السلاام عليكم


شلونكم شخبااركم؟؟


كل صباح لازم نواجه شي،،، البعض يعتبره تعذيب والبعض الاخر تعود عليه


في منكم من يتهرب منه( مثلي أنا) وفي منكم عادي عنده الوضع عالاقل احسن من الحصص


طابور الصباح



كلمونا عن يومياتكم وياه؟


هل توقفون او تتمللون منه؟


تحسون ان في منه فايدة او بس تقضية وقت؟


تحطون بالكم او كل سوالف ولا تدرون متى بدا ومتى خلص؟

عطوني أرائكم ؟؟؟؟؟؟؟؟


اتمنى تفااااعلكم

بصراحة ايام المدرسة من أروع الذكريات ..
إلا طابور المدرسة ...!!
ولكني اشتقت له الان ..!!
احيانا نتشجع له طبعا طول الوقت احداث وحكايات ... الخ ..!!
واحيانا يدق الجرس والمعلمة تنادي ولكن هل من مجيب ...!؟!
الاجمل فيه انه يكون مع الصديقات رغم تلك القيود والتشديد الا انه ممتع احيانا ..!!
وكنت احب ان اسمع اذاعة المدرسة ..
وما يحسدوني عليه .. انه بإمكاني التخلف عن الطابور ...!!
اعدتم لي ذكرياتي ...
بانتظار قصص البقية ...
شكرا لكِ اخية

طــابور= ج ـنون
طـابور = حديثـٌ لا ينتهي
طــابور = فضفضة لِم حدث خلال اليوم الماضي
طـابور = رفع ضغط المعلمات
طـابور = صرخ ـة وطنيـة من الأعماق
طابور = خدع وهروب من التفتيش بشتى الطرق خخخ
طــابور = الإنصات إلى الإذاعة التي أدمنت المشاركـة فيهــا
طــابور =ذكرى أتمنى أن تتكرر _^

تسلمين يالوحيدة على هالموضوع الجميل
بصراحة أنا طالبة في الثاني ثانوي
يعني مازلت أتعايش مع هذا الوضع
في الحقيقة أنا أحب الطابور وااااااايد علشان أسولف
شوي ويى صديقات بدال ضغط الحصص يعني ترفية شوي
وبعد أحب الطابور بسبب الإذاعة لأنه فيها أسكتشات مسرحية حلوة
واناشيد ومسابقات وجوائز
وبعد أعشق لحظة النشيد السلطاني لأنة نخرج أقوى صوت لدينا
لنعبر عن حبنا وولائنا للوطن ولقائد المسيرة حفظه الله ورعاه

بس الشيء الواحد والوحيد اللي ماأحبة بالطابور
هو التمارين الرياضيه أكره نفسي في هاللحظه وودي الأرض تنشق
وتبلعني لأني ماأطيق الرياضة ولا الحركة الزايدة
لكن كل المهارات تطلع في الفصحة اللعب والوناسة

أتمنى أن تتقبلوا مروري ورأيي العابر
أختكم : دلع

:4: هههههههههههههههههههههههههههههها
ذكريات جميلة ..
أحيانا قبل الطابور نهرب إلى مطعم سليم ( سنقين ) إذا ما كان في الفسحة - على حسب جدول الأعمال وأحيانا نومه في البيت ونتاخر عنه ، واحيانا العيون ورامه وواقفين في الطابور والمخ في عالم آخر وأحيانا نعلق ونرفع الضغط على الطالب الذي أمامي ونشبه بأذنيه حتى ينازعوه ويطلعوه من الطابور ونحن قمة البراءة !
ألف شكر لك أختي الوحيدة كان الطابور معنا له طعم خاص افتقدناه ..

والله ذكريات الطابور....كنت دائما اضارب البنات عشان اوقف ورا...ههه
وما اكنت اسوي التمارين وكل مره ينازعزني

ههه وكنت احب اشارك في الاذاعه كثير عشان ما اوقف طابور ...اهرب ..ههه
ولا نروح فوق السطح نندس.خخ نجلس نحل الواجب ..بمعنى ننقل الواجب.....

اذكر لما كنتت صف رابع ..مدرسه الانجليزي خلتنا نقول هذا النشيد بو يقول..ماي هد شو ردر تي اند توز!! ما اذكره زين هههه

قاصه علينا عشان موجهين يشوفونا ..ههه

بس ذكريات الطابور حلوه وخصوصا لما يجي دبي او دبابير علينا وبنات يصرخن من فوادهن ..هههههههه

الطابور من خلال معرفتي وتجربتي بإنه يصنع الإنسان وأعمم هنا حتى لا أظلم بناتي الطالبات لأنني اذا قلت ( يصنع رجال ) فقد ظلمتهن .
تمرينات + سلام سلطاني + تحية العلم + إذاعة + دخول بنظام = ( صناعة إنسان )

فمن راي بأن طابور الصباح جميل جدا جدا له رونق خاص لدى المعلمين والطلاب ولكن لا بد أن ننتبه لنقطة واحدة وهي أن يكون غير ممل باتباع التغيير المستمر المفيد وأن لا يستمر على روتين واحد حتى لا يفقد رونقه .

