 |
منتديات حصن عمان
(http://www.hesnoman.com/vb/index.php)
- برج المواضيع العامة
(http://www.hesnoman.com/vb/forumdisplay.php?f=145)
- - (( عريسنا المسكين .. ولهيب الأسعار )) .. بقلمي ..
(http://www.hesnoman.com/vb/showthread.php?t=18739)
(( عريسنا المسكين .. ولهيب الأسعار )) .. بقلمي ..
(( الأسعار زادت ومهر بنتي لازم يزيد )) عريسنا المسكين رايح يخطب ، فـ لما وصلوا إلى نقطة التفاهم على المهر والمشتريات ، قال الأب : بنتي مهرها 8 آلاف ، وعليك الخيمة ، والعزومة ، والفرقة الموسيقية ، والذهب لازم تشتري لبنتي بــالقيمة الفلانية ، وإذا ما تبي تتعب نفسك بسبب كل هالأشياء ، نخلي المهر 14 ألف ريال ، ونحن كل شيء علينا ، هااه ولدي ، (( مو قلت ؟؟ )) إيش بيقول المسكين !! خليه يشرب كوب ماي أول شيء ، (( غص )) من اللي سمعه منك . الله يسامحكم يا أولياء الأمور على اللي تفعلوه في حق هؤلاء الشباب ، واللي تفعلوه أيضاً في بناتكم ، جعلتم الزواج كالتجارة المربحة لكم ، وجعلتم بناتكم كالسلعة المتاجَرِ بها ، إتقوا الله في حق بناتكم ، وحق هؤلاء الشباب المساكين ، هم مثل أبنائكم ، أترضون أن يفعل هذا في إبنكم ؟؟ سؤال آخر يا ولي الأمر ، هل تريد الحياة الزوجية السعيدة لإبنتك ؟؟ كيف سَيُعيشها زوجها في سعادة وهو اكيد راح يتجه للبنوك لتلبية طلباتك ومهرك الكاسح للظهر !! (( معرسنا المسكين عالق في دوامة التفكير )) ( واافقري ) جونية الأرز وصلت بـ 35 ريال ، هااه يا عريسنا الحلوو ؟؟ يا ترى ستعزم الناس على عزيمة أرز ولحم كالعادة ، أو بتخليها (( هريس )) ؟؟ بس حتى جونية حَبْ (( الهريس )) زاد سعرها !! هااه ، على شو بتعزم الناس ألحين ؟؟ (( معرسنا يحب البنت ، فـ لازم يتصرف )) معرسنا المسكين جاعد يفكر فالحل ، فــ ما لقى غير إنه يقدم على قرض ، ويباشر المخاسير الثانية ، لكن فالسابق لنفترض بأنه الواحد بيتسلف 10 آلاف ريال ، بس ألحين كم يا ترى لازم يتسلف عشان يغطي مصاريف العرس ؟؟ 15 ألف مثلاً ؟؟ وكم سنة يا ترى لحد ما ينهي هذي السلفية ؟؟ 30 سنه ولا أكثر ؟؟ وما يبي بيت عشان يسكن فيه ؟ بتقولوا يسكن فـ بيت أهله أول كم سنه ، بس من بعد ما الله يرزقة بالذرية الصالحة وين بيسكن ؟؟ إذا الأرض ألحين فـ مكان بعيد عن العاصمة بتوصل ما بين الــ 25 ألف ريال والــ 45 ألف ريال ، وهذي طبعاً الأراضي الصغيرة ، مبــ كبيرة الحجم ، يعني اللي حجمها ما بين الـ 600 والـ 800 متر ، وإذا بغى يبني عليها بيت حلو وصغير ، كم يا ترى بيكلفه ؟؟ طبعاً الكل يعرف مرض إرتفاع الأسعار المنتشر فالسوق ، سواء من فالمواد الإستهلاكية أو مواد البناء وغيرها ، والمرض جاعد ينتشر ، فهل يوجد علاج أو دواء لهذا المرض ؟؟ (( تتوقعون مصاريف العرس الزائدة راح يخفف منها الناس ؟؟ )) يا ترى في ظل غلاء هذه الأسعار ، ودخول موسم الأعراس في عماننا الحبيبة ، هل عادة الإسراف في أعراسنا راح تقل ، أو بتزيد ؟؟ العرس فــ صالة الفندق الفلاني الفاخر ، وعلى صوت الفرقة المشهورة الفلانية ، والزفة في سيارة (( لومزين )) ... ألخ . (( همسة في أذن أولياء الأمور )) لا يحفظ المال إلا بـ ثلاث : جمعه من غير ظلم ، وإنفاقة من غير سرف ، وإمساكة من غير شح . الدكتور : مصطفى السباعي . اللي جعلني أكتب فــ هذا الموضوع ، قصة صارت ويا زميلي ، اللي حب بنت عمه ، وللأسف تم إستغلاله ، ومن من ؟؟ من اهله ، فهذا الأهل يسوا كذاك ، فـ كيف الغريب !! الله يسامحك يا اولياء الأمور . (( الكلام موجه للبعض وليس الكل طبعاً )) وقــاص ^^ |
قلمك نطق بالواقع .. وجسد حقيقة النفوس ! استغرب من ولي أمر يرفع مهر ابنته ومن غير الشروط المبالغ فيها ! وكأن ابنته اصبحت سلعة تباع وتشترى !! والأدهى من ذلك عندما تجد أحدهم يتفاخر بالشروط التي طلبها على العريس " المسكين " أين دور البنت في ردع ذلك الطمع ؟! أم هي ترضى بأن يتقدم لها شخص وعليه من الديون بعدد شعر رأسه وأكثر ؟! كيف ستعيش ؟ وإلى متى تستمر حياتهم لدفع تكاليف ما تم صرفه في ليلة واحدة ومهر !! الله يعين الشباب ! والله يسامح كل صاحب ضمير ميت ! شكرا لك أيها المبدع |
في الماضي كان المهر لا يزيد عن 50 ريال والأن 8 آلاف ..
