الأعمال بالنيات
اليوم صار موقف وضحكت فية من خاطر ع الرغم كنت مرة تعبانة من يوم شاق ومالي بارض أبد
اليوم مداومة 8 الصباح وخلصت محاظرات 3 عصر .المهم أنا شفت الباص وطيران ع الباص
وطبعا كالعادة مزحوم فووووووووووول والبنات واقفات ومالهن أبد بارض
سألت راعي الباص كيف مافي باص غير قال لاا بعد ساعتين يجي غيرة
قتلة عجب بوقف ول بنزل ورحت وراا أوقت مع مجموعة بنات واقفات
وكان واقفات جنبي بنات من صور ثلاث وياااااااااي كلامهم يعجبني جنان مرة واعرفهن تقريبا
شوي وكوميديات يعني ماسكتت من الضحك
المهم في وسط الزحمة بالباص ع الرغم الباص مال النقل الكبير
قامت بنت من الجالسات وقالت صبروو لايتحرك الباص
واستغربنا شو صار
راحت البنت عند راعي الباص وجلست تترجاة ارجوك شوي بروح وبرجع حاجة ضرورية لازم
أجيبها ألحين مرة
والبنت شكلها جدا ع نياتها بشكل يعني
عاد انا والبات نتسائل ياترى هذي وين رايحة وحد يقول رايحة تجيب العميد
عشان البنات واقفات وكل وحدة ألفت تأليف
والبنت مال صور من وقفت وراحت هالبنت ركضت تجلس مكانها اونة ترتاح هع هع
المهم راعي الباص قالها ماجدر انتظر لان وايد بنات ونبي نروح
وجلست تترجاة وقالها روحي بسرعة
لكن مانشوف هالبنت غير طايرة تركض ههههههههههههههههه ونحن ميتين ضحك
ولافاهمين وين رايحة
وجلسنا ننتظر ومرة البنات معصبات لانهن واقفات
المهم رجعت وتركض وتركض من خاطر
لم وصلت الباص وركبت جات تركض اول شي قيمت البنت مال صور من مكانها
طبعا قلعتها بالغصب كأنها تقلع شجرة من الكرسي
بعدين سكتنا ومشى الباص وسألت البنت مال صور هالبنت اللي راحت وجات
قالتلها تو انتي وقفتي كل الباص ووقفتينا كلنا شو كان السبب لروحتج
ورجعتك ولاااة بعد تركضي كأنج ياهل
قالت بكل بساطة وع نياتها رحت اشتري عصير وسندويج هههههههههه
لكن البنت مال صور فيوزاتها احترقن من القهر
وصرخت صرخة فالباص والكل يطالعها حتى راعي الباص انتزق
قالولها مالج قالت ضاربني غم
انتوو لو شفتوو حالت البنات والتعب والعصبية بتعذروهن ان ياكلن هالبنت
وقالت للبنات وضربهن غم وانا ماجادرة حتى اتكلم من الضحك
قالتلها تو انتي مو ضاربنج الجوع ول مو جادرة تشتري فالسكن
ضربتها بكلمة أكبر قالتلها هذا مو لي أنا هذا لبنت
فالسكن سوتلي مسج وانا فالباص ورحت اشتريلها
عاد هنا بنت صور انفجرت قالتلها لو اعرف كذاا ماقمت من الكرسي ولقعج واقفة فمكانج
المهم لين وصلنا السكن وبنت صور ماتاركة هالبنت اونة تنتقم منها لين كرهت البنت نفسها
بجد استفدت من هالبنت ان بجد ع نياتها
من خلال نقاشهن وضرابتهن
البنت قالت أنا لو أي حد يطلب مني طلب صعب أرد إنسان فكيف بنت جوعانة
فبجد ضحكت وانقهرت بنفس الوقت بس احترمت هالبنت كثير لانها تعرضت لضحك البنات
ومسخرتهن وتعليقهن عليها طول الطريج عشان تجيب أكل لبنت فالسكن ولااااااة بعد تقهر البنت
مال صور وتقولها هالبنت ماصديقتي بس زميلة فالسكن
ههههههههههههههه وهذيك تكفخ نفسها من الغم
بنـــــــــــــــات مجـــــنن :s_024: