 |
منتديات حصن عمان
(http://www.hesnoman.com/vb/index.php)
- برج النقاش الحُر
(http://www.hesnoman.com/vb/forumdisplay.php?f=146)
- - خير الكلام ((الرجاء الدخول))
(http://www.hesnoman.com/vb/showthread.php?t=39132)
انا رسلت لهم رسائل اذا ما يقدروا يتواجدوا بيغيرهم عشان نمشي الموضوع
|
ان شااء الله ننتظرهم
|
كحل أعتذرت بشوف حد غيرها
|
في الفريق المؤيد بيكون (كبريآء أنثى و فهد عمان و مايسترو الحصن)
الفريق المعارض (عصفورة و الريان و الهنائي) يلااا ابدو |
موضوع كثير حلو
ويسعدني اشارك فيه واكون من فريق المؤيدين انا اؤيد كلام عصفوره في نفس الوقت .. بس يا عصفوتنا وقت العمل في رمضان يكون اقل من الايام العاديه هذا اللي اعرفه فـ عمان يعني وقت الشغل ينتهي قبل الوقت السابق فـ الايام العاديه بـ ساعه تقريبا اذا ما كنت غلطانه (ماعرف لاني ما اشتغل هع بس اسمع من اللي يشتغلوا ) فـ الناس ترجع لـ بيوتها من وقت .. وتنام لوقت المغرب تقريبا يعني لقبل اذان المغرب ووقت الافطار بـ دقايق ..( ما جبت الكلاممن عندي هذا اللي سمعته من ناس تشتغل ) فـ وقت الليل يكون سهر لامور تختلف من شخص لشخص .. يمكن يكون لزيارات الاهل .. يمكن يكون لـ جلسه مع الاصدقاء .. او الدوريات اللي يسوونها الشباب في مختلف الالعاب وخصوصا كرة القدم .. او لقراءة القرآن .. جـو رمضـآن غير .. مـآ تحس بالوفت فيه .. وبعدين في من الناس تسهر تنتظر وقت السحور .. تتسحر وتنام لان البعض اذا ناموا نومهم ثقيل ممكن ما يقوموا للسحور .. فـ يفضلوا ينشغلوا بـ شي لـ وقت السحور .. وهــيك هع ^^ يـلآ وين آعضـآء فريقي المؤيدين .. تعالوا شاركوني فالنقاش .. |
موفقين إن شاء الله..
*-* |
كلامك على عيني وراسي كبرياائو بس سوري بعارضك
اغلبية الشباب عندهم دوري رياضي في خلال النهار وبيرجعوا المغرب وقت الفطور ولما يرجعوا من صلاة التراويح بكونوا على وشك الهلاك ,,يعني الوقت الاضاافي الي اخذوه من الشغل شغلوا انفسهم بشيئ تاني,,وما بعتقد انه في مجال للسهر,,, بعطيكي اكبر متال اخوي صيدلي صار نايم ويحلم كمان ,,,وابوي بيشتغل اداره رجع من شغله على 3 ونص وراح على دوري رياضي في النادي ورجع المغرب وافطرنا سوا وبعدها راح صلاة العشاء والتراويح ورجع من الجامع خالص وميت نعس,,انا بحكي اشياء ملموسه وكمان واضحه وما بحكي شيئ عن عبث,,تقبلوا كلامي بكل رحب |
وكلامك انتي على عيني وراسي بعد
وانا اتكلم بعد عن اشياء ملموسه ولا اتكلم عبــــث احنا عندنا هنا الدوريات تقام بالليل لان بالنهار يكون الشخص صايم فـ تعب عليه يلعب !! فـ الدوريات تقام بالليل وتمتد سهرات الشباب لوقت متاخر من الليل .. وهالشي يختلف من بلد لـ بلد ^^ وحتى الاشخاص اللي يرجعوا من شغلهم الساعه 3ونص يقدروا يصلوا العصر ويناموا لوقت الفطور .. وهالشي يختلف من شخص لـ شخص ^^ خالص ودي لك عصفورتنـا ^^ |
ماشاء الله على عصفورة وكبرياء ماقصرووو
اعتذر جدا من عطر الايمان وبالتوفيج للمؤيدين والمعترضين |
كجيلان انتي بتكوني مع كبرياء بدال فهد عمان
|
ظاهرة السهر في رمضان منتشرة في كل مكان
وتظهر هذه الظاهرة لأسباب منها: 1- النوم خلال فترة الصيام خاصة وأن هذا العام فترة الصيام كبيرة 2- بعض الناس يفضل إنجاز أعمالهم وقضاء مشاويرهم في فترة الليل لوفرة الوقت 3- أغلب الفعاليات الإجتماعية والثقافية والرباضية تقام في الليل 4- بعض الناس يقضون الليل في عبادة الله سبحانه وتعالى هذه بعض الأسباب التي تحضرني الآن وشخصيا انا مع السهر في الليل بشرط أن يكون في حدود المعقول ويتم استغلال الوقت في أشياء مفيدة السموحه منكم على تأخري |
