عالسلامة خويا نوري،
هذا وين تفكرتنا ؟
النهار لوّل خليتوني وحدي واسمحتوا فيّ حتى جاوا الفحلات نتاع المنتدى وأنقذن الموقف وأنا كنت نبعثلك ف لي ميساج ونقولك "حمّي البندير" وأنت راقد ف الخط" استنى تشوف كِ نحكمك..
أفرحني تواجدك معنا أخي نوري وانشاء الله الفرحة تكون للجميع، نبداوا بالعرس ديال كومندر ونخيرولو عروسة قبايلية تنسيه في سنين العذاب وما يعودش يغني خلاص أغنية "راني نادم على ليام اللي ضاع صغري وشبابي فيها...".
ومن بعد نديرولك العرس أنت يا نوري ونجيبوهالك "مزابية" والاّ "قبلية" تتهلا فيك مليح وأنا وكومندر نجيوا نربطولك الحنة ونرقصوا في عرسك حتى للصباح ونديرولك عرس "عروبي" بالغايطة والقلال"، وجد الكسكاس الكبير برك.
وأخيرا تروح معايا أنت وكومندر باش تخطبولي من الخليج (إذا حبوا يمدولي العروسة وما يقولوليش أنت براني) واندير العرس عندهم بصح راني خايف نروح لثماك وما نرجعش لموالية -الله يستر برك -.
وإذا أردتم أن يكون العرس جماعيا فلنتفق على كل شيء من الآن.
راني نستنى ف جوابكم.
وأنت يا خويا كومندر واش عليه، صحيح نطولوا شوية ف الطريق حتى نصل إلى قريتكم وهي فرصة كي نقيم الأفراح طول مدة السفر.
وإذا حبيت أن تقيم عرسك معنا أنا ونوري وتضم الصف، أنا بانتظار جوابك أيضا حتى نتفق على رأي واحد.
|