كحل العين موضوع رائع بمعنى الكلمة
ما أحب أروح المراكز الصحية بس أحيانأً أضظر أوصل أهلي في حالات الضرورة
أحد المواقف ,,, لما كانت دورة كأس الخليج في الإمارات أختي كانت تسوي العشا
وطاحت وانسكب عليها ( وغار العيش ) واحترقت ,,, وبسرعة بسرعة رحنا مركزنا
الصحي يا اختي كحل وإنتي تعرفيه ,,, تعاملوا معها بشكل شبه اهتمام ونظفوا مكنان الحروق
وسعادة الدكتور عمل لها مرهم في إيدها ولفاف
لما جا وقت الليل أختي تصرخ من الألم في إيدها ,,, تخيلوا رجعنابها المستشفى فجر وحولوها صحار
عاد تخيلوا حصلوا الحروق ملتهبه بسبب الأدوية إلي حطوها عليها
والله اضظروا يحجزولها غرفة خاصة على حساب المستشفى علشان الجروح ما تتلوث
وأختي جلست أسبوع في المستشفى متنومة ..,,,
ومرة كنت شال أختي مريييييييضة وخلوها في طواريء مركزنا - عاد ما طواريء هههههه -
المهم أنا جالس برع الستارة لأن الممرضة عند اختي تخيلي كانوا في الغرفة ممرض وممرضة
وأنا ع نياتي واقف أنتظر الممرضة الثانية تخرج من عند أختي واشوف الممرض يطالعني بحقد ويقول لي
لو سمحت اطلع برع لحد ما تخرج الممرضة .. قلت له ليش ؟؟
قال ما تشوف المكان ما مناسب للوقوف ,,, والله ما شي زحمة ولا شي
بس أبو الشباب على باله أنا واقف بالعمد وخاف على الممرضة إلي معه قلت له والله المكان واسع وأنا ما سويت شي غلط وما تقدر تخرجني لو تقلب الدنيا وأنا مواطن مثلي مثلك ولو في شاربك خير
تعال وخرجني إنت .... وسكت وخرجت الممرضة من عند أختي ودخلت ....
ومرة كنت شال أمي مريضة كثيييير يعني حالتها صعبة وما قادرة تتنفس أيام انفلونزا الخنازير
والطبيب ما هامنه ولا قال إنها حالة صعبة وكل ما أكلمهم يقولوا الطبيب بيجي
والله رحت له قدام المراجعين في الغرفة وقلت له والله لو صار في امي شي تراك ما تخرج من المستشفى اليوم ,,, وصدقوني الطبيب يقوم من مكانه على طووول مع أمي ,,,,,
همسة ::: معنا أفضل الأجهزة بشهادة دكاترة من الخارج ,,, بس للأسف ماحد يعرف يستخدمهن ,,,,
كن صريحا معي ........... لا تجاملني |
|