شكرا لك مايسترو ^ ^
يلااا ابي تفاعل |
بما انه تأخرت الريان بيكون بدالها ومضه حياه عشان تساعد عصفوره ^ ^
|
يا هلا وغلا
انا بكون هنا بدل الريان هههه رايي في موضوع السهر في رمضان انا معارضة له والسبب ياريت سهرهم على العبادة والصلاة ..سهرهم على دوريات ولعب الكورة وبس وللاسف العب والسهر يلهيهم عن قيام الليل وقراءة القران وطبعا اذيه بيكون ليه رده فعل عكسيه على الناس فبيكونوا كسلانين طول النهار ويمكن نايمين طول اليوم فطبعا ما راح يودوا الصلاه فى اوقاتها خاصة صلاة الظهر والعصر اذيه من ناحية العباده اما من ناحيه العمل والحياة اليوميه فطبعا الكل بيقصر بيروحوا الدوام يتدفروا ما شايفين الدرب من كثرة ما سهروا |
كلام اخوي المايسترو صحيح
بعض الاشخاص يفضلوو يخلصوا اعمالهم وقت الليل بعدين في رمضان الليل جدا قصير يعني نفطر وفجأة عاد الساعة 9واصلة فتحس الساعة 12والناس بعدها تمشي لي عودة للموضوع لاني داشة من الفون والسموحة |
اقتباس:
ما قلنا شي ينجزوا اعمالهم ..ويقضوا مشاويرهم في المساء ولكن هذا ما يعني يسهروا الى الفجر كل هذي الامور نقدر ننجزها في حدود الساعة 11 مساء مشي داعي للسهر للفجر اما موضوع العبادة وقراءة القران غير فهولاء هم المجتهدون فقد وقد ذكر الله عز وجل المتهجدين فقال عنهم: {كَانُوا قَلِيلاً مِّنَ اللَّيْلِ مَا يَهْجَعُونَ * وَبِالْأَسْحَارِ هُمْ يَسْتَغْفِرُونَ } فقيام الليل وهو من أعظم العبادات التي يتقرب بها العبد إلى ربه في هذا الشهر الكريم |
اقتباس:
واجلوا كل اعمالهم للمساء وبذلك بيتحججوا بالسهر لانجاز الاعمال عاد شي زيارة الساعة 12 ؟ |
متابعه لكم^ ^
|
السلام عليكم ورحمة الله وبركااته
نشكر الله اعطوني مسااعد قوي,,,,هلا ومضه منوره وكلامك كله صدق ,, بالنسبه لعكس اعمال النهار لليل,,, اعتبره هروب من لذة رمضاان...... في النهار ينامون وفي الليل يعملون وأي شهر عبااده هذا ؟؟؟؟بعدين لماذا نلتمس الامور من ناحية الذكور فقط,,,اين دور النسااء العاملات في شهر رمضاان المرأه ستعكس عملها في الليل كالرجل,,,اي منطق هذا,,, المرأه العربيه منا تعمل خارج البيت الى ما يقارب صلاة العصر وتعود الى البيت لتكمل عمل بيتها,,,اعرف انكم ستواجهوني بالقول واين الخدم,,,نحن نختلف عنكم المرأه تعمل كل شيئ بنفسها ولا يوجد لدينااا خدم,,,,تعمل نهاراا وتعود البيت تكمل شغلها حيث تبدأ بأعداد الطعام للفطور,,فهي لن تكتفي بوجبة رئيسيه ومقبلاتها بل في هذا الشهر يزيد انواع الطعام,,, ومن ثم يأتي موعد الفطور ,,وجلي اوان الفطور وصلاة التروايح,,واز بها اشبه بجثة هامده تقرأ ما تقرأه من اّيات قليله في القراّن وتذهب للنوم لاستعدادها لغد مفعم بالعمل الشااق,,فأي سهر نتكلم عنه هنا,,,على ما اعتقد السهر مع احلامهااا وكوابيسها,,:msn-wink: |
أعتذر جدآ لانــي تــأخرت ،، بس ومضة مـا بتقصر معاكمـ
متــابعة . . . |
ومضة بتصدجيني ان لساعة 3 بالليل في ضيوف هههههه
زيارات الاهل لو ان الاهل مسخوها يتسحرووو ويروحو مرة وحدة الساعة 12اقولج الناس تمشي براا وفي ناس تفضل من 12 ل2 تقرا قرأن وتقرا ادعية وتتسحر مرة وحدة ويفضلوو انتظار صلاة الفجر عشان ماينامو عن الصلاة |
مممممـ ضيوفك شوااذ ياا كحوله,,,لو عنا انا بطردهم ما بقدر,,,,
المهم انت ماا كنت نعساانه,,,؟؟؟؟؟ |
موضووووووع شيــــــــق ،، ننتظر أرائكـــــــــــــــــمـ ..
