منتديات حصن عمان - عرض مشاركة واحدة - عــــــانـس
الموضوع: عــــــانـس
عرض مشاركة واحدة

عــــــانـس

 
قديم 11-08-2006   #1
 
الصورة الرمزية راعي البوش







مؤهلاتك بالحصن
  عدد نقاط تميزك بالحصن : 10
  المستوى : راعي البوش بداية التميز
  
عدد زياراتك للحصن:
عدد المرفقات :
  الحالة :راعي البوش غير متصل
 

 

!.. رسائلي ..!
 

 

من مواضيعي

افتراضي عــــــانـس

 

عانس فاتها
قطار العمر..
ما نصفها زمانها
ما كفاه غدر..
قالها قصـــــده
يتحسف علي
ما درى عني
ما درى وش
هـــــــــو الأمر...


عانـــــــــس صحيح
بس بأختياري
مابي أركب قطار
ماهو قطاري
كل محطاته
أوجاع وأذيــــه
وبالفشل أنهي
مســـــــــاري....


حلمي مثل حلم
كل النبات
بيت..طفل..
يزين هالحياة
وزوج بكل مافيني..
يحـــــــــتويني
وإن هزمني الوقت
مت على صده
في سكـــــــــات...


حلمي البسيط
في هالزمن مستحيل
زمن الأنا..
وقلوب تعشق التبديل
قلوب تشكي
برود العـــــــــاطفه
وإن مرها الحب
مر عابر سبيل...


شف حولك
كم فينا من بنيه
ماتت أحلامها
فيها صبـــيه
عطاشـــــى
وأغراهم سراب
وكذوبة أحلام
ورديــــــه....


قلي من اللي
في هالزمن بس
طويلــــــن باله
عزيــــز نفس
لاقال صدق
ولاوعد وفى
حر اً ماهو
بعبد الفلــــس...


رجالا تعرفـــــــــه
من ميـله عقاله
شهــــــم كريم
والطيب فــــاله
قوي ولكن..
أبيض القــــــلب
الصادق اللي
مايزيف أفعـــــاله...


أدري الكمال
في هالبشر إستحـــــاله
ولاني طالبه مــلاك
حوله هـــــــــاله
كلي اللي ودي فيه
شخص محتــرم
ماهو نذل
وراعــــــي ظلاله...


ومايعيب الرجال عندي
شكله او حتى لــــونه
وماضمه الجيب
لو قصر دونه
العيب لو توسمت
فيه الرجولـــه
ورجولته تخيب ظنوني
وتخـــــــــونه...


وأدري إني ماني
ضرباً من محال
ولاني راعية
حســــن ودلال
بس هذا مايغير طموحي
فمن هو بفــــــعاله
بالفعل رجال...


وقولة عانـــــــــس
ماهي عيب فينــي
مدامني عفيفه
متمسكه بدينـــــي
العيب فيكم
دام مافيــــكم
رجال بحق
يملـــــى عيني...




القصيده منقوله ..لكن نضج الفكره واتزان القصيده وقوة كلماتها هي من دفعتني لعرضها عليكم .. والسموحه

 
راعي البوش غير متصل   رد مع اقتباس