 |
منتديات حصن عمان
(http://www.hesnoman.com/vb/index.php)
- برج النقاش الحُر
(http://www.hesnoman.com/vb/forumdisplay.php?f=146)
- - الايلتس والتوفل الى أين .....؟؟!!
(http://www.hesnoman.com/vb/showthread.php?t=32078)
الايلتس والتوفل الى أين .....؟؟!!
السلام عليكم ورحمة الله وب ركاته جميعا" كيفكم عسى ان تكونوا بعيدين كل البعد عن التوفل والايلتس اذا سألتم أنفسكم ليش وضعوا شرط لتوظيف خريجي اللغة الانجليزية ان يجتازوا اختبار التوفل او الايلتس ....؟؟ الجواب راح يكون علشان يكونوا كفئ للتدريس ولشكوى عدد كبير من المدارس من مستوى المعلمين الموظفين فيها لعدم كفئهم للتدريس لكن ما يحدث خلف الكواليس هل الكل داري عنه سمعنا اشياء كثيرة ودايم اسمع اهلي يشتكوا من ان بناتهم او اولادهم متخرجين وبعدهم ما اجتازوا الاختبار مع انهم قدموا اكثر من مرة وفي كل مرة نفس النتيجة ما تتغير ساعتها اسمع الامهات تدعي ع المعاهد والجامعات ياللي صارت تستغل الناس قلت فخاطري هذا يمكن يكون جهل للاهالي والا كيف يكون معهد او جامعة لها سمعتها تستغل لهالدرجة ولكن ما حدث من قرابة شهر ادهشني كثيرا وصدمني بالوقت نفسه بالفعل صدق هؤلاء الاهال عندما قاولوا ان هالمعاهد تستغل الناس بتقولوا كيف ....؟؟ من فترة قريبة جدا كنت اجري اتصال لبعض الزميلات والاتي هلكن من تقديم اختبارات سواء الايلتس او التوفل كنت اطمن اذا اجتازت هالاختبار وتفاجأت عندما اخبرتني بانها قد اشترت الشهادة فسالتها كيف اشتريتيها قالت لي ان احدى صديقاتها اخبرتها بان اهلها قد تعبوا من كثر صرف مبالغ لا تحصى على الاختبار واخبرتها احدى زميلاتها بانها ستشتريها وتريح كاهل اهلها فاقتنعت زميلتي واشترت ايضا شهادة التوفل لكن تخيلوا بكم ....؟؟ اذا كانت قيمة اختبار التوفل 40 ريال والايلتس 75 ريال اصبح الان قيمة الشهادة الواحدة بدون ان تقدم الاختبار فقط ان ترسل المبلغ مع البطاقة الشخصية او جواز السفر وبعد اسبوعين توصل الشهادة للبيت بالمستوى المطلوب لكن تعرفوا كم صارت قيمة هالشهادة في 1000 ريال وفي 850 ريال يعني لو شغلنا عقولنا شوي بامانة هل المعهد او الجامعة ياللي يتم تقديم الاختبار فيها غافلين عن هالامور عن بيع وشراء الاختبارات وما هي سياسة المعدلات والنتايج ياللي من سنين ما تتغير والشخص يهلك عمره بالمذاكرة وتنويع الكتب والمذكرات والمصادر الاخرى وليش بالاول ياللي يريد يقدم هالاختبارين من اول مرة او ثاني مرة يحصله لان الحين زاد الطلب عليهن وزادت الايرادات ودخلهم وفرصة يستغلوا خلق الله وهالمواطن ياللي يصرف امواله على هالاختبار هل يلوم على شرائها اترك الرد لكم لاني بالفعل رأيت تجارب في هالاختبارات ملئ شعر رأسي ... |
وعلى فكرة هؤلاء ياللي يشتروا الشهادة وتعيينوا وتوظفوا خلاص هم السبب في وضع هالشهادة ك شرط للتعيين يعني عقولة المثل تيتي تيتي .............. |
اخيتي
بداية اشكرك علي الطرح الجميل لكن اخيتي هذة الشهادات معمول بها في كل دول العالم وليست في عمان فقط يعني مثلا اذا تريد تدرس في اي جامعة مرموقة لابد من اجتياز الاختبار وبنسبة معينة قد تكون هذه الشهادات عتبة صعبة ولكن الحصول عليها ليس بالامر الصعب فالقليل من المجهود يجعلها سهلة العبور اما عن ما تفضلتي بة بانهم يشترون هذه الشهادات فنعم هذا وارد ولكن ليس هذه الشهادة فقط هناك من يشتري البكالريوس والماجستر وحتي شهادة الدكتوراة ومثل ما يقولو (حط فلوسك وخذ اللي تبغاه) اما عن القيمة 1000 ريال انا بقول احسن الواحد يدخل دورة بهذا المبلغ وبيجتاز الاختبار بكل سهولة مثلا اختبار التوفل المحلي 35 ريال والعالمي 75 انا بدخول دورة ب 400 ريال واختبر احسن لي من اني ادفع 1000 ريال |
