السلام عليكم ورحمة الله وبركاته
على بركة الله نبدأ أول درس لأعضاء حصن عمان .. واللي يريد يشاركنا يا هلا
الدرس إن شاء الله بيكون بالصور .. وطبعا أغلب دروس السويش الموجود ف المواقع ما بالصور وإنما بالفلاش . فحبيت أسهل عليكم الشرح شويه وأشرحها بالصور .. لان البعض يجد صعوبه في تحميل أو رؤية ملفات الفلاش على المواقع
المهم نبدأ على بركة الله
بعدما نزلنا البرنامج وتعرفنا على الواجهة والأدوات وبعض الأشياء .. خلونا نبدأ في أول عمل .
الحين تابعوا الصور .. بظل معكم في المراحل الأولى .. وبعدين كملوا الباقي على نفس المنوال .
نفتح البرنامج .. بتظهر لنا نافذة .. نختار الخيار الأول . بدء عمل جديد
هذي الصورة بتظهر لك على يمينك .. عباره عن مقاس حجم العمل .. ما يهم كثير . . أنا أخترت 600 * 400 عشان يناسب مع حجم المنتدى في حالة عرض الفلاش هنا
وأيضا لون خلفية حقل العمل .. اللون أبيض حاليا ..
ما مهم لا تغير شي
الحين .. نبدأ بإدراج الكائنات
اول حاجة نعمل إدراج صورة بالطريقة التالية
من يسار البرنامج تحصل زر insert أو ادراج .. ثم تختار image أو صورة ..
بتظهر عندك الصورة في حقل العمل .. خلي بالك .. إذا كان حجم الصورة اكبر من حجم حقل العمل .. صغرها وخليها تتناسب مع حجم حقل العمل .. وإذا كانت أصغر كبرها .
هذي الصورة توضح أنك بعدما أدرج الصورة في حقل العمل .. ظهرت عندك خصائص الصورة على يمين البرنامج .
واضح حقل العمل خلف الصورة .. أنا صغرت الصورة عشان تتناسب مع حقل العمل
الحين أدرجنا الصورة خلاص .. نروح ندرج الصوت أو النشيد
من نفس المكان اللي أدرجنا فيه الصورة . نختار insert ثم soundtrack
لاحظت الحين
الشريط الزمني
تلقائيا تم أضافة الصورة والنشيد في الشريط الزمن مثل ما شايفين في هذي الصورة
الحين ندرج النص
وليكن هذا النص عشان يكون مع النشيد ( كلمات النشيد )
إنما العيش إذا ما مسه .. عبق الإيمان من عطر العضات
بعدما نختار حرف الـ T تظهر عندنا على يمين البرنامج النص المراد أدراج .. نكتب كلمات النشيد .. أو أول مقطع من النشيد . ثم نذهب لحقل العمل ونضغط ضغطة واحدة وسوف يندرج النص .
شايفين هنا خصائص النص .. مثل ما شفنا سابقا في خصائص الصورة
هنا بامكانك تعدل على لون النص وحجمة والخط .
شايفين الحين عندنا 4 كائنات
1. الصورة
2. النشيد
3. النص
4. النص الثاني
الحين نبدأ في التأثير ..
الصورة ما يحتاجلها تأثير لانها بتبدأ مع بداية العرض مباشرة .. شوف الشريط الزمني
والنشيد ما يحتاجلها تأثير أيضا
يبقى عندنا النص فقط
نروح على أول فريم من فريمات النص مثل ما واضح عندنا في الصورة التالية , ونضغط على الفريم برز الماوس الأيمين .. ونختار أي تأثير .. أنا أخترت fade in
ملاحظة :
من كلمة place فما تحتها .. هذي كلها كلها كلها تأثيرات بالهبل . تختار منها أي تأثير
الحين أندرج عندي التأثير على النص الأول مثل ما هو واضح في الصورة ( طبعا ممكن أطول التأثير أو أقصره )
الحين روح على الفريم رقم 11 وندرج التأثير للنص الثاني
ليش ما أدرجنا التأثير من الفريم رقم 1 ؟؟ بنعرف ليش
الحين لما جينا نشغل العرض .. أشتغل النشيد وصار التأثر الأول وصار التأثير الثاني في غير وقته ! يعني المنشد بعده ما قال كلمة ( عبق الإيمان .... ) أيش نسوي
شوف الصورة اللي بعد هذي الصورة
نسحب التأثير الثاني إلى الفريمات البعيده شويه .. ونحاول نشغل العرض ونشوف متى يبدأ المنشد في المقطع الثاني .. ونحط التأثير على الفريم اللي يبدأ منه المنشد في انشاد هذا المقطع
الحين خصلنا من الأبيات الأولى .. نجرب نشغل العرض .
أريد التطبيق على هذي الخطوات حاليا ..
ولما يطبق كل الأعضاء ننتقل للخطوات التالية
ملاحظة :
لو طبقنا هذا الخطوات بشكل صحيح .. أضمن لكم أنكم بتتعلموا بقية الاشياء بدون دروس .. بتكتشفوا بأنفسكم بقية الأشياء
ما بننقل للدرس التالي إلا بعد تطبيقكم لهذا الدرس .. وخاصة الأعضاء اللي كانوا معي من البداية لي سجلوااا معاي ولي حطوا مشاركاتهم هنا ( ابا التطبيق مفهووم )
اللي عنده أي أستفسار يضعه هنا