و انا جالسة اقرأ مذكراتي اليومية فتحت مذكرة قدييمه جلست اقراها شفت حاجه خلتني ابكي
و اللي هو من أصعب ما مريت به
من أربع سنوات تقريبا في بداية شهر 5 تعبت كثير كانت ايدي تعورني لدرجة انه ما كنت ابدا اقدر احركها
كانت أكره يجي الليل لانه اقضية كله صيااح كان كل ما ادخل المدرسة تتورم ايدي و ما اقدر اكمل دوامي يتصلو لأهلي عشان يأخذوني كانو يقولو هذا كله من العين..كان دوم اروح عند حرمة تقرأ علي لكن ما شي فايدة رحت كم مستشفى و عيادة لكن الكل كان مستغرب ع اللي فيني لانه في الاشعه كويسه و كمان تحاليل الدم
طبعا جلست شهر تقريبا و انا ما احرك ايدي كنت ابكي كثير مو بس ع الالم كنت ما اقدر اسوي أي حاجه لا شيلتي اقدر البسها ولا امشط شعري يعني كنت مثل المعوقه و انا اكره ما عندي حد يشوف علي نظرات شفقه و كان كل احد يشوفني احسه يشفق ع حالتي و كنت اسمع كثير كلمة ((مسكينه))اللي رااح تقتلني
طبعا بعدها رجعت طبيعيه و لله الحمد بعدها ب5اشهر رجعت لي الحاله من جديد و صرت اعاني كثير لكن هالمرة صرت عادي ما أتأثر وقت ادش المدرسة و كل مره ارجع للبيت ابكي ع اللي فيه و عشت كذا لحد اليوووم يعني كل 5 شهور ترجع لي الحالة أهلي يصروا علي نروح للخارج للعلاج لانه رسلوا فحوصات الدم و قالو لازم اروح لهم عشان ما متأكدين من اللي فيه انا
كل مره اقول خلاص بروح و بعدها ارجع في قراري ما اعرف شو السبب
مع انه حالتي كل مره تسوء بالاول ايدي اليمين لحد ما بتدت تتيبس يعني اكسفها لحد مكان معين مو الطبيعي و بعدها ايدي اليسار و احيانا حتى رجولي كأنه بيديت اتشلل
في مره كان عندنا امتحان هذا وطني كان العام الماضي و متعودة في اوقات الامتحانات لما اكون مريضة وحده من بنات الصف اللي تخلص امتحانها تجي تكتب لي لكن ذيك المرة قلت بروحي بكتب و بكتب باليسار كنت بيومها ما نايمه بس كله اتدرب أكتب باليسار و مسكت القلم جات بنت قالت استاذة عطر الايمان ما تقدر تكتب كتبي عنها رديت عليها قلت لها خلاص شكرا بروحي بكتب تفاجأة من ردها قالت انتي وحده عاااااااجزه ما بتقدرين تكتبين و فجأة بلا شعور ضربتها كف لحد ما علم ع وجها و طلعت من الصف و انا منهارة
ومن ذاك اليوم حاولت قد ما أقدر انه احرك ايدي ولو أتألم لانه نظرت الناااس لي تتعبني أكثر انا ماني عاااجززة و اقدر بس مع الوقت بتعود
Inst:7eebty |
|