للاسف اخوى جريح الذكريات ان في وقتنا الحاضر نعيش في عصر المصلحه ... نادرا وبالكاد تجد شخص يرتبط معك الا مايكون هناك نوع من المصلحه ولو كانت بنسبة لاتذكر ..واقول ان هالمصلحجى انسان مريض .. وصولى .. مايهمه الا مصلحته .. وممكن يسوى اي شي عشان يحققها .. لذلك ماقول عنهم الا الله يقطع كل واحد مايرافق ولا يزامل ولا حتى يصادق الا من منظور مصلحه .. فعلا مريت في حياتى في الكثير من هالانواع وكل ماقلت خلصو طلع غيرهم ..خصوصا ان فيه ناس تنصدم فيهم لان اخر شي تتوقع انهم يكونون مصلحجيه ...
ولكن رغم انك تعرف انهم مصلحجيه وانهم ما ذكروك الا لحاجتهم .. وعاد كلام التملق والنفاق حدث ولا حرج وتنصدم لما تعرف انه ما اتصل عشان سواد عيونك .. اتصل لمصلحته الا راح تقدمها انت له
لكن الواجب انك تقدم له وتساعده فيما طلب والمرة الثانية لا تعبره طول لانك تعرف شو يريد واحسن الواحد يبعد قدر الامكان عن هذولا الناس
مشكوور جريح الذكريات والله يبعد عنك وعنا امثالهم يا رب

يا عشير المصلحه منك انتهيت
___________ وعشره الاخلاص منت بقدها
للمصالح عشرتك توي دريت
___________ وعشرتي وياك هذي حدها
والهدف واضح ولا مثلك رأيت
___________ واجد الغلطات يصعب عدها
ابتعد ما ابيك فيني وش بغيت
___________ رح ودور يد غيري وشدها
ولا تجاملني ترا غيرك لقيت
___________ من يدينا للوفاء لي مدها
لي صديق هو رفيقي لا مشيت
___________ وعيني لعيني يداوي ودها
ويا عشير المصلحه شفني نسيت
___________ والقصيده صار واضح قصدها