محال انساك
اكذب عليك ان كاني قلت ناسيك
والا بعد حاولت ياروحي انساك
تعيش فيني مثل ما اعيش أنا فيك
حبك حياتي واعرف الموت فرقاك
أنا وقلبي ياهوى البال بيديك
وشلون اعيش ايام عمري بلياك
لا تصدق اني قادر انسى واجافيك
مهما حصل صعب اني انساك و أسلاك
ماتدري إني هايم وميت فيك
ماتدري ان غايه سروري رضاك
اغليك من قلبي ومن روحي اغليك
وافراح عمري تكتمل في ملقاك
كلك حلى سبحان منهو مسويك
يا مجملك في عين قلبي ومحلاك
وزود على حسنك طبوع (ن) تحليك
تفرقك عن هذا وهذا وذاك
يكفيك مني يا هوى البال يكفيك
اني محال انساك لو قلت بنساك
اهــــــــــــــداء لــشــخــص غـــالــي عـــلــيــه
قـــــــــــــــــــــــــــــــــــهـــــــــــــ ــــــــــــوة غــــــــرامـــــــــــــــك طـــــــــــــــعـــــمــــهـــــا شـــي ثــــــــانــــــــــــــــــي...
الــــــــــــــــــــهـــــــــــــــــــــــــيـ ـــــــــــــل حــــــبـــــــك والــــــوفـــــــاء لـــــــه مـــــعـــامـــيــــل... |
|