وعد والمجهول ..!
قصة المجهول .. قصة فتى القرآن ..
كنت اشارك ف لجنة لمسابقة القرآن الكريم للأطفال عن طريق النت ..
بحيث يكون تواصلنا عن طريق صفحة مؤقتة لأعضاء اللجنة ف كل منطقة م مناطق الشلة ( ربيعاتي )
فيها نتبادل اسماء المشاركين والتخطيط لبدء المسابقة وإختيار الأجزاء للحفظ وتاريخ الإلتقاء لتسميع المشاركين ..
من ضمن الأسماء اللي وصلتنا عن طريق الهاتف النقال ( كنت انا اديره واستقبل مسجات بأسماء الطلبة ومكان إقامتهم ) وصلني اسم " مجهول الهوية " ..!!
توقعت ان هذه لعبة وتسلية م صاحب المسج وما عطيته أي اهتمام ولا حتى رسلنا له موعد التسميع وهكذا
اليوم اللي رسلنا فيه مسجات بموعد التسميع للمشاركين وصلنا مسج م هالمجهول يعاتب فيه انه ما وصله مسج مثل باقي الطلبة ..
الكل قال لي طنشي شكله يلعب بس صار عندي فضول وطرشت مسج لهالمجهول بموعد التسليم ومكان التسميع بمسجد كذا كذا .. والكل معارض لأنه خالف الشروط
سمعنا ولله الحمد لجميع الموجودين ( طبعا بوجود آمهات الأطفال تم التسميع )
ناديت باسم المجهول قلت : فيه م بينكم حد ما سمع المقرر اللي مقرر له ؟
ضحكوا بنات اللجنة اللي معاي لأنهم عارفين م اقصد واللي هو اسم مجهول الهوية !!
رجعت كررت وسألت : من منكم اسمه مجهول الهوية !
ما اشوف إلا طفل بعمر 10 سنوات يتقدم علشان يسمع والمشاركين والأمهات يضحكوا ع اسمه
بعد ما خلص تسميع سألته من اسمك قال : محمد
سألته عن سبب اسم مجهول الهوية ،، شوفوا الرد
ما لازم اقول اسمي ف الرسالة لان كنت مخلي اخوي يرسل علشان اشارك ونتأكد اذا صح شي مسابقة ولا لا
وقلتله ما يكتب اسمي ويوم ما رسلتوا رسالة متى اجي اسمع قلت عجب صح هذيلا يضحكوا علينا ..
المهم ان ما شاء الله عليه حاليا حافظ 17 جزء وما زلنا نطلق عليه المجهول ويحب ان نناديه بهالإسم يتقبل الإسم بإبتسامة .. الله يحفظه
عاد زين لو اسمع رايكم بهالطفل ؟
|
اسم العميل: وعد الوفا
رقم العميل: 007
الحزب: 04
المهمة: اجتياح حصن عمان |
|