اختي اقدر وجهة نظرك ولكن انا لست مع شراء الشهادة بالعكس انا ضدها ولكن انا ضد هذي المعاهد واللي يشتغلوا فيها في ناس كثير درسوا وقدموا ولكن بعضهم لظروفهم الاقتصادية صاروا يدرسوا فبيوتهم ولكن معقولة رغم دراستهم وقدرتهم في التدريس واستخدامهم اللغة بشكل رائع من سنين بعدهم ما عدوا ال 5 ونص معقولة .....؟ شاكرة لك مشاركتك اختي دموع المحبة ... |
اخيتي
للعلم دموع المحبة رجل وليس فتاة نعم معقولة اذا بتتكلمي عن المعلمين انا بقول فية معلمين بصراحة ثقافتهم وخبراتهم محدودة جدا بعكس البعض الاخر طبعا فية ناس يشتغلو من سنوات عديدة ولكن اذا فية اي شي جديد يتوقفون يعني عندهم حد معين لدراستهم فقط |
اعذرني اخي ... المشكلة اذا واجهت معلمين لا يعيون بالعملية التعليمية وحتى قواعد اللغة ومصطلحات شائعة لا علم له بها أو دراية لكن للاسف هنالك من هم يحاولون النحصول على التوفل او الايلتس للتعيين مع ان مستواهم عالي جدا ولهم دراية بكل شيء في اللغة ... |
نقاش مثمر ..
لي عودة هنا بإذن الواحد الأحد.. |
الســــلام عليــــــكم ورحمـــــــــة الله وبركــــــــاته ..
مرحبـــا بكِ أختي زدجــــــالية في برج النقـــــــــــاش .. أشـــكـــــرك على طرحـــــك هــــذا المـــوضوع الطــــيب .. // ذكرتــــيني بأيــــــــام أول أيــــــــــام التوفــــل واختبــــاراتـــــــه .. في الحقيقــــة أوافقـــ الأخ دموع المحبــــة في رأيه ، يعني لو خيّرت بين التقديــــم للإختبــــار وبين إني أشتريهـــا جاهزة / طبعــــا راح أفضــــل الأختبار كونـــــه أقل مــــــــاديا والفرق كبيـــــر .. من ناحيـــــة أخرى أنـــا جربت التـــوفل وحصلت ع الشهــــــادة من أول مرة طبـــعا لأني كنت أدرســــه وأعرف نوعيــــة الأسئلــــة والأشيــــاء المطـــلوبة لإجتيــــاز الإختبـــار مثل الســــرعة والتركيــــــز .. مع إن عـــددنـــــــــا كان كبيــــــر إلا إن الأغلبيــــة اجتــــازوا الإختبــــار بدرجـــات متفاوتـــــة كل واحــــد على حسب مستـــواه بدون ما حد يحس إنه انظلــــم أو حصل على درجــــة ما درجتــــــه .. لذلك استغـــــربت عند قراءتي للموضوع .. كيف خريجي اللغة الإنجلــــــيزية ما قادرين يجتازوا اختـــبارات التوفـــــل والايلتــــس ودرجاتهم ما تتجـــــــاوز ال5 .. بالرغم من الأســــــئلة متباينة اذا تحـــــدثنـــا مثلا عن اختبار التوفل بتكون أول الأسئــــلة من كل قسم اسئلة ســــهلة تحلـــــيها وانتِ مغمضة وبعدها تبدء للمــــتوسط ثم للأصعب ..!! // لكن في حالتهم اتوقع الأمر يكون بسببــــــين .. السبب الأول / أنهم يتقدموا للإختبارات معتمــــدين على دراستــــهم الطبيعية ومعرفتهم باللــــــغة الإنجليزية وقواعدها .. وهذا الأمر يشكل صعوبة بعض الشيء في اجتياز الإختبارات لأن الإختبارات تكون على نمــــــط معين والأسئلة فيها متنوعة والبعض اجابـــــاته غير مباشرة وحتى القواعــــــد مختلفة بعض الشيء .. فالشهادة لولا أهميتها واختـــــلاف اختباراتها عن الاختبارات العادية لما كانـــــت مطلوبة .. لذلك على المتقدم للإختـــــبار إنه يطلع على مصادر خاصة بالشهادة إلي يريدها .. والمصـــــادر طبعا متــــــوفرة في الانترنت والمكــــــتبات .. السبــــب الأخر // هو مثل ما ذكرتِ في الموضوع - عدم مصداقــــــية بعض المــــعاهد بمعنى انها تــــتعمد إن المتــــــقدم للإخــتبار يرسب علشان يعيد ويدفــــع لهم .. وفي هذه الــــنقطة اعتقد ان علــــى المعهد والمســــــؤولين فيه يحـــــطوا في عين الإعتبار سمعة اسم المعــــــهد .. خاصة اذا كل متقدم قام يرســـــب .. ما حد بيروحلــــــهم عاد .. |
