رجعت لدنيتك ..

ولهانه



رجعت لبسمتك ..

عطشانه



رجعت وكلي ..

يا كل الغلا ....

ندمانه



اببدأ من عيون الليل

اببدأ انتي..

ساعديني

وعاهديني

وواعديني

على نسيان .. زلاتي

على نكراني لذاتي

على هجر .. الظلام

وهجري .. لوقتي القاسي

نعم أخطيت .. ما أنكر

نعم زليت .. ما أنكر

نعم صديت .. ما أنكر

وتركتك .. حيل مستغرب

من جنوني

من ظنوني

من عيوني

وضحكاتي ..

مع كل اللي يضحك لي



وكنت انتي الوحيده اللي

رسمتي معنى الوفا والطيب

ولونها .. بألوانها

وزينها .. بألحانها

بدفى قلبها ..

بنبضاتها ..

بضحكاتها ..

ودمعاتها ..



ابيك اليوم .. ياعمري

تسامحيني

وترسميني

خيوط الشمس .. في دربك

وتمحي مابقى فيني

من الآهات

من الحسرات

من اللوعه

من الأحزان

ومن مّر الليالي السود



وصدقيني

انا ولهاااانه

لكمله حيل تحييني

لكلمه وحده .. تنسيني

عذاب الأمس ..

في بُعدك

ابيك تقوليها بإحساس

وابي اسمع صدى صوتك

يصحي فيني الأشواق

ابيك .. تصرخي .. وتعلنيها

تعب قلبي .. من الحرمان

تعبت أكثر من الكتمان

طلبتك .. يابعد عمري

طلبتك .. بس هالمره

تسامحيني ..

وتاخذيني ..

لدنيا مابها غيرك

وأنا والشوق .. حراسك

تنامي الليل وسط عيني

وسط قلبي

وسط نبضي

وإحساسي،،



وأنفاسي،، تغني لك ..

وتحكي لك ..

حكاية عشقه مجنونه

بطلتها .. يشبه أوصافك

عزيزة .. وما تخون الود

كريمة .. وحيل تتسامح

وقلبها .. للوفا عنوان

طلبتك .. بالذي تغليه

طلبتك .. قولي سامحتِك