ما أحيد اني من اللي كل ما غنـوا سهيـت
اندمج بحروف ناسن تفرض الكلمه عليـك
انا بنت الحر واقدر آخـذك وقتـن بغيـت
وان بغيت اشن حربن اقتلك وانـا افتديـك
وان بغيت اسلب شجونك بس اعدلك كم بيت
ابتدي بكلمة حبيبي والله انـا ميّـت ابيـك
واختم ابياتي..بآهن كم انـا لجلـك بكيـت
والقصيده كلها كلمـه وهـي امـوت فيـك
وانت تقراها وطاير فالسمـا وتقـول ليـت
ليتني املك كنوزن كنـت بحملهـا واجيـك
وانا اقولك يا حبيبي بس انا لحبك سعيـت
ما اريد كنوز والله يكفي انـي لـك شريـك
والحين اصحى يا حبيبي واذكر اني لو بغيت
بقلب الدنيا واغيّـر كـل هالعالـم عليـك
وادري ان الحين قلبك قال: انا بس اكتفيت
والله ما يسوى علي فكـرت انـي اهتويـك
والختم يا شطّور افهم ماني ابـصيدن لقيت
لأني ان شلتك فبالي برخص ابيعك واشتريك
والسموحه ع القصور في المنطوق
اتقبل النقد بصدر رحب فلا تبخلوا علينا
وداعه الله
علياء