أبو هود

أرحب بك في الحصن ومشاركتك معنا ..

وتحليلك جدا رائع من حيث صناعة انسان

اعجبني كثيرا ..

وفقك الخالق

كله إذاعة ....

يوم صغير ما أذكر شو صار ...

ومن الإعدادية كله إذاعة


خخخخخخخخخخ

اما انا قصتي قصة مع الطابوور ..
والله ايام ..

مرة جيت متاخر عن الطابوور ...وكانو الشعب عاد ينشدووا حصلت الحارس عند الباب ..قالي لاتروح من قدام المدرسة لان الطابوور بداا ..تعال من خلف الصفووف ..قتله زين وانا على نياتي ..ورحت ولا استاذ شعيب التونسي ..قالي تعال اهاااا انته قافز من السوور وهربان من الطابوور ..وسيده على مكتب المدير ..وطاح تحقيق ..واسئلة لاعد لها ولاحصر ..والتهديد عاد ماله حد ..قلت للمدير الحارس قالي كذا ..نادى للحارس ..والغم الحارس انكر هذا الشي ..ورحت فيها ...وطرشني المدير للنائب وخلاني اوقع تعهد اني ما اتاخر عن الطابوور ..

هذه قصة من قصص الطابوور ..

عيل لو اخبركم لما اغمي علي بالطابوور ..
ولا لما نصوور ..غراب سواها فوقه ..
ولا محمد صبري مدرس الالعاب الي كان مسولنا رعب ..

لي عودة ..

يااااه ذكرتينا بالطابور
مرااات صراحة احسه ما منه فاايدة خصوصا اذا كانت مب حلوه الاذاعة
ومرات كنت اشرد عن الطابور انا وربيعاتي ..
مرة وحد وصلت متأخرة للطابور ....مرة وحده الا دوم اتاخر خخخخ ووقفتني وحده من المرشدات وقالت انتظري قلت لحد ما توصل المديرة وتشاتمني المهم شردت عنها ودخلت الصف ولا ما اسمع الا صوت المدرسات يطلعوا البنات للطابور اللي متاخرات عموما رحت وفخيت هههه حلوه هالكملة وراء اخر الكراسي وتحت الطاولات والمدرسات يسمعن ان في حركة بس من عيازهن ما دخلت وانا كنت احور على عمري هههههه ومحد شافني الحمدلله ومر هاليوم ع سلام لكن مرة وحده صادوني ووقفوني في الطاابور جدام الطالبات خيبة اول مرة اشوف هالجمهور الكبير ههههههه

بنرجع لطبور وسوالفه ان شاءا لله

ههههه حلوه يا فارس حرام عليك وبعد الحارس يساعدك قول ما شفت حد ودخلت نوب انته هههه ننتظر باقي مغامراتك مع الطابور

بسم الله الرحمن الرحيم
السلام عليكم ورحمة الله وبركاته..... وبعد،،،،،
الموضوع المطروح جيد،،، ويعد ثروة للنقاش وعصر الأفكار لذا لي الشرف أن أشارككم فيه وبإختصار
طابور الصباح يتلخص في كلمتين هو: منهج ونظام فالمنهج يصب في خانة ما يقدم فيه من إبداع ممثلا في الإذاعة المدرسية وبرامجها المتنوعة والتي تبث في الطالب والطالبة بداية نشاط ونقطة التشغيل العقلي والفكري بالإضافة إلى التهيئة النفسية لتلقي الدروس اليومية، أما من حيث كونه نظام فهذا يتلخص في بداية التخطيط الجيد من حيث الإكتمال والاتساق،،، ورغم ذلك فلا يخلو من سلبيات كالإطالة أكثر من اللازم، والروتين الثابت، وشمس الصيف، وبرد الشتاء.
لكن ذكرياتي فيه أكثر من رائعة فكنت ملتزمًا في حضوري، ومنافسًا في الحصول على المقدمة، ومثابرًا في تقديم برامجه.
وفي الختام لكل منا ذكريات ولكل منا مبادئ ولكن وجوده حتمًا يصب في خانة التخطيط الجيد لليوم الدراسي.
تحياتي،،،، لكم

مشكورين على مغاوراتكم ....
بصراحة موضوع شيق شدني كثيرا ....

