منتديات حصن عمان - من أشعار (حامد زيد)..
منتديات حصن عمان

منتديات حصن عمان (http://www.hesnoman.com/vb/index.php)
-   برج الخواطر والقصائد المنقولة (http://www.hesnoman.com/vb/forumdisplay.php?f=103)
-   -   من أشعار (حامد زيد).. (http://www.hesnoman.com/vb/showthread.php?t=36706)

حوراء الحصن 19-02-2011 10:36 PM

من أشعار (حامد زيد)..
 

من عرفت العلم وانتي الليالي سرمديه
والوصول اغلى طموحات الفتى بأول شبابه

والمهابه ما تهادت غير لنفوسا رديه
ليت في قلب الليالي للفتى قدر ومهابه

دنيا تجمع صفاتين الخجل والعنجليه
كنها بنتا يزود بحسنها ثقل وذرابه

يوم جتني تمتحني في زمان الجاهليه
جيتها رجلا تحلى في تقاليد الصحابه

بالعطا تبخل علي وبالعذاب تموت فيه
عشتها قلبا رحوم يكره الضيم ويهابه

بس ابدري وش نهاية وصلها وآخر هديه
هو صحيح ان القصايد للجريح اول عذابه

من عرف لج يا الليالي وانتي اكثر من هويه
من تلحف في ترابج مقتنع باللي جرا به

من قدر يفرظ طموحه في زمان المعمعيه
من من الناس يتجرأ يتركج وانتي ترابه

السؤال يعيد نفسه والاجابه مبدئيه
ليت والله ما تكوني مبدئيه يا اجابه

الرحوم يخون ناسه والخوي ينسى خويه
والقلوب اللي تخالط ودها صارت تشابه

والخلايق ما تسوي طيبها جود وحميه
كلنا نضحك بوجه مبستم للغدر نابه

لو يصير الموت راعي كل ابونا له رعيه
لا زعل نزعل ونرضى لا رضى حضرت جنابه

والله اني ما نويت افتح ملفات القضيه
لكن اني شفت شي يفقد العاقل صوابه

يالحياه انتي غديتي والغرابيل اجوديه
كنج اللي ما يميز بالخطا غير ارتكابه

ما عطيتي غير جرح ولعن ابوها من عطيه
والله انج ما عطيتي خير للقلب وصوابه

خاينه ما انتي عزيزة خافقي يا الاجنبيه
جنبي عني واجنب عن مداهيل الغرابه

وباخذ بدربا يردج للقاء روحه وجيه
يا يموت بدرب والا بدفن القلب بضبابه

وان ذبحتيني تمني رجعتي وابكي عليه
لين تملين المحاجر بالبكا حزن وكآبه

وادفنيني بين ظلج والخيوط العسجديه
لو لقيتي بعد موتي واحد بنفس الصلابه

شاعرا قدم قصيده لأغلب ايامج ضحيه
بين ناسا ما يطيقون القرايه والكتابه

يا زماني لو بقى للشعر في صدري بقيه
بكتبه وارسم خيالي للورق وألوي سرابه

وكان ردت للعناد وعودت للمقدريه
والله اني ما اتنازل لين اعديه السحابه

يا زمان ممتلي به وابتلى فيني بليه
لاتلوم اللي يخونك كان له عقل ولبابه

بقفل القلب المشقي عن هبايبك العتيه
ودق بابه من بعدها لو قدرت تدق بابه

الحياه اللي تسمي لعبة الشاطر خطيه
ما تساوت في عيوني مع جناحين الذبابه

اذكر اني كنت عايش بالليالي الأوليه
واذكر اني كنت عايش بأحضان غابه

ما عرفت الا عباره مثلها مثل الوصيه
عيش عمرك ذيب تسلم من مخاليب الذيابه





م/من أشعار حامد زيد..

بعثرتهم هيبتي 19-02-2011 10:50 PM

صح لساااانه

تسلمي اختي ع النقله

دلعي يميزني 19-02-2011 11:11 PM

حامد زيد من افضل الشعراء عندي
وقصائده رائعه جدا..

شكرا عزيزتي ع الاختيار

ومضة حياة 19-02-2011 11:25 PM

قصيدة جميلة جدا
تسلمي حوراء على هذا الاختيار
دمتي بخير وعافية

كحل العين 19-02-2011 11:51 PM

وايد حلوة اشعارة ع الرغم مو كثير اسمع لة بس مألوفات أحيانا

قلبي منهار 19-02-2011 11:53 PM

السلام عليكم ورحمة الله وبركاته

صح الله لسااان قاايلهاا وتسلم يمين الاطرحهااا

ربي لاهاانج

تقبلي مروري عزيزتي..

ملك القلوب 20-02-2011 02:08 PM

والمهابه ما تهادت غير لنفوسا رديه

ليت في قلب الليالي للفتى قدر ومهابه

دنيا تجمع صفاتين الخجل والعنجليه

كنها بنتا يزود بحسنها ثقل وذرابه

شكرا ع طرح القصيدة ربي ما يحرمنا منك ومن جديدك موفقة

حوراء الحصن 23-02-2011 12:40 AM

شكراً لكم جميعاً على التواجد..
بوركتم..

عابرة سبيل 23-02-2011 12:20 PM

ما عرفت الا عباره مثلها مثل الوصيه
عيش عمرك ذيب تسلم من مخاليب الذيابه



حامد زيد في القمه


يسلموو يالغلا


الساعة الآن 03:02 PM.

Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By Almuhajir
لا تتحمل منتديات حصن عمان ولا إدارتها أية مسؤولية عن أي موضوع يطرح فيها

a.d - i.s.s.w