وانا نازلة بروح الدوام ،، ناداني هالاخ الصغنون وقال : ما ألوح مع أبادي انا ألوح مع عمار ( ويكشخ )
وعد : انزين بالبركة ،، وفرت علي كم بيسة ،، م قال انك تروح مع عمار ؟
اخوي : ابوي
وعد : متى قال ؟
اخوي : تو نهزته ( يقصد نهضته او قومته او صحيته ^^) قلت متى ألوح المدرسة قال ألوح مع عمار
وعد ( دار راسها شويات ) : انزين حلو ،، يلا بروح عنك
اخوي : وين رايحه
وعد ( الله يصبرني كم مره اقول رايحه الدوام انا ) : رايحه الدوام
اخوي : مع من ؟
وعد : بسيارتي
اخوي : عندك 100
وعد ( رافعه حاجب ) : ايوا خير ؟
اخوي : عطيني با استري
وعد : دوك الشيمه ولو تبا فلوسي كلها عطيتك المهم خليني اروح
ناديت امي اني رايحه وشردت ،، لأن لو استمريت بالإجابة ماشاء الله عليه بيسأل ويكمل عادي الامور طيبة عنده ( الله يسامحك يا اخوي )
|
اسم العميل: وعد الوفا
رقم العميل: 007
الحزب: 04
المهمة: اجتياح حصن عمان |
|