منتديات حصن عمان - عرض مشاركة واحدة - سَأنتَحِِرُ بِنِفسِِي قََبلَ أنْ َيقتلنِي بـِ نَفْسِهِ ..!
الموضوع: سَأنتَحِِرُ بِنِفسِِي قََبلَ أنْ َيقتلنِي بـِ نَفْسِهِ ..!
عرض مشاركة واحدة

 
قديم 06-12-2007   #2
 
الصورة الرمزية وقاص

{ نِـصفِـي عَـزاء }









مؤهلاتك بالحصن
  عدد نقاط تميزك بالحصن : 11843
  المستوى : وقاص عبقريتك فاقت الوصفوقاص عبقريتك فاقت الوصفوقاص عبقريتك فاقت الوصف
وقاص عبقريتك فاقت الوصفوقاص عبقريتك فاقت الوصفوقاص عبقريتك فاقت الوصفوقاص عبقريتك فاقت الوصفوقاص عبقريتك فاقت الوصفوقاص عبقريتك فاقت الوصفوقاص عبقريتك فاقت الوصفوقاص عبقريتك فاقت الوصفوقاص عبقريتك فاقت الوصفوقاص عبقريتك فاقت الوصفوقاص عبقريتك فاقت الوصفوقاص عبقريتك فاقت الوصفوقاص عبقريتك فاقت الوصفوقاص عبقريتك فاقت الوصفوقاص عبقريتك فاقت الوصف
  
عدد زياراتك للحصن:
عدد المرفقات :
  الحالة :وقاص غير متصل
 

 

!.. رسائلي ..!
 

أخي أحمد .. فعلاً كان 7/7/2007 يوم مميز برحيلك .. ملتقانا فالجنة إن شاء الله

 

من مواضيعي

الاوسمة

افتراضي

 


أهلاً أستاذه ،،

موضوع جيد للنقاش ،،

والظاهره هذي منتشرة كثير ،،


أسباب كثيرة ومتنوعة ، وفيه بعض الأحيان توصل لأسباب نفسية ،،


يعني بتحصلي الأخ صايع ضايع وكل يوم يطلع مع بنت ، فــ بتحصليه
متشدد كثير مع أهله وأخوااته ، لأنه بتحصليه يخااااف كثير عليهن ،
من الأشياء اللي هو يسويها ومن ضياع البنات الكثير واللي هو يطلع
معهن , فعشان كذااك بيكون شديد كثير ولا يرحم أخوااته ،، ليس حب للتسلط ،
بس عنده خووف شديد ، ويعتقد بأنه هذي هي الطريقة الصحيحة لمنعهم من الضياع ،
ههه (( المسكين لا يدري بأنه هو بنفسه جاعد يضيع اخته ))

وفيه بعض الأخوة عندهم مرض التسلط ، يعني بيشوف نفسه قوي ،
ويقدر يضرب ويكفخ وعشان يقولوا الناس بأنه ماسك أهله ، ويقدر
يضربهم وبهذه الصورة يكون رجال أمام الناس ، وأنا أعتبرهم مريضين
نفسياً

وهنااك ناااس (( جهله ))
يعني بتحصليه طالع من الصف الخامس ولا السادس ،،
ولا يعرف عن الدين شيء ، وعلى فكرة ، في ناااس رجال دين
ومطاوعة يسوي هذا الشيء ، فكيف الضايع والجاهل اللي طالع من الصف الخامس !!؟


الأخ في أوقااات يحق له يتدخل في خصوصيات الأخت ، إذا كان هو شايف
الغلط قداام عينه ، وإذا كان هو وااثق بأنه هذا الشيء لمصلحت أخته ،
بس (( بدووون ضرب )) ،،

وفالأخير الإثنين عندهم خصوصيات ،، ويجب كل وااحد يحترم خصوصيات الثاني ،
سواء الأخت أو الأخ .

المشكلة هناااا ، إذا أخووي وأكبر مني وسوى فيني كذاااا ، بشوو أرد عليه ؟؟
أوكي بتقولي كلمه ، وإذا أصلاً هذولا النوعيه من الناس ما تقدر تكلميهم ،
إذا نطقتِ بحرف على طوول بكف ، فكيف نتفاهم معهم ؟؟
أضربه ، مستحيل هذا أخوي الكبير ، يعني لازم أكسر جدار الإحترااام ،،

مثل ما قلت لك ، فيه ناس عندهم مرض نفسي ،، (( مرض التسلط ))

هووو فالأخير يرجع للوالدين وهيبة الأب فالبيت ، لكن بعد راح تسألووا ،
إذا الوالد كبير فالسن ، أوو متوفي ، فشوو الحل !!؟؟

والله نفس الشيء أنا إحترت ويااكم ..

