اصعب من الهم
اصعب من الهم انك تعاند الهم
تمشي وجرحك ماتوقف نزيفه
تبكي بلادمعه وتصرخ بلافم
وتكحل اهداب العيون الكفيفه
يامادعيت الحظ ماقال لي سم
جاني على كيفه وغادر بكيفه
الصدر للطعنات مهوب للضم
لاجيت اعانق صاحبي سل سيفه
يا كم ولد خال ويا كم ولد عم
قلبه قوي لكن نفسه ضعيفه
وانااحسب اني حافظ السالفه صم
لكن ردود الفعل كانت عنيفه
ايام ... والايام ماعندها دم
ان جت وان اقفت ماعليها حسيفه
|