|
يلااا ننتظر التفااااعل ^ ^
و تشجيع خخخ |
لا فديتج انا فغرفتي ماعرف غيرها
واعرف بعد جيرانا تخبرني بنتهم ان اهلهم يروحو اخر الليل يسهرووو جنب البيت العرب اجواء رمضان غير الوقت يمر بسرعة ومن نظرتي نستغل الوقت للعبادة |
اهاا ولا يهمك كحوله بس والله لازم الواحد يشعر مع الناس
ورمضان السنه كتير شاق مع الحر |
ما عليه اكيد بيدخلوا
متابعين... |
عصفورتنا
انتي تتكلمي عن الناس العامله ويمكن غفلتي عن نقطة ان في ناس ما تشتغل .. طلاب مدارس او كليات وكلهم اجازات (اللي ماعنده صيفي طبعا) او اشخاص عاملين بس عندهم اجازه . فـ هذيلا يناموالنهار الى صلاة الظهر تقريبا .. يقوموا يصلوا ويقضوا يومهم في قراءة القران (مو الكل طبعا) ومحد يكون له خلق يطلع من البيت وهو صايم ، فـ بعد صلاة التراويح تبدأ الزيارات وتقضية الاعمال والدوريات. ومثل ما قالت كحل الوقت فـرمضان يمر بسرعه .. يعني عندنا في عمان صلاة التراويح تقريبا على 8 وثلث وبعض المناطق 8 ونص .. يعني لين يرجعوا مصلين تكون الساعه صارت 9 او 9 وربع او ونص . وعاد يبداو زيارات الاهل والطلعات مع اصحابهم .. ويمر الوقت بسرعه بدون لا يحسوا .. وبخصوص الكلام اللي قالته الاخت ومضه على عيني وراسي بس يا اختي بعد في ناس ما مقصره فـ العباده .. والحمدلله يختموا القرآن آكثر من مره فـ رمضان ويقضوا وقت من يومهم فالعبااده .. بس من حقهم بعد يقضوا شوي من وقتهم فـ التسليه والترفيه .. فـ بما ان الدوريات فـ الليل .. فـ يستغلوا وقت النهار فـ العباده ووقت الليل فـ اللعب والتسليه .. بس ما كل الليل .. لان الدوريات ما تمتد لساعات متاخره عاد .. يعني يرجعوا البيت ويتسحروا وينتظروا لين اذا الفجر .. يجلسوا يقرأوا قران وغيره على حسب كل شخص .. وهذا رايي ^^ |
خخخخخخخخخخخ ،،،أنـــــــــاا مـــــع رأي كبرياائووونه هع
شهــــــــر رمضــــــــاا للعبـــــاده وأنــــاا أرى العكس ،، لماذا تزيد نسبة النوم والبرامج والمسلسلات وهنااك أشياء أخــرى تلهي المسلـــــــــم عن العباده ،، واذا كان الوقــــت لا يكفـــــــي لان التوقيت الان يختلف بيمضي بسرعـــه لكن لا نتغافل ونهدره ف امور لآ تؤمن لنــــــاا الجنه الزياارات التي نقوم بهاا من أجل صلة الرحـــــم لكن لماذا لآ نزور اقربانا ونتجمع ع حلقة ذكـــــــر أو قراءة القران وختمه أو تعليم من هم أصغر منا أحكاام التجويد ،، لآ أكــــذب عليكم جربته بنفســـــــــي مع أخوتي أحسست بشي مختلف جداا .. تقبلــــــــــــــــــــووو مروريـــ ... |
اقتباس:
كلامك صحيح أختي بس ما كل الناس واحد خلينا ناخذك انتي على سبيل المثال: عيد الفطر المبارك على الأبواب وكل واحد يحاول يجهز أموره من الحين وانتي تريدي تتجهزي متى برأيك بتروحي تتسوقي في النهار ولا الليل ؟؟؟ إذا ما خانني التخمين راح تتسوقي بالليل لأنه في النهار الجو حار جدا وبالليل بتكون لك الحرية في التسوق بعدين ما كل الدوريات تستمر إلى آخر الليل في منها تستمر إلى الساعه 11 فقط بعدين مثل ما قالت الأخوات في ناس وعائلات يحبوا يمشوا بالليل |
| الساعة الآن 03:28 PM. |
Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By
Almuhajir
لا تتحمل منتديات حصن عمان ولا إدارتها أية مسؤولية عن أي موضوع يطرح فيها