اشكرك اورينت عتواجدك واثرائك هنا للعلم فقط انا لست مع شراء الشهادة بالعكس ضدها ولكن ياللي اطرحه ألحين أن عدد كبير من المتعيين في تخصص اللغة الانجليزية قد اشتروا الشهادة وذلك بعد عدة محاولات بدون أي فايدة يعني لما حطت الوزارة هذي الشهادة كشرط الحين ما صار لها اي فايدة ياللي ما قدروا يجتازوا الاختبار والحين يدرسوا والله اعلم كيف تدريسهم هم ياللي اشتروا الشهادة الوزراة حطت اجتياز اي واحد من هالاختبارين كمعيار للمعلم وكفائته لان عدد كبير من الخريجين غير مؤهلين للتدريس وهذه بشهادة الكثير , والحاصل اعيد واقوله انهم هم أنفسهم اشتروا الشهادة وصاروا يمارسوا الوظيفة كأن شيء لم يحدث يعني ازالوا العقبة ياللي امامهم بكل بساطة حتى الاختبار ما قدموه مجرد مبلغ مادي والبطاقة الشخصية او الجواز امانة هالامر يقهر الكثيرين وخاصة أنا يعني إنت تذاكر وتدرس وتسجل بدورات بس علشان تجتاز الاختبار بتفوق والبعض يلجئ لشرائها ويعين قبلك وبكل برود اعصاب المشكلة ان الجهات المعنية يمكن ما حطوا بعين الاعتبار ان هؤلاء الخريجين يمكن انهم يشتروا الشهادة ليش ما يرجع الوضع نفس اول يكون الاختبار من قبل الوزارة نفسها وما يكون احد أنظلم بأمانة ناس كثير باعوا ضميرهم بس علشان يتعينوا وما فكروا كيف بيكون رزقهم حلال والا حرام ولا أظن انهم سألوا في حكمها قبل أن يشتروها لا تلوموني اذا تفاعلت فالموضوع ياللي يكون بالوضع بالفعل ينقهر كثـــــــــــــــــــير ... اخيدموع المحبة , استاذتي اورينت اشكركم لتفاعلكم وتواجدكم الطيب انا حبيت اطرح واشوف الموضوع من عدة جهات لربما تكون هنالك فجوة لم يتطرق لها ذهني بعد بارككم المولى وحفظكم من كل سوء .. |
قريبا راح أخلص البكالوريوس ومحتاج أقدم ع شهادة الايلتس
وماعندنا فعمان غير هذي المعاهد ومثل ماقلتي أختي الزدجاليه وايد فيها لعب اللي يقدر أحسن يسافر الخارج ويمتحن هناك |
اخي فراغ العاطفة انا ما اقول ان كل معاهد السلطنة فيها لعب ولكن دام ان فيها اناس يبيعوا الشهادة والتصحيح يكون خارج السلطنة لاختبار الايلتس والتوفل داخل السلطنة لابد من وجود أشخاص داعمين لهؤلاء لبيع الشهادة بهذه الاسعار المرتفعة |
اقتباس:
المعاهد فيها الزين وفيها الشين لا تضلم احد اهم شي انك تدرس فيه معاهد جدا ممتازة معنا |
طبعا مو كل المعاهد فيها لعب
بالعكس بعض المعاهد نفتخر فيها بمستوياتها بس بصراحه مو مرتاح للوضع عشان كذا بقدم الامتحان خارج عمان |
،/
السلااام عليكم ورحمة الله وبركاااته ، أهلا بك عزيزتي زدجاليـــ ة أثرتي هنا موضوع جيّد للنقاش ،.. أولا بالنسبة لـ مسألة شراء الشهادة .. فهذا شيء وارد مثلما ذكر الاخوة .. فهناك من يشتري شهادات عليا وليس ايلتس او توفل فقط ..!! .. بمعنى .. اذا توظف بعض المدرسين بسبب شهادة الايلتس التي قاموا بشرائهــــا .. فان غيرهم قام بشراء شهاااادة بكالريوس وتوظف على أساسها ....! أليس هذا ظلما أكبر لمن قضى أربع أو خمس سنوات من عمره وهو يدرس ليحصل على هذه الشهادة ...؟!. الواسطة بشتى أنواعها موجودة هنــــــا ، ومن الصعب على جهة واحدة أو 2 الحد منها .. لأنها تأتي بطرق مختلفة ومن جهات متعددة ..!! لكن ..