هو عتاب ولا اعتذار
وقال لي أمسكي قلم
وهاتي الورق ..
واكتبي على ذيك السطور .... بعض الجمل
اكتبي نهاية ها العشق
اكتبي على أول سطر .. اليوم وتاريخ الشهر
واكتبي على ثاني سطر .. بنستمر
واكتبي على أخر سطر .. ما نستمر
اكتبي يصير أو ما يصير
والعبرة دايم بالأخير
قصده .. أخر سطر .. قصـده .. ما نستمر
يعني تبينا نفترق
وأصير أنا ... ذكرى عشق
تصدق محبوبـــي .....
جيت أكتب هالجمل
لقيت دمعي اللي كتب
كتب كلام ... غير الكلام
كتب جمل ... غير الجمل
كتب جمل كلها أمل ...
كتب على أول سطر .. قلبي يحبك للأبد
وكتب على ثاني سطر .. ما أرضى بغيرك أحـــد
وكتب على أخر سطر .. أكيد احنى بنستمر
طول الدهـر .. ولو قضى فيك العمر
بأعطيك من عمري عمر ..
بس المهم .. ما نفترق
ما أصير أبد ذكرى عشق
ماهـو عشق .. اللي نهاية الفـــراق
محبوبـــــي .....
هات الورق
واكتب بأول سطر
وأخــر سطر ..
فوق الورق ..
لا يمكن إنا نفترق .. لا يمكن إنا نفترق
بيسان
|