 |
منتديات حصن عمان
(http://www.hesnoman.com/vb/index.php)
- برج المواضيع العامة
(http://www.hesnoman.com/vb/forumdisplay.php?f=145)
- - اي نوع من الاطفال كنت وبصراحه!!!...........
(http://www.hesnoman.com/vb/showthread.php?t=14649)
اي نوع من الاطفال كنت وبصراحه!!!...........
لما كنا صغار كانت الدنيا علوم لكن لما كنت صغير اي نوع من الاطفال كنت .. الطفل البريء .. في البيت تلاقيه حبوووب وطبيعي 100 % لكن مع دخوله المدرسة .. ( تنمحي ) شخصيته .. فتكثر الاصابات في وجهه .. لأنه مايدافع عن نفسه .. الطفل العنيد يطبق نظام البيت بالعكس .. يسوي اللي براسه .. مايخاف من الماما او البابا .. لو قلت له هذا خطر لاتقربه .. عناد فيك يسويه .. ياكثر مايضرب في طفولته .. ومع ذلك عنيد مايغير رايه .. الطفل الحنّـان يستخدم وسيلة الحنة لتلبية رغباته له نغمه خاصه في البيت.. تلبى رغباته غصب عنك .. يعانون اهله من الصداع المستمر .. الطفل المادي هذا الطفل مايرد السلام الا ( بفلوس ) .. تعامله مع اهل البيت .. مادي بحت .. يستخدمونه لتوصيل طلبات المنزل .. ونقل السوالف.. وكل شي بحسابه .. الطفل الفتّــان تلاقي عند هذا النوع جميع اخبار البيت .. يلاقي المتعه في اذلال غيره بالفتنه عليه .. ماله خاتمه .. هذا الطفل حتى لو شريت سكوته بفلوس .. توقع تلقى اخبارك ثاني يوم في الصفحه الرئيسية .. في الجريدة الرسمية .. الطفل الدلوع هذا دلوع ماما وبابا .. يكرهونه باقي الاطفال لانه مرفه وشايف نفسه عليهم.. تلبى رغباته قبل ليطلبها .. شخصيته اتكاليه جداً .. الطفل العله يزعجك بأسئلته الي ماتنتهي .. يستفسر من كل شي .. حتى لو عطست .. قالك شلون عطست .. وليش عطست .. وشلون تكونت العطسه .. يحرجك احياناً .. ويمكن دائماً بأسئلته .. مره تجاوب عليه ومره تسفهه .. واكثر الاوقات ماتلقى اجابه لاسئلته .. لانك في الحقيقه تجهلها .. الطفل الداج هذا الطفل مستحيل يجلس في البيت.. يعيش في الشارع اكثر من بيته .. خبره ودليل في كل ممر وطريق .. يعرف طول الشارع بالسنتيمتر .. من الممكن ان يصبح اذا كبر مهندس طرق .. الطفل الملسون يستانسون اهله على سوالفه .. فصيح جداً .. ويلقط العبارات والمفردات بسرعة مذهله .. يسبب احراج دائم لأهله .. يمكن يقول كلمة بالغلط للضيوف او الاقارب .. يتميز احياناً بقلة الذووق والوقاحة اذا انفعل .. لاينصح بأستفزازه ابداً .. الطفل اللزقه تلقاه مسنتر عند باب البيت .. محد يطلع الا وهو لازق معاه .. حتى الضيوف من الممكن تلقاه يلزق فيهم ويطلع معاهم .. ياكثر ماينضرب .. وخاصه من اخوانه اللي اكبر منه .. او خواته .. لانه عباره عن رادار على طلعاتهم .. احياناً يضطرون يطلعون من شباك البيت للهروب منه .. ولكن للأسف يلاقونه بانتظارهم في السيارة ..ويسألهم ليش تأخرتوا عليّ .. الطفل الهادي هذا الطفل ماله صوت ابد .. وين ماتحطه تلقاه .. احياناً يهملونه اهله .. لانهم ناسينه .. واحياناً يلقى اهتمام زائد من اهله .. لو يموت من الجوع ماتكلم .. في كثير من الاحيان تلقى اهله ناسينه بالسوق او عند الاقارب اثناء الزيارات .. الطفل القوي اهله دائماً في احراج و مشاكل مع الناس .. هرمون الاجرام مرتفع بنسبة عالية في جسمه .. في كل جبهة طفل في ( منطقتهم ) تلقى له أثر وتوقيع .. يمثل القائد والفتوه .. يهابونه الاطفال .. يتقرب منه الكبار ويتوددون له حفاظاً على سلامة اطفالهم .. ===================== يالله أنتظر تفاعلكم يالله اعضاء طلعوا الفشايل ... ولا تستحون هههههههههه:in_love: |
هلا أختي ..