علينا بالسعى .. و الارزاق على الله ..! و أتفق مع أورينت فيما ذكرت .. فـ قدرات بعض المدرسين دون المستوى المطلوب ..! لهذا لم يستطيعوا ان يجتازوا الامتحان بالمعدلات المطلوبة .. وللعلم فـ امتحانات الايلتس والتوفل .. تعتمد فـ المقام الأول على تنظيم الوقت / التركيز / والسرعة .. فـ علمهم باللغة الانجليزية و قواعدها وحده لا يكفي ..! فقد دخلت امتحان ايلتس وكانت معي مجموعة من طالبات تخصص اللغة الانجليزية .. مع العلم ان تخصصي في مجال أخر .. انصدمت عندما علمت بأن نتائج الطالبات لم تتجاوز نتيجتي ..! وان الطالبات قد سبق لهن وان دخلن الامتحان عدة مرااات .. ولديهن بعض الكتب المخصصة لهذا الامتحان ..! فـ ما رايك في ذلك ..؟! أما عن استغلال المعاهد للطلاب ..ف أنصح الجميع بأن يقدم الامتحان في معهد معروف و موثوق فيه .. والله يوفق الجميع ... :thumbup1: |
شكرا لكِ جلفو عالمشاركة الطيبة |
السلام عليكم ورحمة الله وبركاته
بصراحه أنا سمعت عن شراء شهادة التوفل فقط ولكن شهادة الآيلتس ماحد يشتريها وممنوع حد يشتريها من السلطنة يمكن يشتروها من الخارج لكن من السلطنة مستحيل وبعد ماسمعت وأنا قدمت الآيلتس وحصلت 5 كنت أريد أحصل 6 أو 6.5 لكن للأسف الحظ ماحالفني بحاول مره ثانية إن شاء الله |
التوفل
لوسمحتوا أريد مساعدة منكم
ممكن تخبروني أيش اسم المعهد وفأي منطقة أقدر أشتري منهم شهادة التوفل ؟؟؟؟؟؟؟؟؟؟؟ ولكم مني جزيل الشكر أريد الرد ضروري فانتظار الرد |
اقتباس:
تريد تشتري الشهادة أو تقدم على الإختبار وتاخذ الشهادة ؟! |
شراء شهادة التوفل
السلام عليكم
أريد أشتري شهادة التوفل..... أريد أشتريها ممكن تخبروني بكم أقدر أشتريها؟؟؟؟؟؟ لوسمحتوا ردوا ضروري لأني أريد أروح بعثة وما أقدر أروح إلا إذا جبت فالتوفل 550 لوسمحتوا ردوا علي |
أريد أشتريها
ممكن تساعدني وتقولي من وين أقدر أشتريها ؟؟ |
لوسمحتوا قولولي ممكن حد يمتحن عني توفل ؟؟؟؟؟؟
ممكن حد من معارفي يدخل عني يمتحن توفل ؟؟؟؟؟ وإذا ممكن وين وفأي منطقة وإيش اسم المعهد ؟؟؟؟؟ ردوا علي ضروري لوسمحتوا ولكم مني جزيل الشكر |
بصراحه ما اعتقد حد يقدر يدش بدالك في توفل
ما عندي معلومات بصراحه |
ما عندي المعلومة عن أماكن شراء شهادة التوفل أو غيرها ونفس الشي
ما اعتقد يسمح بان شخص اخر يدخل مكانك الإختبار وإلا الناس كلها اتبعت هذه الطريقة ،، للأمانة أخي الكريم لا أنصحك باستخدام هذه الطرق أبدا خاصة وانك مقبل على بعثة خارجية ،، اجتياز هذا الإختبار من صالحك انت حتى تستطيع المضي في دراستك مستقبلا دون وجود عقبات اللغة وليس الموضوع موضوع تعجيزمن المسؤولين عن البعثة ،، لن أكثر من النصائح والحديث فالاهم هو ايصال الرسالة ،، خالص الأمنيات لك بالتوفيق ،، |
اتفق مع اورينت في هذا الامر
ليس المهم ان تحصل على ما تريد ولكن الاهم الطريقة التي استخدمتها للحصول عليه علشان ربي يوفقك فدراستك وحياتك و مستحيل احد يدخل عنك الاختبار ايا كان نوعه نصيحتي لك لاتشتر اي شهادة اعتمد ع كفائتك وقدراتك وربي بيكون معك وبيوفقك |
اخوي رونالد ايش صار عليك قدرت تحصل شهادة الايلتس انا محتاجتها ضروري
|
| الساعة الآن 08:48 PM. |
Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By
Almuhajir
لا تتحمل منتديات حصن عمان ولا إدارتها أية مسؤولية عن أي موضوع يطرح فيها