغربل بليسك سلطانووووووووووه

عاد ماربشة نعم


مسكين شو دخل ابليسي الحين ينعل حظة ليش جاء معاي خخخخخخخخخخخخخخخخخخخ


انا رافع ضغط أبليس :S_004:

وقاص خخخخخخخخخخ مسكين شو عمل لكم الجدار؟؟؟

كان جدار طيب ... لوووول

مشكوره اختييييييييييييييييييييييييي زهور الماضي
والله رفهتي نفسي

وقاص خخخخخخخخخخ مسكين شو عمل لكم الجدار؟؟؟

كان جدار طيب ... لوووول


هههههههههههه ,,

تعرف وحدك عاااااد .. رغووووووووود شغل ماشي .. :4: :4:

مسكين الجدار ..

عاد ما سوالف عليكم أنت الشباب

ه هههههههههههه

نتظر سالفه الدراجه .. وقاصووووووه

ساااااااااااااااااااالفة الدراجة يا جماعة الخيــــــــــــــــر ,, :59:


قبل سنتين .. كان قبل عيد الفطر بيوم ,,
طبعا الواحد قبل العيد بيوم .. يكون جاهز من كل شيء ..
بس يكووون باقي الحلاقة ..

طبعا وقاااصوووه متعود يحلق من 12 بالليل وفووووق ..
كنت جالس فالحارة .. (( السالفة في صحار )) ,, المهم كنت جالس فالحارة ,,
وقوطي البيبسي وصلب الزجارة في إيدي .. نوع (( Duff duff Classic )) إلي كنت متعود أدخنها .. :smoke1:
طبعا هذي السالفة قبل ما أترك (( التدخين والغازات )) .. وقبل ما أروح العمرة مرتيين ..

وأنا جالس .. جاء ولد عمتي .. طبعا أولاد عمتي كله عندهم أو أكثر إستعمالهم يكون بالدراجات ..
وأنا من يوم صغير .. هوايتي أسوق الدراجات .. بس أهلي كانوا رافضيين .. بعد ما صارت حالات
وفاة كثيرة في صحار .. بسبب الدراجات .. وخاصة بعد ما توفى زميلي ناصر بحادث دراجة ..
(( رحمة الله عليه )) ..

المهم ..
جاء ود عمتي .. وجلسنا نسولف .. ونزل شيشتة ,, وحط معسل العنب .. نوع (( فاخر )) :4: :4:
وعَمرهَا .. وجلس يدوووخ .. تقريبا إذا ما خاب ظني كانت الساعة 11 بالليل هذيك الساعه ..

عالعموووم من من جات الساعة 12 .. قلت له :
يالله ولد العمه .. تراه غايته الحلاق ..
قال :
أوكي يالله ..
وجلس يشل سامانه وشيشته .. ورجعهن في دبة الدراجة .. هذيك الأيام كان أيام برررد عندنا في صحار ..

عالعموووم .. ركبت معاه عالدراجه .. وحطه جير واحد .. ويعطيــــــــــــــــها ..
على طووووول عالحاره الثانية إلي فيها الحلاق إلي متعودين نحلق فيه ..


وجلسنا كان فيه 3 قدامنا .. عالعموم أنا كنت جالس أدخن وفجأة خلصت الزجارة ..
ونوع الزجارة إلي كنت أدخنها ما أحصلها غير في (( السيلكت )) ..

قلت ما شيء غير الدراجة .. قلت حال ود عمتي ,, وما قصر ..
قال إندووك المفتاح ,, بس شوي شوي يا وقــــــــــــاصووووه .. أعرفك خبله ,, ما تعرف تسوق
شوي شوي ,,

عالعمووووم شليت الدرااااااااجة .. وعلى طوووووول عالسيلكت ,, :ongue:
وكان أقرب سيلكت مصكر .. كان بعده ما مطبقين عليه نظام الأربعة والعشرين الساعة ..

