مهما قلت ومهما سويت بيبقى فضل ابوي وامي دين على ومابوفي لو شي بسييط من اللي سوه لي وكل اللي اقدر عليه بسويه
وهذا اهداء مني لهم واقولهم الله يخليكم لي ان شا الله
وانتو بتهدونهم مثلي كل واحد يحط بردودة اللي في خاطرة حق امه وابوه



يابوي يا امي يا بعد كل هالناس .........يا قلب ينبض بالمحبة والاحساس
يامن غلاكم في حيــاتي حيــاتي .........يسري بصدري مثل ترديد الانفاس
لوقلتــــــلك يابـوي عمري هديه.............واقدمه لجــــلك بـــــراحة اديــــه
ماظن بوفي ربـــــع فضلك عليه .........لانك عطيت الحب من غير مقـياس
امي حنانج في عروقـــي ودمي........ وان شــفتج انسى كل ضيقي وهمي
وان قلت انا امــي امــي وامــي.........تتبسم ايــــامــي ولاحــــــس بالياس
علمتني يا بوي معنى السعادة ........واهديتني من طيب قلـــــــــــــبك قلاده
فيك الوفا يلقى وطنه وبلاده......... وانت الوطن لي عشت له رافع الراس
امي يا وجه النور والضي والخير......،..بيدج سنيني يا سنيني غدت غير
مهمى كبرت ابقى وسط عينج صغير......وابقى بقلبج غير عن كل هالناس
لا حرمني الله من غلاكم ومنكم .................والله يبعد ضيق الايام عنكم
بدعي عسي الرحمن دوم يحفظكم ..........يا بهجة الدنيا ويا كل الاحساس



هااا والحين دوركم انتو اللي تقولون لوالدينكم