والعلااج بيد الشخص هذا نفسه وبيد الناس والعائلة اللي عايش معها ،
لازم يتم نصحه ورشده والدعاء له بالهداية ،،


وعلى فكره ،،،،،

القانوون يحمي البنت من ضرب أخوها إذا عدت من سن الرشد ،،

لكن تعتقدوا بأنه فيه بنت بتروح المركز الشرطه عشان تشتكي على أخووها ؟؟
وهل أبووها وأمها بيسمحوا لها بهالشيء ؟؟ وخاصة الأم , بقولها هذا أخوكي
ونتي ما ترضي بأنه ينسجن وكلام الناس و و و .. إلخ ، وبتجلس فووق
رآسه ,,

إلا إذا أبوها وأمها ما عايشيين ، فهذا شيء ثاني ،،

/

أنا أكبر أخوتي ، والحمد لله ما أسوي مثل هذولا ،
الله عطاني قلب طيب يكفي للناس كلهم ،،

ونفس الشيء الله رزقني بأب (( الله يذكره بالخير ويرده
من السفر بالسلامة قولوا آمين )) لا يعرف طريق الضرب ،
إلا في أوقات حرجة



يعني إذكر مره وحده ضربني على الصلاة ، وضربني ضرب على أصول ،
بــ (( هوووززز مال ماي )) ، يا عيني ، يعني صلخني صلخ ،
بس على ويش ؟؟ على الصلاة ، وأحمِد ربي من هذاك اليوم وأنا سيده على المسجد
، يعني ضربني على شيء معقول ،،


أنا في زماني ما شيء شي ما إستعملته ،،

زجاير ، شيشه ، مدوخ ، حتى لوو ما مسكت نفسي حتى المسكرات بشربها ،
وكان أبوي يعرف بهالشيء ، ودائماً ينصحني ، ويكلمني ،
يا ولدي لا تسوي كذاك ويا ولدي هذا غلط ، يا ولدي إنته في سن المراهقه ،
ويا ويا ويا ويا ،، وأنا كنت مطنش ، بس هو ما يأس ، لحد ما إقتنعت والحمد
لله رب العالمين ، ألحين كملت سنه وأنا تارك كل شيء ,,

ضربني ،، ؟؟

صلخني ،، ؟؟

كفخني ؟؟

ربطني ؟؟؟

صك علي الحجره وسجني فيها ؟؟؟


والله لو مسوي كذاك كاان بزيد وبعااااند ..

وكان بكون لحد ألحين على حالتي ،،



وألحين أخوي الأصغر مني بادي نفس الشيء يكرر اللي سويته ،
وألحين أنا شااد عليه والحمد لله بادي يتغير ، وحتى متسوااه الدراسي
بادي يتحسن ، وكل هذا بسبب إيش ؟؟ الضرب ؟؟ التكفيخ ؟؟
أكيد لا ، كله بسبب الكلام والنصائح والرشد إلى الطريق الصحيح ،،




فيااااااااا أنتم اللي تسوووا هذا الشيء ،،

أقووول لكن ، بأنه اللي تسوووه تَخلف ،
وبالشريعة الإسلامية ، حرااااااااااااااااااااااااام ،،


ترااااااااه والله الضرب يخلي الواحد يعااند ، وخاصة البنت ،
والبنت إذا بغت تضيع ، بتضيع حتى وهي في غرفتها ،
لا تفكروا بأنه حبستها فالبيت هو الصح وهو اللي ما بيخليها تضيع ،
حتى بمكالمه عن طريق التلفون بضيعها ،،


إعذرووني على كلامي الكثير ،،

بس فيني غصه في قلبي ، لأنه في ناااس عزيزين على قلبي ،،
يوااجهوا نفس المشكله ، بس موو من أخووهم بس ،،
للأسف من إثنين ، من أخوهم وأمهم ،، فهذي هيه الطامة الكبرى ،،

إدعوا بأنه الله يلين قلب أمهم على هذا الشخص وعلى باقي الأخوة والأخوات
اللي يواجهوا نفس المشكلة ،،



تحيــاتي //

أبو ليث ,,

 
وقاص غير متصل   رد مع اقتباس