نعود للموضوع الجديد .. اولا اشكر وعد الوفا على طرح الموضوع >>> نرجع بالعاميه
:::
الراتب موضوعه غير عن باقي المواضيع .. احس انه يتعلق كثير باسلوب الحياة التي تباها لنفسك .. يعني بو باغي يعيش حياة اعلى مستوى من الحياة الي هو اصلا عايشنها اكيد بيصرف اكثر فأكثر وبيوشف نفسه في نهاية المطاف يصرف اكثر من ما كان يصرف اول وهكذا .. والي الاحظه كل ما ارتفع الراتب زاد الصرف مرات على اشياء ما تسوى والله .. بس سبحان الله دائما نجعد نقارن اسلوب حياتنا والاشياء الي نملكها مع الناس الاخرين وبعدها نقول لا ليش يعني هم عندهم وانا ما عندي هم ما احسن مني .. وانا عندي فلوس وبصرفها ..!
ويجيك شخص ثاني يقول لك عيش حياتك ولا تجعد تزيد نفسك هم وتفكر في المستقبل ..!! طبعا شيئ غلط الي يفكر كذا لانك بكذا بتشوف نفسك مستقبلا انك ما زلت عايش الحياة السابقة والناس الي كانوا معاك في مستواك وصلوا فوق وانت بعدك مكانك .. التخطيط وانك تدور عن صرف مثالي لنفسك بحيث ما تبذر ولا تبخل على نفسك .. وتعيش بمستوى معيشي ملائم لك ولعائلتك ... هذا الشيئ الصح ..
اذكر مرة قريت كتاب حلو .. اسمه ابي غني ابي فقير .. وتكلم عن نقطة حلوه .. وقال ان الفقير هو الي راتبه ينتهي قبل لا ينتهي الشهر .. والغني هو الي راتبه يبقى والراتب الثاني عاد نازل .. وهذا الشيئ الصح .. ^_^
|