شكرا ع الموضوع .. بس ياليت تغيري لون الخط لأني ما قدرت أقرأ شي |
:) ..
الصراحة ولا واحد من هذولا .. ==> لأني ما أذاكِـر أصلاً كيف كِنت .. . . شُكرا أختِـــي .. وأرجو منّك في المرات القادمة استخدام لون خط مناسب .. :40: |
آآآآآآآآسفه حبيباتي والله غلط مايتكرر مره ثانية
|
اقتباس:
حتى ف البيت أو لما نروح مكان ..ولا ف النت .. هادية وما اتكلم .. ولا حتى حس لوجودي .. الله يحفظني .. شكرا ع الموضوع |
انا بصراحة كنت الطفل الدلووع
هذا دلوع ماما وبابا .. يكرهونه باقي الاطفال لانه مرفه وشايف نفسه عليهم.. تلبى رغباته قبل ليطلبها .. شخصيته اتكاليه جداً مشكووورة اختي كلي ذوووق تحياتي |
اقتباس:
: كلي ذوووق , لَكِ الشُكر _^ |
اقتباس:
:S_004: شكلكْ يَوم كَبرتِ تفجرن طَاقات "الكَبت الهدوئي" _^ |
اقتباس:
وهذا الي الكل يعرفه عني حتى هذه اللحظة .. لاحظي ما اتكلم ..واذا تكلمت هن حرفين لا غير.. لا ربشه ولا شي .. ولا حتي كاني موجوده .. فديت هدوئي أنا .. انتِ بس تغاري مني لأنك عكسي :S_004: |
أنا أوسط إخوتي،
حينما كنت طفلا، كنت لا أشعر بالاهتمام. كنت هادئا إلى درجة أن زملائي في الدراسة كانوا يقولون أنه "هدوء يثير الأعصاب". كنت دائما ميالا للمرح والمزح ولازلت. وكنت أعشق اللعب وأعود في المساء وكأنني أشتغل "ميكانيكي" وقد أتعبت كثيرا والدتي وأخواتي البنات، ولأجل ذلك أخذت الكثير من الضرب المبرح من والدي -رحمه الله-. |
اقتباس:
:S_004: :S_004: ردكْ أكبر دَليل عَلى هدوئك ..:busted_cop: |
والله يقولولي إني كنت طفل عنيـــــد عالأصول ... بس الله وأعلم ما أتذكر ...؟
الغامض :) |
الطفل الدلوع هذا دلوع ماما وبابا .. يكرهونه باقي الاطفال لانه مرفه وشايف نفسه عليهم.. تلبى رغباته قبل ليطلبها .. شخصيته اتكاليه جداً .. فديتني أنا دلوووووووووووووووعة يسلمووووو كلي ذوق على الموضوع الروعة |
أنا كنت الطفل الدلوووووووع :S_018: مرررررررررة دلوعة خخخخ |
|
وان أتى الامر علي
فعندي مزج بين كثير من الصفات وليست صفة واحدة أهمها العناد فكنت ألتقى المكافأة المحترمة :S_004: بس الحين عقلنا |
الصراحة كل الصفات كانت موجودة
|
| الساعة الآن 04:19 PM. |
Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By
Almuhajir
لا تتحمل منتديات حصن عمان ولا إدارتها أية مسؤولية عن أي موضوع يطرح فيها