منتديات حصن عمان - منجم ملح في أوكرانيا لعلاج المشاكل التنفسية

منتديات حصن عمان (http://www.hesnoman.com/vb/index.php)

- البرج الطبي (http://www.hesnoman.com/vb/forumdisplay.php?f=15)

- - منجم ملح في أوكرانيا لعلاج المشاكل التنفسية (http://www.hesnoman.com/vb/showthread.php?t=35995)

رgح مجنـgنه

10-01-2011 10:24 PM

منجم ملح في أوكرانيا لعلاج المشاكل التنفسية

منجم سولوتفينو – Solotvyno Salt Mine ويعتبرونه موطن للنقاهة الجوفية، أي مريض يعاني من مشاكل في الشعب الهوائية أو الربو يرسلونه هناك عن طريق مستشفى سولوتفينو المتخصص بأمراض الحساسية عشان يشم هوا مخلل بالأملاح.

المكان هدووووووووءءء حتى المتعافي يتعافى أكثر من السكون، بس المشكلة من ناحية الأمن والسلامة المكان قنبلة موقوتة، يقولون تشوف الاطفال قاعدين أو يلعبون ولابسين خوذات أو حاطين قطع بلاستيكية فوقهم عشان تحميهم من الماء اللي يقطر من السقف، المنظر -زيادة على الهدوء وشكل المكان- يخليك تحس كأنك بحلم غريب .

يسمون هالنوع من العلاج سبيليوثيرابي – Speleotherapy أو العلاج بالملح – Salt Therapy عن طريق استخدام الكهوف أو المناجم لأجواءها الملحية، مشهور بشرق ووسط أوروبا من الخمسينات وانتشر عن طريق بولندا بعد ما لاحظوا ندرة إصابة عمال المناجم الملحية بمشاكل رئوية وأمراض الربو والسل. الدكاترة عندهم يقولون الأملاح في الهوا تقضي على البلغم والكائنات المجهرية المسببة للمرض بس في باقي دول العالم قليل يوافقون هالراي ويقولون الأدلة قليلة بخصوص هالفوائد. حتى بعضهم يقول أثر العلاج يكون من التجربة وشكل المكان أكثر من الفائدة الحقيقية للأملاح في الهوا.

هالمنجم يُعتبر الأعمق تحت الأرض ومخصص لهالنوع من العلاج في العالم. يستضيف حوالي 5 آلاف مريض سنوياً، في أي وقت يكون عندهم حوالي 200 مريض قاعد عندهم، ثلثهم من الأطفال، يزورون المكان لجلسات بعد الظهر او يقضون ليلة كاملة لمدة 24 يوم على التوالي.

1- أحد الممرات في المنجم

http://www.yousif.ws/upload/uploads/...10d9efe522.jpg

2- كراسي بجانب سكة حديدية قديمة

http://www.yousif.ws/upload/uploads/...cadef1e576.jpg

3- الجناح الرئيسي

http://www.yousif.ws/upload/uploads/...7b37b91088.jpg

4- أرفف، شكله محد مأمن عليها الكل يخاف تطيح باللي فيها.

http://www.yousif.ws/upload/uploads/...7f0bd8d918.jpg

5- المرضى نايمين

http://www.yousif.ws/upload/uploads/...9f6ae7ebc4.jpg

6- كافتيريا المستشفى.

http://www.yousif.ws/upload/uploads/...115ab8f067.jpg

7- مكتب الطبيب

http://www.yousif.ws/upload/uploads/...f60fe40102.jpg

8- جهاز طبي مادري شنو يسوي، يمكن يحك الظهر، الله أعلم.

http://www.yousif.ws/upload/uploads/...22958f033d.jpg

9- في أحد غرف العلاج

http://www.yousif.ws/upload/uploads/...eea0161055.jpg

منقول

الريان

13-01-2011 08:26 AM

شكله غريب جداا ويخوف

بس يبالنا نروح انا وانتي زيارة هناك ^^

ربي يعطيك العوافي

العيون الجارحة

13-01-2011 11:45 AM

مكان ما مفهوم حقيقاااا
أشكرك عزيزتي عالعرض الطيب
ربي يعطيك العافية

رgح مجنـgنه

15-01-2011 12:01 AM

اقتباس:

المشاركة الأصلية كتبت بواسطة الريان (المشاركة 470162)

شكله غريب جداا ويخوف

بس يبالنا نروح انا وانتي زيارة هناك ^^

ربي يعطيك العوافي

تمام خلا

يسسًـلمو ع المرور
أسعدني تواجدك

رgح مجنـgنه

15-01-2011 12:02 AM

اقتباس:

المشاركة الأصلية كتبت بواسطة العيون الجارحة (المشاركة 470226)

مكان ما مفهوم حقيقاااا
أشكرك عزيزتي عالعرض الطيب
ربي يعطيك العافية

يسسًـلمو ع المرور
أسعدني تواجدك

الساعة الآن 10:12 PM.

a.d - i.s.s.w