شي عجيب .. يعطيك العافية على الموضوع الرائع .. |
صدقت اخي وقاص هذا الواقع ياللي قاعدين نعيشه للاسف الاهالي اذا احد جا يخطب بنتهم يزيدوا فالمهر لين القيمة الفلانية ولكن اذا راحوا يخطبوا حق ولدهم ما يبقوا احد ما يشيلوه لتقليل المهرالمطلوب على ولدهم يعني رضوا على ولد الناس وما رضوا على ولدهم لان فلوسهم ماتهون نتمى والله مع غلاء الاسعار يعقل بعض الاهالي عن رفع المهور وشو ياللي مأخر شباب كثير عن الزواج الا هذي القضية نسال الله يهدي الاهالي ويراعوا الشباب مساكين تقبل مروري اخي وقاص |
الزواج صار صفقة تجارية ...
لهالدرجة وصلت المهور ؟؟!! المظاهر و الفشخرة هم بعد تلعب دور ف غلاء المهور ... تسلم على الطرح ... |
( واافقري ) جونية الأرز وصلت بــ 53 ريال ، هااه يا عريسنا الحلوو ؟؟ يا ترى
ستعزم الناس على عزيمة أرز ولحم كالعادة ، أو بتخليها (( هريس )) ؟؟ بس حتى جونية حَبْ (( الهريس )) زاد سعرها !! هااه ، على شو بتعزم الناس ألحين ؟؟ """"""""""""""""" جميل كتاباتك مرة حمااااااااااااااس تراه هذا الليس حاصل تو |
الله يعين الشباب على مصاريف الزواج
والشاب أكيـد راح يدفع لهـا دام يحبها وباغيـها http://www.hesnoman.com/vb/images/smilies/S_004.gif بس الرجال في هذه الحالة بيغرق نفسه فالديون أهم شيء هم الأم والبنت هم اللي يقولون نبي كذه ونبي كذه وإطلب منه كذه وبنت الجيران عملوا حفل العرس تبعها في قصر فلان وحنا مب أقل منهم الله يعين الشباب ويعين الكل لأن هالزمن صار كذه تعاملاته أخوي موضوع ممتاز ومشكور على الجهد الممتاز وشكراً |
اقتباس:
صرخة وحده من الأب وتسكت .. وأغلبهن البنات يبغن يشردن من البيت ويتزوجن .. يخافن عن قطار الزواج يخطف عليهن ويفوتهن .. أشكرك عالمرور درة .. |
اقتباس:
وألحين 4 بــ 100 بيسه .. / ثــانكس عالمرور .. اقتباس:
أما أولاد الناس عادي .. يغيبووا .. / أشكرك عالمرور .. منوره ^^ اقتباس:
أولياء الأمور يتحدون ألحين .. وعاد إذا كانت تشتغل مكان ( سكني تجاري ) يعني بيخرفوك زين ما زين .. / ثــانكس عالمرور .. اقتباس:
اقتباس:
فالأخير لازم نستسلم .. ونروح للديون .. وخاصة إذا كنا نحب بعض .. والواحد أحسن له الزواج .. ماشيء فايده من وحده حال وحده .. بس تقول حال من !!؟ :icon9: |
صدقت اخوي وقاص بس شو الحل اذا الاهالي راسهم يابس:icon9: مافي حل الا المبادل وكل حد يتكلف بمصاريفه عاد وين بتلاقي حد يبادل خخخخخخخخخخخخ بالفعل مشكلة عويصة |
اقتباس:
فيه .. بس إذا راتب البنت أصلاً في يد أبوها .. فكيف راح تساعد المعرس ؟؟ أنا أعرف وحده .. دفعت نص مهرها حال زوجها اللي تزوجته << أدور وحده كذاك :4: |
وقاصووووووو موضوعك حلو مرة وجبتها صح بس انت تفهم من عاد ؟؟؟ الدنيا صارت نار فهالغلا واولياء الامور صار همهم الفلوس اللي ياخذوها من المهر وما همهم الديون اللي يترسوها فشعر العريس وااااااااااااا حليلة 00000000 تحياتي سوووووووسوووووو
|
الله يعينكم يالشباب
صح فعلا المهور صايرة تزيد وتزيد بس ما كل المناطق مثلا منطقة الشرقية طبعا ما كل الشرقية المهر يكون 4000 بس بعده اشياء واجد على العريس مثلا القاعة اللي تو واصلات 700 والاكل اللي ما اعرف كم يكلف والمصورة والكوشة وبعد تريد تسافر ووووو بس بعدة احسن عن بعض المناطق صراحة انتزقت واااجد من الباطنة بعض المناطق فيها وصل 9000 حشى عاد ما عروس ايش يعني بتشتري بهذا الفلوس كلها تراه مرد الديون بيطيح فرأس الحرمة محد بيتعب كثرها هي اللي بتتحمل اتمنى كل بنت حتى لو هي ما تقدر تقول حال ابوها ان مايكون المهر غالي تقدر ما تسرف الفلوس كلها تخليهم وبعدين تعطيهم زوجها بس للاسف الحريم ما يهمهم غير السوق والشرية الله يعين |
| الساعة الآن 02:20 PM. |
Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By
Almuhajir
لا تتحمل منتديات حصن عمان ولا إدارتها أية مسؤولية عن أي موضوع يطرح فيها