ثاني ايام عيد الفطر:
احنا متعودين انه بثاني ايام العيد نروح عند اهل امي نجلس لحد رابع يوم
و بالعيد ذا كان ثالث ايام العيد يصادم يوم ميلادي و كان يريدوا يسويوا لولد ولد خالتي عيد ميلاد لانه كمل سنة و قالوا ندخلك معهم
طبعا علاقتنا مع اولاد خوالي كويسه كثير لانهم نفس سني و ولد خالتي اكبر مني ولانه تقريبا معظم طفولتي عشتها عند اهل امي صرنا مثل الاخوه بضبط
و متعودين بثاني يوم العيد نسهر مع بعض يعني انا و اختي و بنات خوالي بس تقريبا قريب من سني انا اصغرهن هع
و قلنا ع ساعه 9 المساء نجتمع عند مدخل بيت خالي يعني داخل البيت و المدخل مرتفع يعني احنا بأمكانا نشوف اللي يمر في الشارع
انا كنت واقفه ما جلست و اسمعهم بو يقولوه و كمان بنت خالي واقفه و الباقي جالسين يعني اختي و بنت خالي الثانية و ولد خالي و ولد خالتي
المهم انا ملانة و كمان كنت معصبه ع زوجة خالي و كنت اريد اطفر بأي حد بس عشان اغير حالتي النفسية و فجأة شفنا شباب فوق 10 كانو مارين من الشارع يعني يمشواو شافتهم بنت خالي و قالت عطوورة شوفي الشباب كان مفتوح الباب و هي كل هذا تسويه عشان تفطر بأخوها و ولد خالتها هع و غمزت لي عشان اكمل معاها قلت لها ماشاء الله عددهم فوق العشرين هع و بالمرة قامو ولد خالي و ولد خالتي يشوفوا قالوا يلا جلسن ما توقفن و احنا ماراضين نجلس هع و اختي تقول لنا يالله منكن تحبن تطفرن بهم
قالوا يا جلسن ولا بندخل قلت ما بجلس قال انزين يلااا قدامي داخل قلت له والله العظيم ما ذكي انت نسكر الباب و خلاص و جيت انزل عشان اسكر الباب قالي ولد خالي جلسي مكانك انا بسكره هع و انا ميته ضحك عليهم قالي ولد خالتي اذا ما سكتي بهالنعال في راسك قلت لهم وووويييييييييوووو اوووين يغااااروا خخخ و تجي بنت خالي تكمل تقهرهم هع عاد جلسنا نكمل سوالف بس بجد ذيك الليله ضحكت من الخاطر عليهم تقول بنت خالي يستاهلوا
Inst:7eebty |
|