أهلاً أختي ..
أولاً أعتذر عن التأخير ..
إلي فهمته من موضوعي إنه هالأيام يعني النساء ما يلبسوا الزي العماني ..
طبعاً أخوتي الأعضاء ما خلوا لي كلام .. وما قصروا .. ناقشوا معك كل شيء ..
وكل واحد قال وجهة نظره ..
أما وجهة نظري ..
أنا اموووت في شيء إسمه اللبس العماني ..
وخليني أتكلم بصراحة ..
أحس إنه الزي العماني جميل على المرأة العمانيه او البنت ..
حتى الإنجليز لما يلبسوا يطلعوا ما شاء الله عليهم جميلين ..
بس مثل ما قالت الأخت زهوورر الماضي .. وأنا معها في إنه الزي العماني غير ساتر ..
أختي نجوووم ..
الزي العماني كانوا الناس يلبسوا أيام أول .. لما كانت البنت تتسبح برع البيت فالمسبح أو
نحن نسميه (( الحوووض )) وما كان شخص وااحد يتجرأ يجي صوبهن أو يلقي بنظره
إليهم ..
كانوا يلبسوا الزي العماني لما كانت الدنيا أمان .. والناس شايفه خير ..
مو ألحين ..
ألحين تمر بنت صغيره عمرها 13 سنه .. شوفي كيف الشباب يتخبلوا ..
ياربــــي .. شوف شوف حموود شوووف .. مووو ذا الشي بو خطف ؟؟ << الشباب
كيف تبي البنات يلبسوا هذا الزي والشباب كذاااا ؟؟؟!!!!
ومع هذا المفروووض من البنات يتحشمن .. ويلبسن لبس متحشم ..
يكوون أحسن من اللبس العماني ..
لكن بنات هالأياام لااااااااا ..
يبغن يرووحن عالفووووووضه .. قصدي المووووووووضه ..
أختي نجووووووووم ..
زمان أول تغير ..
أنا من ناحيتي الحمد لله ألبس الدشداشه العمانيه في أغلب الأوقات ..
صحيح إني ألبس الناطلون أو الشووورررت .. بس مووو في كل الأوقات ..
مثلاً رايح أتمشى عالكرنيش العصر .. ما يستوي ألبس دشداشه ..
ألبس باطلون وقميص ..
وأصلاً موو عيب الواحد يلبس باطلون وقميص .. العيب لما الواحد يلبس باطلووون
ويكون البانطلون (( راااااص )) أو ضيق على جمسه .. هنا العيب يكووون ..
والحمد لله الدشداشه العمانيه أغلب الشباب متمسكين فيها ..
ولكن في مناطق محدده ..
لكن مستغرب من بعض الشباب ..
يجي يجلس في مسقط كم سنه للدراسه .. وتحصليه يغير نص عاداته في يوم وليله ..
أختي زبدة الكلام ..
هناك أسباب عديده تخلي النساء والشباب ما يتحشموا في لبسهم هالأيام :
تفريط من ولاه الله عز وجل أمر هؤلاء النساء والشباب ..
ضعف الإيمان وضعف الوازع الديني لدى بعض النساء والشباب ..
القنوات الفضائية ..
المجلات الهابطة ..
الإلغاء التام للتفكير والعقل ..
حرص النساء والشباب الآن على الموضة والرغبة في شراء كل جديد ..
الأسفار لبلدان الكفر والتي لاتعرف الدين والحياء ..
الألبسة السائدة في الأسواق ..
القدوة السيئة ..
إنعكاس المفاهيم وإنقلاب المقاييس ..
دعاة التبرج وسعيهم في تعرية نساء المسلمين ..
يمكن أنا جمعت ما بين موضوع اللبس العماني وموضوع لبس مجتعنا الحالي ..
لكن للإستفاده ..
مثل ما يقولوا (( نضرب عصفورين بحجر واحد )) ..
عالعمووووم ..
أنا أفضل أنه يكوون اللبس العماني ينلبس فالمناسبات ..
بسبب حال مجتمعنا الحالي ..
دمتِ بخير ..
 |
|