زجاير ماشيء + الرآآس مفتررررر = وقـــــاصوووه يعصب ويتخبل .. :smoke1:

وأنا راجع الحلاق .. كنت جااااااااااي صاااااااروووخ .. وكنت معصب ,, ومتصدع ,, وبردااان ..
كل شيء متجمع فوقي ,, وأنا أمشي .. كان قدامي تراب ورمل ,, يعني التاير بيغرز ,, مستحيل بمرر .. ووقــــــــاصووووووووووووه ,, جاااااااي منطلق ,, ويدخل على طول عالرمل .. وجلست ادراجة تجي يمين ويسار .. يمين ويسار .. يمين ويسار .. يوم وصلت الشارع ,, إنقلبت ,, :S_003:

يعني فالرمل ما إنقلبت ,, إنقلبت فالشارع .. عشان أتكسر زين زين ..
لو تجوووا تشوفوا حالتي هذيك الساعة لما إنقلبت .. :18: هههههههههههههه .. والله شكلي يضحك ..
تعرفوووا شوووو سويت أول ما إنقلبت ... ؟؟؟؟ وقفت .. وشفت عالدراجة بنظرة إحتقارية .. وأنا متكسر .. والدم في جسمي وشكلي .. والآآآآيل مالها منكب على طوول الشارع .. والحاله حاله ..

:128: وعااااااد الجووووووووو بارد .. حمااااااااااااااس لما تنقلب فالبرد صح ؟؟؟؟؟؟

وعلى طول أرفعها .. وجلست أدفرها وأشغل .. أدفرها وأشغل .. لحد ما إشتغلت ,,

:18: :18: هههههههههههههههههههههه ,, لما وصلت عند ولد عمتي ,, فك عينه .. وإنتزق ..
يقول : توني معطنك الدراجة وما فيك شيء بخير وعافية ,, وألحين كلك دم وحالتك حاله ؟!!! ..000

وسيده مسكين شلني عالمركز صحي .. قلنا لهم طايح من السيكل .. أونه .. هههههههههههههه .. :18: :18:
لأنه لو قلنا لهم دراجة ما بيوافقوا يعالجوني إلا بورقة من الشرطة .. المهم وقــــاصوووه شبطووه ,,

وبعدين الساعه 3 رجعت الحلاق .. وحلقت ,, ووصلت البيت الساعة 4 ,, ونمت على طول ..
والساعة 5 ونص حبوتي توعينا ,, وأنا ماشيء منتهي ..

عالعموم ما شيء ما قدر .. لأنه الجروح بردت .. وجلست تألمني .. عالعمووم قمت مال غصب ..
وتسبحت .. ورحت عالصلاة .. ما أعرف كيف صليتها ,, حتى ما قدرت أجلس حال المحاضرة بعد الصلاة .. على طول بعد الركعتين رحت البيت ..

والله حــــــــــــــــــــــــاله .. ههههههههههههههههههههههه ,, :18: :18:
الناس تعيد وأنا فالبيت مشبط ومتكسرررر جسمي ..

وجيوووا أصدقائي وزملائي وجلسوووا عاااااااااااااد .. كل مره وااحد يطنزز ,, وجلسوا ينكتوا علي
.. وحالتهم حاااااااااااله ,, هههههههههههههههههههههههههه ,, :18: :18:


راح تضل هالسالفة في بالي ,, مستحيل أنساها ,, :57:

حضور موفق لك أخي وقاص ...
مرة جدار وبو شنب وركيما
ومرة دراجة وسجاير وحلاق
...شو هالحالة!!!!

للشباب جنون ..وما ادراك أي جنون !!!


أكثر شي أعرف مدرسة روي الثانوية مال البنات ...
لكن مااعرف مدرسة روي تبع الاولاد عدل ....بس أذكر اني مريت من جنبها ..
!!

تشكر على تنوير الموضوع ..ولا تحرمنا من تواصلك ..

ههههههه عاد ما سوالف عليك وقاااص
..!!
أنا رحمت الدرجه ما صار فيها شيئ هههه :)

..............موضوع اكثر من رائع تسلم ايدج...........
............تسلمين زوزو......

تسلميييييييييين ع الموضوع