 |
منتديات حصن عمان
(http://www.hesnoman.com/vb/index.php)
- برج الشعر
(http://www.hesnoman.com/vb/forumdisplay.php?f=19)
- - خـطــــار - قصائد حب
(http://www.hesnoman.com/vb/showthread.php?t=17628)
خـطــــار - قصائد حب
خـطــــار - قصائد حب تأليف المرحوم أبي ضاري إعداد و إلقاء : د . عدنان جواد الطعمة http://iraqifn.hits.io/Khitar.rm تميز شعر المرحوم أبي ضاري ( سالم خالص ) بالرقة و العواطف الجياشة الإنسانية البديعة . ففي هذه القصيدة يصف المحب أو المحبة في حالة من اليأس و التأمل في أبهى الصور والتشابيه ، قائلا : واللي يموت ابشوفتك يا مسعده او هنياله ، الذي يموت برؤيتك و قربه منك فهو سعيد و محظوظ و هنيئا له . وفي مقطع من قصيدته يصور عندما يغيب الحبيب كيف تصبح دقات قلب المحب أو المحبة لحنا شجيا رائعا . فلنقرأ وإياكم هذه القصيدة : خـطار خطار عندك و العمر : بـاچـر یشد ارحالـه واللی یموت ابشوفتك يـا مسـعده او هنيالـه متع شبابك و ابتسم من دنيتك فرصه اغتنم واتركني بنياب الـسـگم ماريد أشوفن دمعتك . . . فـوگ الوجن هـمّـالـه دنياي أنه عبرة وكت عوف الطبيب ابحالـه خطار عندك و العمر : بـاچـر یشد ارحاله * * * خطار عندك و الحزن : ويّه الـگلب صاير حلف ما أطمع ابغير الوصل . . ما أطمع ابغير العطف مطعون بسويد الـگلب . . ودموع عيني ما تجف محتاج للحب و الوفه . . محتاج : حـنّـيّـه او لـُطف مشتاگ أشوفك بـِالهنا واغفه على زندوك سنه واگضی العمر ویاك أنه او لو غبت مشوار اعتقد هالگلب يصبح عاله و تصير دگاته لحن من یحس بيك اگباله خطار عندك و العمر : بـاچـر یشد ارحاله * * * خطار عندك و انتظر . . يوم الرحيل بلهفه مطعون و صوابي كلف ما تنفع المستشفه طش الدوه او عزي الـگلب واحرگ ابناره الوصفه متعوب نحّـلني الهوى و سِّـدني بلچن أغفه خطار . . . آنه بدنيتك عطشـان ... أريد مروّتك غـمّـض اعيوني ابضحكتك عمري : سراب او ينتهي أو بالعمر ماكو اچماله یگضي او حزن كل البشر يندفن حدر اذياله خطار عندك و العمر : بـاچـر یشد ارحاله * * * خطار عندك و الهوى : بالروح ثبّت سهمه و الـگلب یا ولفي صفه . . مخزّن عذابه أو ظلمه گلب المُحب : مثل الطفل . . من العطف لتحرمه مدري اشردت أحچي بعد ؟ ضيّـعت أجمل چلمه حلوه او أعز من دنيتي او إلها علاقه بدمعتي ذكرني شنهي احـچایتي لیش أنسه من نگعد سوه ؟ مَتـگلـي شن هالحاله ؟ بس آنه ؟ لو كلمن يحب ما يظل كلشي ابباله ؟ خطار عندك و العمر : بـاچـر یشد ارحاله * * * خطار عندك و الـگلب : من لوعته یتحسّـر یتمنه لو سار النعش . . عن الجسـد يتأخّـر رايد عمر أطول بعد و يعيش وياك أكثر لتضيّع أيّامك هدر ويّـاي .. يا ريع العمر إبعد .. إلك كل العذر بيتي : جهنّـم و الحزن : آنه اصبحت تمثاله معذور إلك كل العذر لو ردت ما تدناله خطار عندك و العمر : بـاچـر یشد ارحاله * * * خطار عندك و ايّست واصبحت سود أحلامي او خلصت شمعتي و الفرح : شح بتوالي أيامي صدگني كل هَـمْ ينجلي من تبتسم جدامي غالي او عزيز او شوفتك : تطرد جميع آلامي لكن : أريدك تبتعد عن العذاب او تنسعد ماريد گلبك ينمرد شگ من سجلّـك ورقتي واتركني بتعس حاله واختار مثلك أريحي . . . يصفالك او تصفاله خطار عندك و العمر : بـاچـر یشد ارحاله دنياي أنه عبرة وكت عوف الطبيب ابحاله شـرح بعض مفردات القصيدة خطار = ضيف بـاچـر = بكرة ، غدا الـسـگم = السقم . المرض فوگ = فوق عوف الطبيب = أترك الطبيب الـگلب = القلب بسويد الـگلب = بسویداء القلب مشتاگ = مشتاق واگضي العمر ویاك = و آقضی العمر معك مشوار = لحظه هالـگلب = هذاالقلب دگاته = دقاته إگـبـاله = أمامه و صوابي كلف = و جرحي بليغ ، عميق طش الدوه = إرمي الدواء واحرگ = و احرق الوصفة = وصفة الطبيب ، الراجيته چلمه = كلمة بلچن = لعلّ ، عسى بلـچن أغفه = لعلي أنام و أغمض عيني ماكو اچـماله = لا توجد إضافة يـگضی = ینتهي ، يقضي أحچي = أحكي إحچـایتی = حکایتی نـگعـد سوه = نقعد ، نجلس سوية مـتـگلی = إذن قل لي صدگني = صدّقني صدگني كل هم ينجلي = صدقني بأن كل هم سيزول شـگ = مـزّق أريحي = لطيف ، و مرح ألمانيا في 29/ 5 / 2008 |
القصيدة رائعة جدا دكتور ، أعجبتني هذه القصيدة فعلا
والصراحة أنني فهمت أغلب معانيها قبل أن أنزل لشرح المفردات فقد تنبهت اخيرا لتلك الحروف التي تستخدم في اللغة الفارسية ، وعرفت نطقها جيدا ، ولك جزيل الشكر أستاذي الفاضل د . عدنان أشكرك كل الشكر على هذه القصيدة الجميلة التي تحمل بين ثناياها الكثير من الجمال الله يرحم الشاعر أبي ضاري ملحوظة نحن في عمان نستخدم كلمة ( خاطر ) بكسر الطاء بمعنى الضيف........... |
رحم الله شاعرنا الكبير
فعلا احساس رقيق ومرهف لك الف تحية دكتور /عدنان الطعمة |
الف الف شكررررررر دكتورنا
بصراحه يعجز لساني عن التعبير بصراحه كلمات راااااااااائعه رغم صعوبه مفرداتها تحياتي |
رائعه الكلمات
شكرا لك |
| الساعة الآن 11:24 PM. |
Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By
Almuhajir
لا تتحمل منتديات حصن عمان ولا إدارتها أية مسؤولية عن أي موضوع يطرح فيها