اعترف ان قلبك حب ثاني
وقل على حبنا مليون رحمه
لاتزود عذابي يالأناني كل
ماودك اسمي تذكر اسمه
اول ان جيت شفتك في مكاني
تنتظرني وتملى الدار بسمه
بس هاليوم زودت امتحاني
حتى شكلي نسيت اليوم رسمه
كنت تسأل علي قاصي وداني
كنت لي في دروب الليل نجمه
وتشتعل هم اذا غيرك دعاني
وفي عيونك الاقي الف كلمه
هجرك الي مع الحيره كواني
زاد جرحي وقلبي هد حلمه
صرت تغلط وانا قلبي يعاني
واتصبر واقول الصمت حكمه
|