مِحفَضَة وَاحد محشش!
السّلام عَلِيكُم
هَذِه مِن احدَى المَوَاضِيع اللي لمّا قَريتَه انفَجَرت ضَحِك
و حَبّيِت اكتَبهَا لَكُم
و اللتِي كَتَبَهَا احَد المحششين5:" انقُلهَا لَكُم حَرفِيا :
محفظتي القديمة عاجبتني
صدق قديمة لكن اصيلة
عاشت معي على الحلوة و المرة
سواء مليانة او فاضية (كالعادة)
مهيب مثل بنات هالايام
تاخذك لحم و ترميك شحم (كباب هذا مهوب ادمي)
محفظتي حطها على يمناك
ما عارضتني يوم
لا صارت مثل الفقيه سود الله وجهه
ولا مثل المسعري جعله الماحي
لكنها ضاعت
اه يا محفظتي
صدق كانت فاضية 24 ساعة في اليوم
لمدة 7 ايام في الاسبوع
لكنها مليانة كروت (بزنس كارد) ولله الحمد
واصحاب الكروت كلهم سلنتح
ماعندهم ما عند جدتي الله يرحمها
زعاطة و يبين لك ان صلاحياته توازي صلاحيات وزير العمل
(اللي عمره ما راح للعمل والا كان حالنا احسن من كذا بشوي)
سعودة و سعودة
واخرتها نبيع خضرة
و اختي خدامة جامعية
ما علينا
نرجع لاخواننا السلنتح اللي يوزعون كروتهم
البزنس كارد
على طول اعرف انه ما عنده سالفة
لان الحرامية الكبار
اقصد التجار ما يوزعون كروت
بيبون يسرقون في صمت
اوفففف اقصد يعملون في صمت
لكن هذا السلنتح اللي يوزع كرته
يبي يزعط و يطلع محفظته و شوفوا اني شخصية مرقوعة
اقصد مرموقة
لكن بصراحة
من حقه يكشخ شوي و يطلع محفظته(تذكرت محفظتي ... اه يا محفظتي)
اصلا انا غلطان
لازم يزعط و يطلع محفظته من جيب الثوب
لازم يكشخ بثوبه و شماغه و محفظته و الا يقولون عنه متجنس و ناهب خيرات البلد.
بصراحة بصراحة بصراحة
محفظتي ما ضاعت
انا اللي رميتها في الزبالة الله يكرمكم
ارجوكم لا تتهموني بالغباء و العصيان و الخيانة العظمى
اسمعوا تفسيري ( قم يا مفتي الازهر)
كنت رايح للصيدلية
ابي اشتري حبوب للحرقان
من حقي كمواطن انه يكون عندي حرقان
رحت للصيدلية
دخلت من الباب (لا يا شيخ)
ما شفت ولا سعودي
قلت طبيعي
لانه مافيه سعودي كفو يدرس صيدلة
بس المصريين و الهنود هم الشطار
اما احنا معروفة وظايفنا مثل ما قالي موظف الجمارك في احدى الدول العربية الشقيقة عندما سالني عن كثرة
الاوراق في سيارتي
قلت له:اني اجهز لمشروع تجاري
قال لي:هذا انتوا يالسعوديين
اماتصير مدير او تلعب كورة او تعزف عود
طبعا رديت عليه رد كاد ان يؤدي الى اشتباك الخطوط و الاسلاك ولكن الله سلم
ما علينا
دخلت الصيدلية وطلبت من الصيدلي حبوب الحرقان
اعطاني الصيدلي الدواء مشكورا
واخذت ادوية و بعض المضادات الحيوية و الارضية تحسبا لمرض مفاجئ او صاروخ مضيع
وقفت امام الكاشير
و قال لي المبلغ
ازدادت الحموضة بعد سماع المبلغ
و فتحت محفظتي فخذلتني
اعطيته بطاقة السحب الذكية
واثناء انتظار قبول العملية
فكرت كيف ارتفعت الاسعار و كيف تزداد يوما بعد يوم
و محفظتي كما هي لم تتغير
كل شيء يتغير الا محفظتي
و شوي الا يقولي الصيدلي ان عملية سحب المبلغ رفضت لان حسابك مقرع و بلاطة
يعني على الحديدة
عرضت على الصيدلي ان يشتري الحديدة
لكنه رفض
قلت له خلاص شكرا
قال: مش عاوز الدوا؟
قلت: لا شكرا خلي الحرقان فيني لانه الشيء الوحيد الذي املكه حاليا
طلعت و رميت محفظتي
اه يا محفظتي
بصراحة بصراحة بصراحة
محفظتي ما رميتها لهذا السبب
رميت محفظتي لاني مقهور ان الرخصة ما تدخل فيها من كبرها
تكفون يا وزارة الداخلية
صغروا الرخصة
ودي اكشخ بمحفظتي
اه يا محفظتي
انتهى
------------------------
اخواتي و اخواني الاعضاء:
ما كتب اعلاه كانت هلوسات نتيجة لارتفاع حرارتي
فالحمى تسبب الهلوسة
ولا عتب على المحموم
شفاك الله يا عقلي
__________________
قطار يمشي بسرعة 60 كيلومتر في الساعة , فكم عصفور فوق الشجرة إذا كان البيبسي بريال؟؟؟؟
الىهُنا اتمَمتُ النّقل بِسَلام
و شُكَرَاً
سبحان الله وبحمده سبحان الله العظيم
|
|
|
العرض العادي
المواضيع المتشابهه
