اذا لم تكن كلمات القصيدة واضحة -- اليكم هذه النسخة
قصــــــــــــــة نور.
بقلم :الرحيــــل الســــاحر
في ذكرى عذراء النفوس .
في قلبها الولهان خفايا طفل أحزانه تكتو يني
فيها روعة إنسان وفي عينها شجن يحينـــي
أخت, ملاك لا بشر وقدرها عالي يعيش فينـي
نور اسمي قالت لي وأنت يا لرحيل تغلينــي
اسمع قصتي يا خوي ومن بعدها خلينــــــي
بشكيلك همي ورحلتي يمكن البوح يداوينــي
عرفت فلان وحبيته وفي قلبي حطيتــــه
ما بخلت عليه بإحساس وبعمري أغليته
عرفني معرفة عزة وربي عالم فينـــــــــــــــــي
من يوم شفته ضاعت حروفي وعناوينـــــــــــي
حبيته حب يسري بدمي فيه لهفتي وحنينــــــــي
طيفه كل يوم عايش معي يصبح بي ويمسينــي
وان غاب صوته يوم, أعيش البعد ويشقينـــــي
قال لي انه يحبني وانه بقلبه الساحريغلينـــــــي
قال لي إن قلبي لك وبروحي أهديتـــــــه
وحبك لو أنسى عمري يا لغالية مانسيته
عشت وياه ربيع العمر وعطيته سنينـــــــــــــي
وحلفت له إني معك ومابخون مضامينــــــــــي
عهد لك بالوفاء نبضه إحساسي وشرايينــــــي
عشقت كلامه وسطرت أشعاره في دواوينــــي
وصرت في نشوة الليل أنام وأشعاره تسلينـــي
ماهمني برد الشتاء مادامت شمعة حبه تدفيني
وثقت فيه وأغليته وللثقة أهل لقيتـــــه
وسط هدب عيوني وبضلوعي شاليته
يومها قال لي ودي أكون قربك تشوفينـــــــــي
قلت له آمر والشوق في قلبي يوعدني يهنينــي
نسيت أهلي وكلام الناس من كثر الوله فينـــي
معاه فرحانة مشيت وأضحك والقمر يضويني
بين الورد والزهر والعطر كان بالليل يمشيني
وفي كل ليلة صرنا نلتقي, بحنانه يروينــــــي
لين اجى يوم ما رحمني الزمان وماهجيته
في لحظة جنون الموت في عيني شافيتــــه
يومها طلعنا مثل كل ليلة والفرحة تحتوينـــــــــــــــي
وكان القدر ,حادث سيارة وشفت الموت يبينــــــــــي
بس الله سلم وانكتب لنا عمر جديد والجروح فينـــــي
بعدها عشت مشلولة وجرحي في رجلي يبكينــــــــي
لا يشفيني حكيم ولا طب الطبيب يداوينـــــــــــــــــي
حسيت بالدنيا كأنها ماتبيني واحتجت حبيب يواسيني
وأصر الزمن يكمل رحلتي بالغدر وياليتـــه
ما عرفني وعرف جرحي اللي بقلبي أخفيته
اتصل فيني بعد ما عرف حالتي يناجينــــــي
وكنت فرحانة بصوته فرحتي بمزاينــــــــي
وأسمعني كلام بدل ما يواسيني يبكينـــــــــي
قال لي يالحبيبة القدر همومه غريبة تخلينــــي
أبكي على اللي بيننا ومن قلبك الطيب أعفينــي
كل واحد في طريقه بينسى وليت الايام تنسيني
قلت له ودموعي تسيل - يكذب علي تمنيتــــه-
يابن الناس أش فيك؟ أنا في حقك شيء سويته؟
قال لي ودموعه كذب أنتي ماعدتي اللي تبينــــــــي
ولا أنا صرت أنفع لك وأنتي بعد صدقينــــــــــــــي
حالتك ما تسر والخوف من باكر ترا يخاوينــــــــي
أسف إذا قلتها لك بس انتي بعد اليوم ما تنفعينــــــي
شوفي لك طريق ثاني وأنا من خيالك امسحينــــــي
و بعد اليوم خلاص, كل شيء انتهى ومنك فكينــي
ساعتها,ساعتها طاحت السماعة والفرح أخفيته
تتعبني دمعتي وخيال الألم في قلبي حطيتـــــــه
وتمضي الأيام وجروح الآلام بالسيل تجيني
كل يوم أتمنى الموت وبقسوة الجرح يفنيني
وبعدها ودعت حبي وصارت دموعي علي تشكيني
ما عاد لي كيان ولا زمان ولا أماني بالغد تمنيني
ضايعة بين قلبي ومعاناتي اللي في بحرها تفنيني
وفي النهاية جاني سؤال في قلبي المكسور يوصيني
ليه يا إنسان أنت خوان وقلبك نسيته ؟
ما تدري إن القلب إحساس وأنت خليته
أعيدي.. أعيدي الي ياحكاياتي
أعيدي الي ماضي المسلوب من ذكرياتي
وافتحي في حاضري نافذتي وشرفاتي
واشربي الشاي في مقاهي حماقاتي |
|