 |
منتديات حصن عمان
(http://www.hesnoman.com/vb/index.php)
- برج المقال والقصة
(http://www.hesnoman.com/vb/forumdisplay.php?f=20)
- - يوميات شحطة (2)
(http://www.hesnoman.com/vb/showthread.php?t=11821)
يوميات شحطة (2)
السلام عليكم ورحمة الله وبركاته ..
حان الأن موعد عرض اليوم الثاني من يوميات شحطة ... والذي يناقش بطريقة بسيطة جدا .. قضية من قضايا المجتمع ...مع تمنياتي لكم بقضاء وقت ممتع .... بسم الله ... نهضت شحطة الصبح متأخرة ... فمن البديهي أن الباص يروح عنها خاصة اذا كان بو يسوق هو خميس .. المهم هي تجهزت وراحت تنهض أخوها العود علشان يوصلها المدرسة ..... و الغم ان حمدان ما ينهض بسهولة .. وهذا شي طبيعي لأن دوامه الساعة تسع .... المهم في الموضوع أن شحطة وصلت المدرسة ..... ومثل الحلقة الماضية الاستقبال الاول يكون من عويش وصار الحوار التالي : عويش تزعق بأخر صوت : مانروم مانروم يا حرمه ،، مو كل ذي الكشخه ؟! شحطة وهي مستغربه وتفرك عيونها : بسم اللهـــ .. مو هو بو ماتروميله ؟! عويش : باللهــ عليش خبريني ... حد يجي المدرسة ببيكاب حمره ؟!..واللهـ فضحتينا شحطة تفكر وتسأل : ومو فيها البيكاب الحمره ؟؟؟ يعني من هين باغتني أجيب بيكاب صفره ؟! عويش : اللهــ يهديش شطفة أقصد شحطة ..أنا مااقصد اللون أنا اقصد نوعها ..بيكاب مرة وحدة ؟! شحطة : مرة ومرتين ،، ترى ماعندنا غيرها يالخسفة ...ولا يعني ما باغتني أجي المدرسه ؟! عويش : علوه ماحد قال ما تجي ...تعالي لكن ما في بيكاب عاد ...فضيحة قدام البنات شحطة : واللهــ عاد أنا ما يهمّني البنات ...أهم شي سيارة توصلني عويش وهي تضحك : هيه صح توصلش صح ... لكن تعرفي حلو كان شكلش وانتيه نازله من البيكاب بس ناقص تخلي هايشة تركب ورى ... شحطة : هههههههه بايخه .. مرة ثانية بخليش انتيه مكان الهايشه عويش : الشيمة كان فيش شيمة لاتتأخري مرة ثانية ..نهضي من وقت وتعالي في الباص أحسن شحطه : زين زين .... ياللهــ خلا ..ترانا متأخرين على الحصة الاولى ... طلعن شحطة وعويش الصف ...وحضرن الحصة الاولى بشكل طبيعي ... الحصة الثانية ... عويش مارامت تمسك عمرها عن السوالف عويش : تعرفي شحطه .. يوم شفتش اليوم في البيكاب تذكرت زوينه شحطة : وانتي ما تجيش الذكريات غير في الحصة ؟ عويش : تراني تذكرت وخلاص شحطة : ارجوش عبّري عن شعورش يوم تخلص الحصة عويش معصبة : اوووف انزين يالفالحة بعد ما خلصت الحصة الثانية ..وجات الثالثة ... أبلتهم شحطة كانت غايبة ... فصارت فرصة لعويش انها تتكلم على راحتها عويش : اكمل لش سالفة ذكرياتي شحطة : فلنسمع يا أختاه وامرنا للهــ عويش : اللهـ يسلمش.. شي ..كانت عندنا في المدرسة طالبة اسمها زوينه .. كانت فشارية درجة كبيرة .. ما تسولف مع أي حد ... وبعدها يوم تتكلم بس تتكلم عن الفلوس بو عند ابوها وعن سياراتهم وثيابها واكسسواراتها واشيائها الثانية الي من باريس ولندن وروما ... البنية كانت مريشة على الأخر ... شحطه: انزين مو دخلني أنا عسب تذكريها ...؟؟! عويش : لأن انتيه جايه في البيكاب .. وهي ما تجي الا في البي أم لكن تعرفي البنات ما حد يطيقها منهن ...