كل الشكر والتحيه لك أخي الكريم كاسر الأمواج على موضوعك الجميل
وأكتب لعمان الحبيبه
لغياب وجهج عن تفاصل الانفاس
قصة مشاوير وأماني عديدة
يفرق هواج اللي نبتنا به إحساس
واللي تنفسناه وإنتي بعيده
وتفرق دروبج ما بها درب ينداس
كل الدروب اللي تمرج قصيدة
حتى السهر والشعر والعطروالناس
بترابج الدنيا جديدة جديدة
حتى مراجيح الزهر فلٍ وياس
في قلب عاشق طهر حبج رصيده
ورصيده الاغلى بلا حد وقياس
عشقه لصبح المجد من كف سيده
قابوس...باني مجدنا واثق الباس
اللي غرس حبج بقلبه عقيده
ضمج بعينه والمدى جدب يباس
وسقاج صافي العز من راحة إيده
نقول اسمج يا عمـــان... ارفعي الرأس
ما غير دمج في دمانا نعيده
فغياب وجهج هالقصايد تبي ناس...
والناس إنتي... والمشاعر وحيدة...
|