 |
منتديات حصن عمان
(http://www.hesnoman.com/vb/index.php)
- برج المقال والقصة
(http://www.hesnoman.com/vb/forumdisplay.php?f=20)
- - يوميات شحطه (5)
(http://www.hesnoman.com/vb/showthread.php?t=11989)
يوميات شحطه (5)
السلام عليكم ورحمة الله وبركاته ..
أخر عرض لأخر يوم من يوميات شحطة ...هو اليوم الخامس والأخير .. أتمنى لكم قضاء أطيب الأوقات ...والسموحة اذا أخطأنا على حد ... كالعادة نهضت شحطه الصبح تريقت وراحت تريض الباص .... بس الغربية انها ماحصلت عويش ... جا خميس وركبت شحطة الباص وهي تفكر في السبب بو خلا عويش تتاخر ...وصلت المدرسة خاص الدوام بس عويش ما ظهرت .... رجعت شحطة البيت وعلى طول راحت تتصل ببيت عويش تسأل عنها ...ورد عليها (اخو عويش) شامس..وصار الحوار التالي : شحطة : السلام عليكم شامس: وعليكم السلام شحطة : أنا شحطة ربيعة عويش .. متصله أسأل عنها شامس : عويش في المستشفي لاه شحطة منتزقه: مو هناك مو مستوي شامس : ترى اليوم موعد العملية بو حالها شحطة : مو من العمليات ..هي ما قالت لي شامس: مااعرف أوين صغير بعدني ماافهم ،، لكنها عمليه خطيرة شحطه : أوههووووو ماعندي خبر ...انزين أي مستشفي ؟؟ سجلت شحطة اسم المستشفى والقسم ورقم الغرفة ...وراحت عند أخوها حمدان علشان يوصلها العصر المستشفي تزور عويش ... وفي الطريق .. حمدان : ما تتأخري واجد أنا عندي شغل شحطة : مو شغل أحيدك عاد جاااي ؟! حمدان : مواعد رباعتي نروح نشوح في الشارع الجديد .. شحطه : لا اله الا الله انته ماتوب عن ذي السوالف ؟! مازين ياخوي حنوه محتاجينك حمدان: نوبة أنا محتاجنكم ...لكن يعني مو ايستوي ...كم مرة عاد نشوح وما يستويلنا شي شحطه : هيه ياخوي لكن ترى مادايما تسلم الجره والاية الكريمه تقول (ولا تلقوا بأيدكم إلى التهلكة) حمدان يغير الموضوع : أنا اعرف محل يبيع ورود مو رايش تشليلها باقة انتي ورايحه شحطة: غاوي والله ..خلى .. دخلوا المحل واختاروا الورد وطلعوا بسرعة علشان تلحق تشوف ربيعتها ...شحطه كانت تفكر في حال عويش وتتمنى تشوفها قبل عن تدخل غرفة العمليات ...مسكينة خيفانه على ربيعتها مع انها كانت زعلانه لان عويش ما خبرتها ...لكن حمدان قطع تفكير شحطة بسواقته الي ما ترحم .. شحطة : شوية شويه حمدان عن تقتلنا حمدان : تراني مواعد الشباب ما يستوي اتاخر شحطة : تو انته ما تسمع الكلام ...أموه باغي تبيع عمرك؟ حمدان : ماابيع عمري ...قلتلش ما ايستوي شي ..تراها الا كم ساعة وبس شحطة : اللهـــ يهديك ...ما حد يعلم الغيب يا حمدان ...ليق عن ذي السوالف وسمع الكلام حمدان معصب : .. تراش طفرتيبي حشى ماتخلي حد في حاله ..انطمي عن تو اكرخش شحطة : اللهـــ يهديك يا خوي العود ..ماعندنا حد غيرك في ذي الدنيا ... حمدان : يالله يا كريم .....شكلش ما رايمة تسكتي انا اراويش ويشوح بسيارة في الدوار ...وتنقلب ...تطلع روايح التواير وصوت الدقيق ...كما الفيلم الهندي بالضبط ...عاد انتو تخيلو وحدكم تجمعوا الناس وحاولوا يطلعو شحطة وأخوها ..لكنهم كانوا في عداد الموتى انا لله وانا اليه راجعون ..من الصوب الثاني وصل الخبر عند خلفان وسعيد اخوان شحطة ..ماراموا يتحموا الخبر وعقوا عمرهم من فوق السطح وماتوا ... أما عويش فدخلوها غرفة العمليات ...لكن العملية فشلت وماتت ...والمصيبة الاكبر...حيانها يوم سمعوا الخبر ...جاتهم سكته قلبية وماتوا كلهم ... خميس احترق هو والباص والمدرسة وكل الي فيها ..... لم يبقى في اليوميات الا تلك الرسائل التي لازالت مجهولة السر ... ولا انسى باقة الزهور التي أصبحت من الماضي ... اتت هنا لتحكي بعض من يوميات فتاة الدهس (شحطة) وفي الختام ..لا يسعنا الا ان نقول ... (لا اله الا اللهـــ ...وانا لله وانا اليه راجعون) النهــــــــــــــــــــــــــــــــــــــــــــــ ـــــــــــاية أختكم زهور الماضي (orient) فمان الله |