ويسمعن سوالفها بالغصب .. شحطه : حالموه عاد ما يطيقنها وهي معها كل هذيلاك الفلوس ؟! عويش : ترى هذا بو بايه أقوله أنا ... شحطة : مو يعني ما فهمت عويش : يعني هي اسلوبها في التعامل كان البر ماحلو مع البنات ... متكبرة مغرورة وما تضحك البر .... ويوم تشوف وحده قدامها تقول ( وخري وخري عني لا تعوريني) .. بمعنى ثاني ان فلوسها كلهن ما رامن يجيبلها ذرة أخلاق ..ولا حتى احترام من البنات .. شحطة: ترى الناس يا عويش جواهر ما مظاهر هو صحيح الانسان لازم يهتم بشكله ..لكن مااكثر عن اللزوم عويش : هيه والله صدقتي يوم قلتي الناس جواهر ما مظاهر .. لكن عاد ماتجي المدرسة في بيكاب ... شحطة : انزين انزين ..أقولش خلى المقصف نشري قبل الزحمة .. ترى ورانا حصتين رياضيات ولازم نكون مصحصحين ...! عويش : انزين خلا راحن المقصف وشرين وكلن ورجعن للحصص ... وبعد ما ضرب جرس الطلقة ركبن الباص ورجعن البيت .... وصلت شحطه البيت ... وتغدت مع خوانها وانخدمت لكن فالليل تذكر ت ان عندها امتحان في اليوم الثاني ...فراحت تفتح كتاب العربي علشان تذاكر قبل ما تنام ... فتحت الكتاب وحصلت رسالة بدون اسم ... قريت الرسالة وحطت راسها على الوساده وهي تفكر .. في الكلام الي قريته ... الين ما جاها النواد ونامت ... ترقبوا اليوم التالي ... أختكم زهور الماضي (orient) :S_004: |
متابعين معكم ...
وبانتظار البقية .. |
عليكم السلام ورحمة الله وبركاته ،،،
وصحيح الناس جواهر ما مظاهر ،، اسلوب شيّق ،، ننتظر البارت الثالث خخ |
: ) إبدَاع..
ننتظِر الجزء الثَالِث .. |
احلى هناك بيكاب مرة وحدة :S_004: خطيرة شحطة :idiot_alam: اكشششششششن صراحة
بس غريبة انها راحت تنام قبل لا تذاكر شيء من اللي قرته |
اقتباس:
بارك الله فيكِ ... |
اقتباس:
أشكر لك حضورك .. وقريبا البارت الثالث خخ |
اقتباس:
شكرا جزيلا ع الحضور الطيب ... ان شاء الله دوم هالطلة .. ترقبوا القادم .. |
اقتباس:
هلا والله أختي .. اشتقنا طلتك الحلوة ... اسعدني حضورك جدا ... شكرا لكِ جزيل الشكر ... ترقبوا اليوم الثالث ... وأطمنك ما بتكون شي بيكاب ف السالفة :idiot_alam: الكلام الموجود في الرسالى يخلي الواحد ينسى يذاكر :schmoll: |
وعاد من عند منو هالرساله لا تكون زوينه هههههه لا صح نسيت زوينه كانت في المدرسه قبل شحطه اسلوب قحي حلوو هههههه |
ههههههههههه هههههههههه
أنا تو قريت الجزء الأول وتفاجأت بوجود الجزء الثاني تحت ننتظر جديدك أختي وإلى الأمام إن شاء الله |
هههههههههه
حلوة حلوة القصة بكون من متابعااتها بس بسااافر قريب خخخخخخخخخخخ لكن عاد مااسم مو اسمها شحطة خخخخخخخ يسلمو اتريا الجزء الثالث لاتطولي |
أسعدني تواجدك الرائع ...
منورين الموضوع ... اليوم الثالث قادم.. بارك الله فيكم |
حلوووووووووووووووووووووووووووووووو
حركات عليهن |
آسف عالتأخير فالمرور .. ولكن الظروف كانت أقوى مني .. يا عيني عالبيكب الأحمررررر .. :S_009: شووووووووووووووححححححححححح .. :S_004: |
اقتباس:
تسلمي على الحضور الطيب ... تعالي زورينا كل يوم :thumbsup: |
اقتباس:
أخر مرة ولا تعيدها ... :S_022: يالله ما عليه أهم شي انك حضرت .. :thumbup1: أكيد مقدرين ضروفك :S_032: شكرا على التواجد الطيب والمتابعة الحلوة يالله ننتظرك في الحلقة الثالثة لا تتاخر .. شوووووووووووووووووححححح ا |
| الساعة الآن 03:27 PM. |
Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By
Almuhajir
لا تتحمل منتديات حصن عمان ولا إدارتها أية مسؤولية عن أي موضوع يطرح فيها