قصيدة العيد
اولى مشاركاتي معكم احبتي احدى قصائدي الوطنية
أحلى ليالي العمر في جـيّت العـيد
عسى يعود بكل خير وسلامه
بالعيد فرحه للقلوب المنـاكـيد
تصفى بها قلــوبٍ عنا الحزن ضـامه
وللطير يوم العيد صـدحٍ وتغـريد
عـمّ الفرح بالعيد وأبدى إنسجامه
يا عيـد عـمّ المملكه بالأناشيد
بالتـهنئة للي سعى في قـوامه
حكامنا سادات نجد الأماجـيد
عسى لهم في كل خطوة سلامه
أهل الكرم والجود منصى الأجاويد
إعيال عودٍ جعل " طوبى" مقـامه
اللي حماهـا يــوم هي بالبواريد
حتى عدوّه أعلن الإنهـزامه
ما ضعّفت عزمه مساريه بالبـيد
على الذلول اللي طويلٍ خطـامه
عبدالعزيز الفيصلي نال تمجـيد
سطّر حروف اسمه بلوح الكـرامه
بالعزم والهمّة تقلّد مقاليد
ما بين شرع الله وسلّة حسامه
وخلّف لنا من بعد حكمه صناديد
اسود غاب وللمعالي علامه
تحمي ديارَه من شرور الحواسيد
شعب وحكومة ما تغيّر نظـامه
نحمِيِك يا دارٍ بها شـامخ الغـيد
من الساحل الشرقي ليا أقصى تهـامه
دار العروبه والمعـزّه لنا حـيد
دار الفخر .. دار الكرم والشهامه
شاهت وجيه المفلسين المقاريد
حنا جسد واحد تشيله عظـامه
وطن .. وطن .. دونه نشيل البـواريد
ناقف يداً وحدة جنوبه وشامه
حنا رجال ولا علينا تقاييد
وسلومنا بالمجد عالي سنامه
ما هزّنا بالمملكة كل تهديد
والمفتري ما شكّ فينا كـلامه
وصلوا على اللي وحّد الدين توحيد
إعداد ما هلّ المطر من غمـامه
|