إنا لله وإنإ إليه راجعون
بعد كل ذلك التشويق والإثارة في الأجزاء الأربعة السابقة يأتي الجزء الأخير بكل مافيه من مفاجآت وياليتها مفاجآت سارة كلها موت يعني كما الفيلم الهندي اللي تكون نهايته موت البطل لكن المشكلة ما موت أبطال القصة بس ولكن المشكلة الكبرى إن لحد ألحين ما حد عرف مضمون الرسايل مال شحطة الله يرحمها خخخخ خخخخخخخخخ على العموم شكراً لك أختي زهور الماضي (orient) على كل التشويق والإثارة التي أضفيتيها علينا في هذا المنتدى بهذه اليوميات وبارك الله لك هذا الإبداع دمت مبدعة متألقة دائماً إن شاء الله |
سبحان الله كلهم ماتو :shutup:
يا بوي هذه ما قصة كذاك حوه عليش شريرة وحدة بس موه انسوي ... جريمة انتي لما اتمسكي القلم عدتي لا تكتبي قصة مرة ثانية :S_004: تقتلي الناس جالسة |
النهايه مغلقه..وسر الرسائل لا احد يعرفها ...
قصه حزينه ..والعبره لمن اعتبر بارك الله فيك |
اقتباس:
عاد تو منتفخة ماحد قدي ... شكرا على المتابعة وبارك الله فيك ... قصدت عدم ذكر سر الرسايل :S_004: |
اقتباس:
ا يهمك استاذتي ...مرة ثانية بقتلهم وانا واقفه ... :S_004: حوووووه عدنا ما بنمسكه القلم ... :idiot_alam: يسلم لي مرورك الطيب ... |
اقتباس:
ويبارك فيك أختي ... اشكرك على التواجد الطيب .. :thumbsup: |
كلهم ماتوا في النهايه:crazy:
و الرساله:shutup: انا اعرف شنو مكتوب قالتلي شحطه بس ما اقولكم اللي مكتوب تعرفي تشوقي الناس في قصصك بارك الله فيك كتبيلنا قصص ثانيه بس لا تخلي الابطال يموتوا:S_004: انا بكمل القصه عنش انتي نسيتي تكملي السطر الاخير::essen: و استيقظت شحطه من رقادها و عرفت انه كان مجرد حلم :idiot_alam: و كالعاده اليوم الثاني جلست تريض الباص مع صديقتها عويش:) drawGradient() |
ههههههههههههههههههههههه ..
أقووول زهوووورررررر بـــــــــاه ,, ما كنششش هزمتي الأفلاااااااام الهنديه .. ؟؟ :S_003: :S_003: ثــانكس عاليوميااااااااات .. :bye1: |
لتوقعت يكون النهاية شئ مجهووووووووووووول
هههههههههههههههههههههههههههههههههههههههههههههههههه ه تسلمي !!!! |
يوميات ولا يوميات ...يؤسفنا ان تكون النهايه ...
بارك الله فيك اخيتي .... عودتينا على سردك القحي الأكثر من رائع .... سنفتقد شحطه ...والكثير من الشخصيات الرائعه .... دمتي بحفظ الرحمن .... |
اقتباس:
على سيرة الجملة الاخيرة ذكرتيني باغنية قديمة اسمها (عيني عيني ..يغنوها مطربين ما أتذكرهم ) أسعدني مرورك .. شكرا جزيلا :idiot_alam: |
اقتباس:
البطل عندهم يطيح من الجبل ...ويضربوه بكل أنواع الأسلحة .. بعدين تدعمه سيارة بعدين باص ...والشاحنة لها نصيب ... بعدين يزيدوه كم بوكس على كم كف ... وكل الجروح فيها ...ويتصلل دمان ... وبعده ما يموت .. تسلم على المرور .. :S_004: |
اقتباس:
ثانك على المرور الحلو .. نورتِ :) |
اقتباس:
دعواتك لهم بالرحمة :S_004: بارك الله فيكِ |
:) بصراحة نهاية عجيبة ..
مشكورة أختي .. ما توقعت تكون هذي النهاية .. كلهم ماتوا .. الله يرحمهم .. :P تسلمي .. :) |
| الساعة الآن 01:41 PM. |
Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By
Almuhajir
لا تتحمل منتديات حصن عمان ولا إدارتها أية مسؤولية عن أي موضوع يطرح فيها