منتديات حصن عمان - عرض مشاركة واحدة - للوناسة (شاركنا)!!
الموضوع: للوناسة (شاركنا)!!
عرض مشاركة واحدة

 
قديم 16-02-2007   #35









مؤهلاتك بالحصن
  عدد نقاط تميزك بالحصن : 11
  المستوى : سلطانووه الدلووع بداية التميز
  
عدد زياراتك للحصن:
عدد المرفقات :
  الحالة :سلطانووه الدلووع غير متصل
 

 

!.. رسائلي ..!
 

 

من مواضيعي

افتراضي

 

المعلم قصير شو ذنب الطلاب؟؟؟؟


هذا عنوان قصة اليوم .... كح كح كان يامكان في مدرسة .... تعليم الاساسي بنين

وحدثت هذه القصة لنا ونحن بالصف ألاول ثانووي ...يعني قبل 3 سنوات

معنا معلم قصير يعني ماقصير كثير بس نحن عمالقة اطول منه ....المهم هذا المعلم يعلم رياضيات

والله يجيزة كل خير ويوفقة دنيا واخره ....وتبدا القصة جبو معاكم ديو وجالكسي عشان القصة تبدا

شو نحن بسنما او بالمنتدى <<<كح كح>>> ونبدا القصة

جاء المدير يقوول لنا في طالب جديد بيدرس وياكم وياويلكم تخلونة يعصب او يجي يشتكي منكم هذا ضيف معاكم ...ونحن نقوولة على العين وعلى راس وانت امر بس هذ ضيفنا وراح نكرمة ....

ومن هذا الكلام ....وبدأت الحصة الاولى وماجاء الطالب الجديد وجات الحصة الثانية ونفس الشي ماجاء.... الطالب وقلنا هذا اول يوم لة وبدا يغيب عيل هذا بندخلة شلتنا .....وجات الحصة الثالثة

وطبعا نحن مانعرف شكل الطالب الجديد ونشووف واحد قصير دخل الصف وعبالنا الطالب الجديد

ورحنا نركض لة ونسلم علية ونقولة اخبارك وانت من وين واولها غياب ونضربة على اساس المزاح

وومانشووف غير هذا الطالب معصب ويشوف علينا بس خايف منا نحن اكثر منه وكلنا نضحك علية ونمزح وياه وهوه ساكت...ونقوول غريبة يقولو بيجينا معلم رياضيات جديد وبعده الى الحين ماجاء..

خلنيا نعمل جلسة اليوم ونرحب بضيفنا ...ومسكين طالب الجديد ماقدر يتكلم كل واحد يسئلة مليون سؤال...ونحن بالخلف ندق ونغني...والي يرقص ومامصدقين انا بحصة فاضية ..وراحت نص الحصة

وطالب الجديد ماتكلم ولا شي ....ونسحبة معنا نقوولة تعال غني وارقص هذا اول يوم لك ويانا

وبعدها صرخ الطالب الجديد وكانه باقي شوي ويصيح يقووووووووووول








انا استاذ الرياضيات الجديد ...انا استاذ الرياضيات الجديد....انا استاذ الرياضيات الجديد



ونحن انصدمنا نقوول هذا استاذ اقصر منا ونحن نقول هذا الطالب الجديد والاستاذ من العصبية راح يخبر المدير علينا وجاء المدير يقوول شوفيكم على الاستاذ الجديد من اولها مسخره علية

نحن نقوول شو ذنبنا اذا الاستاذ قصير وماخبرنا من البداية انه معلم رياضيات الجديد ....

ومسكين المعلم زعل وراح بيتهم هذاك اليوم ....ونحن بعدنا مستغربين ...

وجاء اليوم الثاني ونحن جالين قدام الصف ننتظر المعلم نبي نعتذر عنة وتعرفو زحمة بين الحصحص

نص طلاب يطلعون برا ...ونحن جالسين ننتظر ونقوول وين هذا اليوم لايزعل علينا ومايجي المدرسة

ومانشووف الباب صف انغلق وكان بالصف 5 طلاب بس جالسين داخل الصف والباقين برا نخمس ونشرب ماي وفوضة ...

وجينا نشووف من سكر الباب نشووف الاستاذ الجديد يقوول روحو جيبو وروقة من المدير عشان ندخل


ونحن استغربنا كيف دخل هذا ومن وين جاء ماشفناه ....طلع هوه جاي من بينا هوه اقصر منا
وماشفناه من زحمة ومسكين جلس يعاني كذا اول اسبوع ماننتبه لة ...وكل الطلاب اذا يشووفونة يفكرونة طالب جديد ويقفو يسئلونة من وين انت ويقولهم انه معلم ويهربون عنه .....

وبعد كذا قلنا عاد ماصارت كذا نحن بروح نعتذر لة ورحنا لة ومسكين كان عنده حصة احتياط بصفوف اول اعدادي ...

ورحنا ندور كل صفوف ماحصلناه وبالاخر حصلناه جالس في طاولت طالب ماداوم اليوم ...وهوه جالس مكانة ....


وبالاخر رحنا علمنا لة جائزة ودرع وساعة وقدمناها لة بالطابور قدام الطلاب وبكذا فرح ونسى كل شي

وبكذا انتهت قصة المعلم القصير وبعد ماعرفناه .....جلنا نمزح وياه وهوه يساعدنا كثير بالدرجات

وصرنا اصحاب ونطلع مرات مع بعض لان هوه مايعرف الوادي الكبير كثير .. وانتظر رائيكم علي

القصة ...بجد يوم اتذكر الموقف نجلس نضحك علية ..بس بجد مو منا نحن شودرانا فيه كح كح

 

إذا أعجبك موضوع من مواضيعي فلا تقل شكـراً ... بل قل الآتـي :
اللهم اغفر له ولوالديه ماتقدم من ذنبهم وما تأخر..
وقِهم عذاب القبر وعذاب النار..
و أدخلهم الفردوس الأعلى مع الأنبياء والشهداء والصالحين ..
واجعل دعاءهم مستجاب في الدنيا والآخرة ..
اللـهم آميـن
سلطانووه الدلووع غير متصل   رد مع اقتباس