ضمى قلبي 10-03-2009 05:11 PM بضم صدرك لين تصبح على خير...   إفتح شبابيك الهوى جيتك اليوم بإحساس من زود الوله عده يطير جيتك مثل طفلن له أيام محروم عن حضن أمه أبعدته المقادير وجيتك مثل عودن له أيام مهموم وده يلاقي بأخر الوقت تقديــر وجيتك حضن عاشق وهايم ومغروم وده يضمك لين تصبح على خير متى تحس إن الهوى شي مقسوم من قسمة الخالق على خلقه يصير ومتى تحس إني لك أطيح وأقوم وأتعب على شانك وأقدرك وآغير لي في هواك أحلام وأمال وعلوم وأحزاب وأصحاب وقصيد وجماهير وهموم وأفكار وهواجيس وحلوم ودروب وأخطار وعذاب ومشاوير وحب وغلا وإخلاص ومعاند ولوم وإحساس وإلهام وشعور وتفاكير وصحبة سهر ومقاطعة لذة النوم وأشواق جياشه وعشق وتعابير في ذمتك مابان لك شي مكتوم من بعد ماصورت الأوضاع تصوير لاتحسب إنك شي عابر ومعدوم وتاريخ حبك فاق كل الأساطير كني لقيتك ........وكني قريتك في كل شي أتخيلك وأسمعك دوم وأتأملك في الوقت الأول والآخيرمن ماضي الأيام لايومك اليوم وغلاك عندي ماحصل فيه تغيير وأنا لك الله ماأقبل البيع والسوم ولا أرضى علي ولاعليك المخاسير لاْني الوحيد إللي على بحرك يعوم وإللي عرف مرساه في رحلة السير لحظه حبيبي قبل يسبقني النوم بضم صدرك لين تصبح على خير... وسلامتكم.. اعجبتني وحبيت انقلها لكم

نبــ المشاعر ــض 13-03-2009 04:31 PM يعطيك العافيه ضمى قلبي كلمات رائعه دمتي بود

savy 15-03-2009 01:31 AM نقلة حلوة ... شكراً ...:icon30:

*إبن الباطنة* 17-03-2009 02:22 PM شكرا لكي أختي ضمى قلبي كلمات رائعة....

ضمى قلبي 18-03-2009 12:13 PM مشكووووووووووورين ع المرور مروركم هو الاروع

الساعة الآن 08:12 PM.

Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By Almuhajir
لا تتحمل منتديات حصن عمان ولا إدارتها أية مسؤولية عن أي موضوع يطرح فيها

a.d - i.s.s.w