كان في وحدة عندها شك انو جوزها عم بخونها. و في يوم من الأيام اتصلت على البيت و ردت عليها صوت وحدة غريبة

الزوجة: مين عم بيحكي؟
الخادمة: انا الخادمة
الزوجة: احنا ما عندنا خادمة
الخادمة: اليوم عيني الزلمة صاحب البيت
الزوجة: طيب انا مرتو ... هو موجود
الخادمة: هيو موجود فوق بغرفة النوم مع وحدة كنت انا مفكرتها مرته

و يخف عقل الزوجة

و تروح تحكي للخادمة: اسمعي ... شو رأيك تحصلي على خمسين الف دينار

الخادمة: و شو الي لازم اعمل بالمقابل
الزوجة: بدي اياكي اتطولي مسدس من درج المكتب الي جنبك و تروحي اطوخي هو و الحيوانة يلي معو

الخادمة حطت السماعة على جنب ... و الزوجة تسمع صوت الخادمة و هي عم بتطلع لفوق ... تسمع صوت طلق نار ... بعدين تسمع صوت الخادمة و هي عم بتنزل لتحت

الخادمة: شو اعمل بالجثث؟
الزوجة: جريهم ... و ارميهم ببركة السباحة
الخادمة: بس ما فيش بركة سباحة هون

لحظات صمت

الزوجة: انا عم بحكي مع 5522118 ؟