 |
منتديات حصن عمان
(http://www.hesnoman.com/vb/index.php)
- برج مطبخ حواء
(http://www.hesnoman.com/vb/forumdisplay.php?f=93)
- - خبز بالباشاميل ( وصفة جديدة )
(http://www.hesnoman.com/vb/showthread.php?t=28202)
خبز بالباشاميل ( وصفة جديدة )
السلام عليكم ورحمة الله وبركاته من زمان غايبة عن هالبرج بس من فترة اخترعت وصفة جديدة مدري يمكن حد اخترعها قبلي سويتها مرة بالنقانق ومرة الدجاج بس بالثنتين حلوة وانتو اختارا المهم خلونا بالطبخة اولا نبدأ بالمقادير : دجاج او نقانق على حسب الكمية ياللي تكفيكم , بص , ثوم , طماطم , طماطم معجون ,بطاطا, ففل رومي , فلفل حار , باذنجان, طحين , ملح , بهارات , ماء, حليب بودر, فلفل اسود اولا: بالنسبة للحشوة : اذا دجاج طبعا قبل لازم نخليه فماي عالنار لين يجهز وبعدين نقطعه قطع صغيرة ( واذا نقانق قبل تقطع شرائح دائرية صغيرة ورفيعة وبعدين نقليها لين تحمر فقط ) نقلي البصل في قدر مع الزين ونصيف له الثوم وشوية بهارات حسب الرغبة والفلفل الحار وفالاخير طبعا صلصة الطماطم . ثانيا: الباشاميل : على حسب كمية الحشوة فمثلا اذا الصاج راح يكون حجمه وسط بنحتاج 3 اكواب من الماء و3 ملاعق طحين و6 ملاعق حليب بودر مع رشة ملح وفلفل اسود و3 اغطية من الزيت ونخليها عالنار ونستمر فالتحريك لين تصير غليظة . ثالثا: الخضار الباقية : البطاطا والباذنجان والفلفل الرومي نقطعهم شرائح ونقليهم فالزيت والطماطم نقطعه بعد شرائح. اخيرا نجيب الصاج وندهنه بشوية من الباشاميل ونصف فوقه الخبز طبعا كميه الخبز تكون قليلة والخبزة تكون رفيعة مو سميكة ونصف بعدين الحشوة وفوقها الخضار المقلية وفالاخير اذا بغيتو تصفوا خبز حلو واذا ما بغيتو بعد حلو واخر شيء نحط الباقي من الباشاميل ونجيب بضة مخفوقة وندهن بها السطح او جبنة مبشور او شيدر وبالهنا والعافية .... |
اممممممممم
شكلها لذيذه يسلمو زدجالية |
انتي جربيها وبتشوفي كيف لذيذة |
لقد سال لعااااابي وأنا أقرأ
كيف وأنا أطبخها زدجااالية باين عليج شيفة ممتاااازة تشكري حبووووووووبة على هالطبخة السهلة موفقة |
مع اني تعلمت على كبر بس ماعليه المهم اعرف امسك الملاس ههه زين تعالي بعلمك تطبخي بس ما تشردي هههه |
اذا بتعطيني ضمان انه ما بنحترق وما بنحرق المطبخ بجي
هاه شو قلتي ؟؟؟؟؟؟؟خخخخخخخخخخ |
خلاص عطيتش guaranty |
يم يم
زدجالية بجي بيتكم وطبخيلي اوكي حبوبة؟ ههههههههههه |
خلاص تم بس الطبخ عليك ههه
|
ثانكس خيتو على الوصفة :)
|
ولكمو دفيء |
زدجااليه مشكوره على الطرح الحلو
بس اناا براايي اعملي الوصفه واعملي عزومه في المنتدى مندوء ومنحكم مشكوره ياا حلوه |
العفو بنفكر فهالفكرة يسلمو... |
طيب مااشي تسلمي ياا ئمر
|
زدجالية لو مصورة الطبخة كان أحلى..
وصفة شكلها حلوة جداً.. سويها وعزمينا.. تمام.. |
صبااح الورد بصرااحه حورااء اناا طرحت عليهااا
هااد الاقترااح......بس يعني اناا كيف بدي اجي على عماان يلاا بتبعتولي بالفااكس |
خلاص عصفورتنا العزيمة بتوصلك
هالاسبوع يوم الخميس العشا بابلوه وهالاكلة عندي واللي بيجي يسجل اسمه علشان نكثر الكمية على العدد |
ما شاء الله عليج زدجاليه تعرفي الطبخ
تسلم الايادي هع هع هع |
صبااح الفل كيفكم انتو والطبيخ اليوم؟؟؟؟
|
حلوه يسلموا حبيبتي
|
يلا انا رايحه اجربه
وبعدها بعزمكم عليه |
| الساعة الآن 02:25 PM. |
Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By
Almuhajir
لا تتحمل منتديات حصن عمان ولا إدارتها أية مسؤولية عن أي موضوع يطرح فيها