ههههه طابور الصباح ما موجود في قاموسي ما احضره ابدا
على طول في الصف ولا متاخر الطابور

خخخخخخخخ

بالإبتدائي و الإعدادي ملتزمين به و كان روتيني قاتل .. السلام السلطاني .. إذاعة تمارين كلمة المديرة عن النظافة و شيء من هالقبيل ..

بالثانوية كبرنا و شوي .. إلا حلو بهالمدرسة في مخابأ للهرب من الطابور .. فكنت أنا وصاحبتي نشرد بين الفينة و الأخرى عشان ما ننكشف و نروح بالسلم الموصل للدرج .....خخخخخو ندقها سوالف من الصبح ...
لغاية ما انكشف أمرنا ... مع أستاذة العربي و دردشنا وياها و كالعادة هذه آخر مرة تكررونها و إلا توصلون الإدارة ..

و بعدها حضورنا للطابور كله سوالف و ضحك من الخاطر و تعليقات ..رغم إنه أستاذة الرياضة شديدة لدرجة إنها تكفخ البنات ضرب من الصبح .. عاد تخيلوا الوضع ..

ياااااااااا أيام زمان

هههههههههههههههه
سوالف تضحك

يا عيني كله سوالف ..

ههههههههههههههههه

من يزيد ؟؟؟!

انا ازيد خخخخخخخخخخخخخ
بس حبيت اشارك ونزيد

المهم انا الطابور ما اطبه خير شر من ثاني اعدادي واذا حاولت اروح المدرسات ينازعوني خخخخخخخخخخخخخخخخخخ بدل ما ينازعوني ليش ما اروح صار العكس
وعاد صايره مشهوره اني ما اروح وصايره ف المدرسه وقت الطابور دواره على المدرسه من صف لصف اشوف البنات اللي عندهم اعذار وندق سوالف لين ما يخلص الطابور
وعاد يوم من الايام دخلت صف شفت عجب العجاب بنات يالسات يسوون مكياج
وهذه سوالف الطابور عندي هو في اكثر لكن عاد ما ليي بارض اكتب

بس الحين مشتاقه الطابور والنشيد الوطني
ومشتاقه السوالف والضحك والعقاب :sadwalk:

الطابور اسوا شي في اليوم الدراسي بالنسبه لي

أختي الوحيدة تسلمين على هالموضوع

وبصراحة نحن عاد الأولاد سالفتنا سالفة مع الطابور
ونحن للاسف طابورنا مقابل الإدارة والإذاعة المدرسية
يعني مانقدر نتنفس لآخر الطابور
لكن فية ايام نطفش ونغير اماكننا وأنا كل يوم معزوم عند طابور صديق
من أصدقائي يعني مرة بالشمال ومرة باليمين صج حاااااااااااااااااااااالة
بس والله هالايام ماتتعوض مهما صار

أما سوالفكم عن الطابور الصباحي حلووووة
بس عن نفسي ماكنت أحب أني أفوت الطابور
إلا لما نتأخر عن المدرسة
يعني كنت ملتزم بحضور الطابور الصباحي
طول سنوات دراستي بصراحة الطابور الصباحي
من الأساسيات المهمة في اليوم المدرسي
بس عاد كنت أستمل أحيانا لما يسويلنا المدير خطبة الصبح ايام الإعدادية
ويخلينا ساعة جالسين لين ماتضربنا الشمس
لين نشبع وبعدها يطلق سراحنا إلى الصفوف لما يشوفنا تبهدلنا
الله يسامحه...

يسلموووو

على مروركم الطيب والجميل

وبصراحه ما توقعت كل هذا التفااعل الحلوو

أتمنى ان تفاعلكم يزيد لاكثر ..


ربصراحه انا عن نفسي أحب الطابور بس في وقت التمارين كلنا نوقف صنم بس ندور بدون حركه هههه
اما في نشيد السلطاني غالبا ن البنات بنشدوا بس انا أنشد كل يوم سبت والثلاثاء فقط ..

أما على الاذعه بس نسمع القران الكريم والحديث الشريف وبعد هذولاء نبدا نسوالف لحد ما يطلعونا ونوقف قدام المدرسه كلها ويقشبونا ياا سلاام حماااسنج ...

ههههههههههههههههها

ع ـاد مـا ج ـنون ع ـليكـم _^_^_^_^_^_^

استمتعت بالقراءة :)

وفقكـم المولى

يسلموووو
على تفااعلكم الجميل


واتمنى اني اشووف تفااعل اكثر

وفقكم الله